ٌتغرِيدةً عَشـگ / مـگتملة

بارت ( 23 )

#تغريدة_عشك
للكاتبة: #العنـود
=========================

كلهم التمو عليها يردون يعرفون شكو
وهية تصيح اغتصبني اغتصبنيي أبوها يكلها منو منو هية تكلة حسييننن
اني عيوني غوشت بس كوة سيطرت على نفسي اخوانها هجمو على حسين يردون يكتلو بس حسين مطلهم كلهم بالكاع ويصيح بصووت عالي والإمام علي جذابة ما عندي غير اغتصب بت خالتي
اني ما اكدر اسيطر على نفسي طبيت جوة ورحت لغرفة تقى القديمة وبقيت صافنة معقولة حسين هيج يسوي احس كلبي انفطر والله وراسي كام يوجعني
ورة نص ساعة صعدتلي تقى
:وينج يمعودة صارلي ساعة ادور عليج
باوعتلها عيوني مدمعة
:صدك اعتدى عليها
:خايبة انكلبت كلاب جوة صياح وعياط واهل سما يردون يسوهاا عشاير اذا ما يتزوجها
وحسين يصيح جذابة واحمد وعمي حالفين اذا طلعت السالفة صدك يطلكوج من عدة
احمد كلة اسمع أبو علي هاي سالفتك اذا طلعت صحيحة وروح امي حنين متبقى يمك دقيقة
حسين كلة مو بكيفك حنين مرتي وهية اليي وهاي السالفة كلة تلفيق من هاي الساقطة
هوة كال صاقطة وهجمو اخوان سما على حسين بس شنو طيح حظهم وعلي مخلة واحد يطخة
:وهسة شحيصير
:هسة دزو على ام بخيت حتى تكشف على سما صدك معتدي عليها
:منو ام بخيت
:هاي التجيب النسوان ولج هاي سالفة جبيرة ما اعتقد تفض على خير
طلعت من يمي ورجعت ورة شوية جايبة كلاص مي
:هاج اشربي وجهج صار اصفر
ورة شوية نزلت شفت النسوان واكفات بالباب
شافني ضلن يتهامسن
بقيت واكفة بالباب انتضر شيكولون
طلعت ام سما تبجي وتصيح اويلي عليج يمة شدعي عليك حسين طلع مغتصب بتييي
وراحت للزلم تحجيلهم اني طلعت وراها
حسين كام يصيح ويكفر شافني واكفة اجة علية لزمني من وجهي
:حنين كل هذولة ميهموني والله بس انتي مصدكتني مو
بقيت اباوع بعيونة هزيت راسي
:عمو حسين مستحيل يسوي هيج شي والله
:شنو المستحيل مو توهة المرة كالت البنية متعرضة للاغتصاب لدافعين لرجلج
صارت هوسة والكل كام يحجي سحبني حسين ورحنة للبيت
:معلينة بيهم المهم انتي مصدكتني
راح حسين صعد فوك واني رحت لكوثر
فتحت الباب لكيتهة كاعدة
:احجيلي كوثر شصار من اجة حسين وسما
:اني سمعت الباب انفتح بقيت بغرفتي ما طلعت انوب سمعت أحد ثاني طب للبيت واسمع سما تكلة والله اذا ما تزوجني هسة افضحك فضيحة وعمو كللها ستري روحج انه رجال متزوج وكافي ترخصين بنفسج وهية طلعت بعد معرفت شصار
:تمام
عفتها وصعدت فوك لكيتة نايم وايدة على عيونة
:حتى انتي ما صدكتيني
:حبيبي لتحجي هيج والله صدكتك واني اعرفك شنو والله
:لتحلفين الله لو مصدكتني مجان اول ما وصلنة رحتي تتأكدين من كوثر
نزعت ملابسي ورحت مددت يمة وأمسح على راسة
:لتهتم لشي يروحي هية وحدة خبيثة
جرني خلاني على صدرة ونمنة

===========================
دقايق وينزل بارت ثاني 🖤