ٌتغرِيدةً عَشـگ / مـگتملة

بارت ( 24 )

#تغريدة_عشكك
للكاتبة: #العنـود

=======================
ضليت افكر معقولة حسين يسويها بس اني سمعت كوثر شكالت بس اني متأكدة حسين ميسويها
:اذا جبروك عليها تزوجها؟
:اشششش حبيبتي ما اتزوج غيرج نامي ولتفكرين بشي
بنص الليل نايمين واشتغل الرمي اني فزيت مرعوبة
حسين طفر اخذ اسلحتة
:حسين شكو وين رايح
:دكونة أولاد الكلب
اني رحت لزمت حسين وين رايح وينن
:خل اطلع حنين وخري
:ما اعوفك ونبيي تريد يصير بيك شي ما اخليك
دفعني ومشة
صحت ورا حسيين والله اموت
اندار عليه ونفخ اجة علية لزمني بين كفوفةة
:بوية والله ميصير شي ليش هل خوف يا بعد روحي هسة جايج انه بس دقايق
راح وطول اني نزلت يم كوثر شفتهة عادي عدها ممهتمة ونايمة
:كوثر كومي داحاجيج
:ها حنين
:شو حسين ما اجة
:وين يجي هسة تلكين امة الثقلين مكلوبة يم بيت جدو هذولة أهل سما مبينين دكونة
:يعني شنو حيصير حرب بينهم
:لا تفض انشالله شغلة عادية هاي
:شنو شغلة عادية لج كعدت تصيح اغتصبني وهية جذابة قضية شرف هاي
:شوفي حنين حكلج ترة هيج ولا هيج عمو حسين حيزوج سما
:لا هوة كالي ميتزوجها هوة اصلآ ميحبهة
:ادري والكل يعرف هوة مهاويهة بس بهاي السالفة اذا نا اتزوجها يصير بحر دم
:عزة بعيني هاي شلون مصيبة
:لتخافين حبيبة انشالله ماكو شي
اندك الجرس لبست حجابي وطلعت
:منو
:اني اني احمد
فتحت الباب وحضنتة حيل وكمت ابجي وهوة يمسح على راسي
:اشش حنونة اششش ماكو شي انشالله
باوعتلة وأمسح دموعي حسين مسوالها شي والله
:شلون مسوالها المرة بس تصرخ و كشفو عليها طلعت صدك ههففف استغفر الله مدري شحجي عود هوة الجبير
:احمد والله جذابة اكو من سمعهم
:منو سمعهم
ضليت صافنة شحجي
:لا هيج هيج خربطت
:هذا رجلج اذا تزوجها ما تبقين على ذمتة
باوعتلة عيوني مدمعة
:والله حسين مضلوم
:حنين احسن شي تلمين ملابسج وتجين يمنة
:احمد والله ما اكدر انتة متعرف شي هية دائمآ تهدد آخذة منج ومتكونين بخير
هنا دخل حسين
باوع على احمد
:ليش طالعة هنا
:مو اجة احمد
احمد:يلا روحي لمي ملابسج وتعاي انتضرج
:وين وين هنا بيتها ما مسموحلك تأخذها وانتي امشي صعدي فوك
:حسين بس لحظة
احمد:لا تلم ملابسها متبقى يم واحد مجرم
:احمد الزم لسانك انتة كاعد ببيتي
:شوف منو يحجي دروح بابا روح
تلازم حسين واحمد دخلو الولد يفاككون بيهم
طلعو احمد باوعلي حسين
:بدلي ملابسج ترحين يم اهلي أمن الج
ما ناقشتة لأن حالة ميسمح
رحت بدلت نزلت شفت كوثر هم منتظرة
:ترحين وياي
:يي عمو طش خبر ببيت جدو اني واكعة من الدرج
دخلنة للبيت اني لازمة كوثر لأن كوة تمشي
دخلت يباعولي بنظرات شفقة ونظرات شماتة
ام كوثر اجت اخذتها واني اجتني تقى كالت امشي نصعد فوك
تقى:شصار هناك
:مصار شي بس حسين واحمد تلازمو
:ياا خوما صار لواحد شي
:لا مبيهم شي
نمت هل ليلة يمهم وكلبي ممطمن ابد بلكوة عيوني شافت النوم
كعدوني ب 6 الصبح
كمت والنعاس بعدة بعيني رحت غسلت واكفة اساعدهم بتحضير الريوك للزلم
وكلساع اباوع من باب المطبخ اريد اشوف حسين
داحضر بالجاي جان يدخل محمد
:حنين شلونج
باوعتلة وكتلة تمام الحمدالله
:دومج انشالله
:تسلم محتاج شي؟
:حنين اريد اكلج سالفة بس كلما اريد اكولج يصيرلي ضرف وما اكدر احجي
:تمام اسمعك
:لا مو هسة بعدين هسة الاجواء متوترة
كال هيج وطلع انيهم ما اهتميت هواية رحت أتريك
ووشغل ميخلص
شوية واجة خبر أهل سما حالفين الا يكتلون حسين
لليل يلا دخلو الزلم اباوع على حسين تعبان حيل
باوعلي وكلي يلا امشينة
احمد:وين وين امشينة اختي بعد متبقى يمك
حسين:احمد رحمة لامك جوز منيي ياخي انه وحرمتي لتدخل
:وهية اختي وخايف عليها يلا حنين امشي وياي
عمي:بوية حسين خلها تروح وية اهلها وآمن الها هناك وهية ممتعلمة ع الطك والمشاكل دشوفها من دون النساوين وجهة اصفر والباقيات عدهن عادي متعلمات فيا بوية خلها تروح
باوعلي حسين وهز راسة بمعنى روحي
اني كمت لبست وعدلت حجابي وقبل لا اطلع سحبني حسين وحضني
:اخخخ يا بوية اخخخ حنين شما يصير انه عاشكج ومحد تحلالي غيرج والإمام علي
باسني براسي وطلع
واني اخذنة احمد وبابا للبيت
بابا:بنيتي انتي تردين تبقين ويا بعد سالفتة
باوعتلة عيوني مدمعة
:بابا حسين ميسويها والله
احمد:انتي شدعوة هلكد متأكدة منة
:لأن اعرفة شنو وشيحس اتجاههة
وصلنا للبيت وصعدت لغرفتي طبيت سبحت ورحت راسلت حسين
:حسوني حبيبي
رد عليه بسرعة
:عيونة وروحة حنين خايبة بعدج تحبيني وترديني؟
:ليش ما اريدك حياتي اني اعرف شصار وادري بيك متقبل كوثر تشهد لا تنفضح
:لو شما يصير تبقين انتي ام البيت وراعية كلبي
:شنو يعني حسين
:ماكو شي يبعد روحي
:هسة شحتسوون
:احنا ردنة نرجع ندكهم بس ابوي ما رضى كال يضلون خوالكم شمهما يصير باجر عكبة الناس تضل تحجي دكو خوالهم بس ادخلت عشيرت رجل خالتي وباجر الكعدة
:هلا وراح يفصلوكم
:اخخخ شفايتلج لو ع الفصل
:ليش شحياخذون
:ماكو شي حبيبتي روحي نامي هسة والله كريم
صدك ما اهتميت خليت راسي ونمت
كعدت متأخرة حيل تقريبآ ب ٣ الضهر
نزلت جوة لكيت بس باجي حوراء كاعدة تباوع ع المسلسل وكيان كاعد يلعب
:مساء الخير باجي
:هلا حبيبتي صح النوم
:يصح بدنج اكول شو ماكو احد
:راحو للكعدة وتقى راحت يم اهلها
:هاا
رحت غسلت وجهي وصعدت فوك دكيت على حسين رفضة كعدت اتصفح وانوب رحت سويتلي ريوك وكعدت العب وية كيوني
رحت اتصلت على تقى كالت لحد الان محد جاي
اني كلبي لعب حسيت اكو شي
لل 6 العصر اجتني رسالة من احمد حضري نفسج حجي اخذج
اني كمت جهزت وخليت ميكب واجة احمد طول الطريق اسألة احمد شصار احمد شسويتو ميجاوب بس ينافخ
وصلنة لبيت عمو دخلت جان اشوف سما كاعدة وبصفها فوزية
ادور على حسين مموجود
حنين بخوف:حسين وين؟
عمي:تعاي بوية تعاي
:ها عمو
عمي:انتي جبيرة وتعرفين الصار وتفتهمين
:ي؟
:حسين تزوج سما
بصدمةة:شنووو ت..زوووج منوو
بعد محسيت ع نفسي وكعت
فتحت عيني حسين فوك راسي يكعد بية
بس فتحت عيوني حضني حييل
وخرتة ولزمت احمد وبالكوة كمت
اريد احجي ما اكدر كوة طلعت مني
:عمو شنو تزوج
:بوية بس على كيفج يعني بعد الصار العالم اكلت وجهنة وخاصة حسين ميكدر يطلع بالشارع بعد عملتة السودة
:بس اا..نيي بعدني عروس مصارلي شهرين من ازوجت
فوزية:واذا يعني شصار هاهية تقبلي الموضوع والله يالله مو اول وحدة يزوج عليها رجلها ولا آخر وحدة
بيبي:فوزية كومي منا ويههج ما اشوفنةة ابدد
طلعت فوزية
باوعت لبابا
:هية هاي الزواجة الي كتلي اني اعرف مصلحتج وكتلك بابا هوة ابن عشاير يعني عادي يزوج علية بس مقبلت الا زوجني ياا ليش بابا هيج كسرتني ليش
اجة حسين حضنيي
حسين:حنين انتي تعرفين كولشي وانة ما رايدها والله ابد ما رايدها
دفعتة
:اعرف شنووو كوليي اعرررف شنووو
بابا اريد اطلك
احمد:على كيفج حبيبتي هاهية تتطلكين مثل متردين بس لتتعصبين لتوكعين
حسين:اطلك منووو حنين انتي مرتيي حرمتتي حبيبتيي انة رايدجج اللجج مو هاي سما الحثالة

كال حثالة وسما وكفت
:رجاءآ حسين فوك ما سويت بية هيج تجي تتجاوز
بعدهي ما مكملة كلامها انطاها راشدي وكعها بالكاع
:انتي تنجبين وحجاية ما اسمع انتي خدامة الي ولمرتي فاهمةةةة يا ك....
حنين:مرت منو منو معلية والله الا طلكني بعد ما اريدك
بابا فدوة طلكني منة بعد ما اريدة
:خلاص بوية يجرالج التردي باجر احنة بالمحكمة يلا يابة امشينة
عمي:وين أبو أحمد ابقو ع العشة
:لا تسلم ابو حسين دايمة
عمي:والعباس مطلعون الا تتعشون ودزو على ام كيان تجي هم
حاول بابا وية عمو بس اصر الا نتعشى
اني اريد ابقى وحدي اريد ابجي ما اريد ابجي كدامهم
داصعد ع الدرج
تقى:وين رايحة حنين
:راح اروح لغرفتج رجاءآ لحد يجي وراية اريد ابقى وحدي
صعدت للغرفة بجيت بجيت بس بعدة كلبي ممرتاح اني يزوج عليه اني!!

فوك الساعة اني كاعدة وحدي ابجي اجو علية يردوني اتعشى كتلهم ما اريد
آخر شي طلعت فوك بالسطح افتريت شوية انوب ردت اروح يم وفاء وصلت يم الباب بعدين اتذكرت وفاء جوة يمهم ردت ارجع بس سمعت صوت عمتي فوزية تحجي فتحت الباب على كيف وباوعت من فوك الدرج لجوة بالمطبخ شفت فوزية وسما يحجن
اني رأسآ شغلت فوني وكعدت اصورهن فيديو كلت خاف يكولن شي مهم
سما:خالة ما شفتي شلون ضربني علمودها
:تحملي تحملي لأن بالبداية بس سودة علية وليدي معبالي هيج يصير بي وبالشارع الناس كلها تحجي علي لو ادري ممسوية بي هيج
سما:لعد شسوي خالة ماكو غير طريقة يزوجني بيها
وخالة اكولج هاي ام بخيت يومية متصلة علية تريد فلوس
:ياا شمالها هاي مو انطيناها لو ادري هيج جان شفت غير وحدة ونتفق وياها
:بس خالة هوة كال سما متروح لبيتي تبقى يم اهلي شهر واطلكها
:يطلك ذيج ام عيون البومة مو انتي معليج انه اعرف وحدة تسوي سحر وشغلها مضبوط نسويلة سحر يضل فاتح حلكة عليج

اني من الصدمة ما اعرف شسوي هنة طلعن واني طفيت الفون وهم طلعت
نزلت جوة غسلت وجهي ورحت كعدت يمهم شفت سما وخالة كاعدات هم
حنين:اكول حبيبي مشتهية بيتزا وحبشكلات طلبلي من المطعم
الكل صافن علية هاي شغيرها بس حسين ضحك
:تددللين يروحي
خابر المطعم ووصالي اكل
كعدت بصف حسين
:صدوك عمو اليوم خابرت خالة منار تسلم عليك هواي هواي وتكلك الحمدالله على سلامتك ومبروك ع العمرة

عمو بقى صافن
فوزية:وخالتج شعدها وية عمج
:ولا شي عمتو بس تعرفين جانت بينهم معرفة قديمة
وجانو يحبون بعض بس حبت تسلم علي وها صدوك عمو تكول اذا اراسلة ع الماسنجر يقبل لو لا كتلها اسألجيا
عمي:اكيد خالتج منار هيج كالت
:قابل اكذب عليك عمو
عمي:هاا جا خوش براحتها اذا تريد تراسل لو لا
فوزية:هوة شنو تراسلك وانتي هي تردين انتي وخالتج العانس تاخذن رجلي
رجعت عالتخم ليورة وخليت رجل على رجل
:والله مثل ما اخذتي رجلي انتي وبت اختج
حسين:حنين احجي عدل وية امي مشكلتج وياي مو وية امي
باوعتلة كتلة تدلل حبيبي
احمد:يلا يابة نروح يلا حنوش كومي
:وين اكوم حبيبي حمودي اني اروح وية رجلي
بابا:لعد منو مساعة تكول طلكوني
:هسة دبقو بعد شوية بابا خل اتعشى
الكل كعد يسولف والتهو واني فتحت فوني وسويت تحديد للفيديو ودزيتة لحمويني ونسوان حماية وللكل
بحيث صوت الاشعار يوصل من فون لفون الكل تعجبو شنو صوت الاشعار اجة لكل تلفوناتهم
واجة ابن مصطفى حمني
حمني:يابة يابة اجتك رسالة على نقالك
فتحو المسج وشافو الفيديو وبين الصوت صوت سما وفوزية
فوزية من سمعت صوتها وجها صار اصفر

===========================