ٌتغرِيدةً عَشـگ / مـگتملة

بارت ( 28 )

#تغريدة_عشكك
للكاتبة: #العنـود
======================

رجعت للبيت واني مصدومة من كلام الدكتورة تومم معقولة اني حامل بتؤام
تقى:مبروك حبي بلكت هل توم يرجعوج لحسين
احمد:تقققى لغرفتجج
دخلت لغرفتي وسديت الباب وكعدت اتصفن هسة شسوي 2 أطفال منين حصرف عليهم منين أجيب خوما اضل طول حياتي اخذ من بابا ولو اموت أطفالي ما انطيهم لحسين اني من جنت بالبصرة راجعت دكتورة وكلتلي الطفل بصحة جيدة بس عندج كيس طلع هذا الكيس طفل 🤦‍♀️
شوية واندك الباب
:تفضل
يقين:ادخل لو دكتورتنة متقبل؟
:دكتورتنة؟ هه منو كال اصير دكتورة دفوتي فوتي
:حياتي مبروك و ع الخير ع التؤام
:الله يبارك بيج
:ليش هيج منفسة وكالبة خلقتج جنج ارملة توة ميت رجلها وبعدين انتِ ليش كاعدة ليش ممددة دمدديي وارتاحي ديري بالج على الي ببطنج دادة
:يقين اني منين اصرف عليهم منين اجيب شلون الحكك
:هدي نفسج وارتاحي صلي على محمد كلشي والة حل عندج بابا الله يخلي واحمد بعد على شنو شايلة هم
:اريد اعتمد على نفسي والى متى ابقى اخذ منهم ولتنسين هسة بركبتي طفلين مو واحد
:لعد اذا هيج شدي حيلج وذبي نفسج ع الدراسة طلعيلج معدل بي خير يضمن حقج بهذا البلد الطايح حظة
:يمعودة يا دراسة بية حيل
:شنووو شبيج عيني شبيج موتة روحج من ورة رجال ترة هوة لا توم كروز ولا حفيد اينشتاين مجرد رجال كولش عادي وطبيعي ومن العراق لا راح ولا اجة بعد شبيج ما بيج حيل قوي نفسج وكلبج اذا مو علمودج علمود الي ببطنج ودرسي محد يفيدج غير شهادتج لا رجال ولا بطيخ يلا هسة اروح اني حيدر على جية ولا تنسين الي كلتة الج

صدوك راحت بس غيرت تفكيري 180 درجة كلت على شنو اني دافنة نفسي وجايبة الهم لروحي
رحت سبحت وصليت وجبت ورقة وقلم وكعدت اخطط وانضم بوقتي حتى ارجع ادرس
تقى خابرت امها وكلتلها حنين حامل بتوم ووصل الخبر لحسين ورجعو خابرو بابا حتى بلكت يصير رجوع بس اني جنت كولش قافلة وابد مقبلت واجة حسين وعمو للسليمانية وهم مرجعت
واني ذبيت نفسي ع الدراسة بشكل مو طبيعي بحيث ما اطلع من الغرفة بس للحمام بس جان كولش تعب علية لأن حامل وجهد كولش اتعب وضغطي دائمآ هابط
فد يوم بالليل نايمين جان اسمع عياط تقى تريد تولد راح بابا واحمد وباجي وياها واني بقيت يم كيوني ونزلت يمي يقين واطفالها لحد ما خابرونا كالو الحمد الله ولدت بالسلامة وجابت بنوتة احنة استغربنة لأن بالسونار جان ولد مو بنية بس طلع غلط بالسونار للاسف وما هتمينة هواي مو مشكلة بنية او ولد المهم الحلقة التامة وتربية صحيحة وشفت احمد فرحتة ولهفتة كولش جبيرة لان اجتة بنية سماها نور على اسم ماما الله يرحمهة بس تقى ضاجت ما اعرف ليش
ثاني يوم اجو عمامي من البصرة وصارت هوسة بس مطلعت ولا سلمت على اي احد
.
.
.
بدت المدارس والدراسة وجان كولش صعب عليه وأكثر من مرة المح حسين بسيارتة يم المدرسة بس يبقى يباوع عليه ويروح
وحظي المصخم خلة تقى تتغير هواي وتشد وياية بحيث تكوم تحجي وشنو حنين متنظف وحابسة روحها واني يادوب الحك ادرس وكلما صار عندي وقت اساعدهم مو بس معزولة واحس نفسي الحمدالله الدراسة نستني ولو جزء بسيط من الصار
مرة جنت راجعة من المحاظرة جان فتت لكيت تقى متخصرتلي
:يلا عيني يلا مو بس مخلصتها عليه دياحةة وعايفة الكراف عليه واني عندي طفلة حطي ايدج ويانة واشتغلي حللي لكمتج مو كاعدة ببلاش
:اسسسس مو انتِ من تالي تجين تعلين بصوتج عليه وحق الله مثل ما خليت احمد يعترف بيج مرة اخلي مشايفج اصلآ وبعدين اني كاعدة ببيت (ابوية, بابا،baba,Dady, my farherًٌّ ) بعد بأي لغة احجيها حتى تفهمين معاجبج الباب يوسع جمل الله ووياج جاية من المحاظرة تعبانة وراسي مصدع ما بية حيل حجي بعدين يقين مو كلما صار عدها مجال تجي تشتغل وياجن اني من ابقى سهرانة بالليل وبتج تبجي اجي اخذها منج واكلج اني كاعدة واسكتها رجعي نامي بعد على اي اساس جاية وتحجين سمعيي تقى اني لا قليلة لسأن ولا قليلة شر فارجوج ابتعدي عني