ٌتغرِيدةً عَشـگ / مـگتملة

البارت الاخير

#تغريدة_عشك
للكاتبة: #العنـود

========================
وصلنا البصرة اني واهلي واطفالي وتوجهنا رأساً للمستشفى الي بيها حسين
سأل احمد الاستعلامات ودلونة ع الغرفة
من وصلنا شفنا اكو كومة زلم بالردهةة سوولنا مجال ندخل دخلت وشفت حسين لا مو حسين متغير 180 درجة ضعفان حييلل ولحيتة طولانة وكاعد يون من رجلة من دخلنة التفت النة
حسين:اجيتي
حنين سلمت وكعدت يمة ع السدية وشلت الجهال بحيث خليتة يكدر يبوسهم
لزم ايدي وعصرهة
وهمس بصوت بس اني سمعتة
حسين:مشتاقلج
عيوني دمعت وباوعتلة
حسين:ورب الكعبة مشتاقلج ما يمر علية يوم اذا طيفج ميمر علية
عمي:حسين بوية جهالك وشفتهم بعد ما عدك عذر للعملية
حسين:لا عديي
سالم:حسين خوية فدوة اروحلك خل نسويلك العملية وبعدهة شتريد يجرالك
حسين:ما اسوي العملية اذا حنين مترجع على ذمتي
حنين:شنووو
حسين:هذا العندي
حنين:حسين انتَ دتستغل عاطفتنة لأن مريض ردت تشوف الجهال وجبتهم وهسة اجيت عليه هذا مو حجي ترة
عفت الردهة وطلعت اجة عمي وراية
عمي:حنين بوية
:ها عمو
:بعد عمج لخاطر شيبتي قبلي ترجعيلة
:عمو ما اكدر والله
:ياهو الاحسن ترجعيلة لو يموت
سكتت
:فكري بيها بنيتي ترة اذا مات تخلصين عمرج ندمانة وتعرفين حسين من يكول شي يسوي
وانا اتعهدلج اذا داسلج على طرف انة اوكف بوجهة بوية والله هذا ابني مشاف راحة بحياتة بس من تزوجج من تزوجج يلا انفتحت بوجهة وهذا وليدي الجبير لا تكسرين كليبي بي ها بوية شكلتي
بقيت ساكتة شوية ونوب كتلة موافقة
خابر عمي على شيخ يجي يعقد صعدنة فوك للردهة وعمو كللهم بقراري
احمد:حنين تحجين صدك عود
باوعتلة عيوني مدمعة
احمد:حسين ترة انتَ جبير هاي التصرفات مو حلوة ترة
حسين:والله انه هذا العندي اريد احفظ حقها وحق جهالي
بابا:بس احنة اجينة على اساس تشوف جهالك بس مو تريد ترجعها
حسين:عمي ام جهالي وبت عمي واريدن ارجعها
حنين:خلاص بابا اني موافقة
دخل الشيخ وعقدلنة
ووراها اجة الدكتور وبدو يجهزو للعملية
حسين:خوية سالم اذا صار علية شي حرمتي وجهالي بركبتك
سالم:تكوم بالسلامة خوية ابو يزن
من راد يطلع بأس يزن وازل وطلع لغرفة العمليات
واحنا رحنة لبيت عمو من وصلنا شفت بيتنا اني وحسين وتذكرت إيامنا وشلون جهزنا سوى وشكد جنة فرحانين
دخلت للبيت سلمت على بيبي والبقية ودخلت بدلت للجهال ونيمتهم ونمت انيهم وياهم مكعدت الا وتقى تكعد بية
حنين:ها تقى
تقى:العملية نحجت مال حسين
فزيت :تحجين صدوك الف الحمدالله ربي والشكر كمت نزلت جوة شفتهم كلهم كاعدين وفرحانين
بيبي:كرت عينج حبوبة بسلامة زلمتج
اني بس صافنة وكلهم يهنوني بس اني بعدني مماخذة ع الوضع
عرفت حسين طلعو من العملية بس بعدة بالمستشفى يبقى كم يوم ويطلعوا
واني صعدت فوك يم أطفالي خاف يكعدون وكعدت اتصفح بفوني جان تفوت علية ام حسين
فوزية:عادي احجي وياج
:ي خالة تعاي
اجتي كعدت كبالي وتباوع ع الجهال
فوزية:كبرانين ماشاء الله
حنين:ي الله يحفظهم
:يمة حنين انه ادري انتِ محابتني بس جايتيج بحجاية
:ي كولي
:انه ادري هواي ضلمتج واذيتج ومو بس انتِ حتى جنايني بس من بعد طيحت حسين نذرت نذر لام البنين بس يطلع وليدي بالسلامة ماذي بعد وحدة بيجن
حنين: وشنو مناسبة هذا الكلام هسة اني منفصلة عن حسين
:بس رجعج على ذمتة
:ي بس حرجع انفصل عنة
دنحجي جان تفوت تقى
فوزية:تقى سمعي حنين شتكول تكول بس يطلع حسين ارجع انفصل
كامت تضحك تقى
:غير سمع بيج طالعة وية هذا سالار وتخبل
حنين:منو كلة ليش؟
:اني خابرت على يقين حتى اكلج حسين يريد يشوف الجهال وجنت كاعدة يمة بالمستشفى وفاتحة سبيكر ويقين كالت انتي طالعة وية هذا الدكتور متشوفين لعد ليش عقد عليج
حنين:بس اني ما اريدة بعد اني قبلت يعقد علية شي انساني لا أكثر حتى يسوي العملية
فوزية:ولج يمة انه ادري بابني غلط لمن تراهن هوة وابن عمة عليج ولمن خانج وانتو مخطوبين بس والعباس يحبج صورج تارسة النقال مالتة ما ينام الا يحظن ثوبج وينام دنطي فرصة ثانية والله ترة ابني عاشكج
وحتى شايفة هاي تقى جانت تسوي مشاكل وياج بس حتى ترجعين لحسين
حنين:بس اني شفت حياتي هناك وارتاحيت أكثر
تقى:جذابة
باوعتلها صفح
تقى:والله جذابة صور حسين موجودة بجهازج وكلما تباوعين على صورة تبجين
حنين ضليت ساكتة شوية وانوب كتلهن
:ي بعدني احبة واشتاقلة بس ما اكدر
فوزية:هاي الما اكدر عوفيها على صفحة بلة مكابر يمة ثنينكم واحد هاوي الثاني
تقى:وهسة امشي نروح لبيتج
حنين:بيتي؟
:ي غير رجعتي على ذمتة ولازم نروح نرتب البيت قبل ليطلع من المستشفى
وصيت عمتي على الجهال ورحت وية تقى بس دخلت للبيت اتذكرت كل ايامنة الحلوة والمرة ودمعت عيوني
ورة يومين طلعو من المستشفى من دخلو للبيت وشافني موجودة ابتسم كعدو بالغرفة والكل بدت تسلم علي

*بعد مرور سنة*
احمد رجع تقى وبقو اهلي بسليمانية وكل 3 اشهر اروح اشوفهم
واكفة بالجامعة احجي ويا صديقاتي واشوفلك حسين من بعيد بزية العسكري جاي علية
باوعتلة وضحكت
وانوب هوة من يجيني واني بالكلية يضل بس يخزر بالولد مخليني اداوم على اعصابة
اجة وصل يمي
حسين:السلام عليكم
:وعليكم السلام
حسين:حنين تعالي شوية احجي وياج
مشيت ويا
حنين:ها حبيبي
:امشي نرجع للبيت
:حياتي بعد عندي محاضرتين
حسين:اخذتلج اجازة
حنين:شنو المناسبة
:من نوصل تعرفين
رجعت ويا للبيت اول ما دخلنة
حسين:حضري روحج نروح سفرة لتركيا اسبوعين
حنين:صدووك
حسين:وداعت عيونج الدولبتني
من الفرحة رحت حضنتة وأبوس بي
حنين:الله يحفظك الي من كل شر
حسين:ويحفظج يروحي

============================
وهاي جانت نهاية القصة اعتذر على الاطالة ❤