ٌتغرِيدةً عَشـگ / مـگتملة

بارت ( 21 )

#تغريدة_عشكك
للكاتبة: #العنـود

=======================

بهل فترة حسين اخذ مكان عمو لأن عمو راح للعمرة صار كلة يروح فصول وشيوخ هوة هم ميحب هل شغلة بس يكول شسوي انه صرت الجبير وكعت براسي 

*حسين*
كعدت الفجر طلعت بالكراج ارش بالحديقة وادندن جان اسمع صوت سيارة كلش قريب وصوت ضحك فتحت الباب جان اشوف الصدمة كوثر بت اخوي نزلت من سيارة ولد الولد ما شفتة زين
:لججج بت النعال هاي شنوو
اباوعلها اصفرت وهذا النغل حرك بسرعة ومشة ردت الحكة ماكو بس هاي واكفة وترجف بمكانها
حتى متصير فضيحة اخذتها لبيتي سحل ما اعرف شسوي بيها من حركة كلبي كطعتها تكطع اتصلت على أبوها سالم يجي

*حنين*
كعدت على صوت عياط بس عبالي يتهيألي رجعت نمت بس هذا بعدة الصوت نزلت جوة ركض مفزوعة شفت حسين يكتل بكوثر بقيت صافنة
:حسين شدسوي عوف البنية حسين
:صعدي فوك ومعليج حنين
:شنو معلية حسين جارم بالبنية نتة شبيك
:بدلي ملابسج اخوي راح يجي بسسرعةةة
صعدت فوك لبست بسرعة ونزلت شفت سالم توة دخل للبيت
وكعد حسين يشرحلة السالفة انكلب سالم وراح يضرب ببتة
:تردين تجيبيلي العار يا ساقطة دنعل ابوج لأبو امج الدايحة
اني اريد افكها ما اكدر
:حسين بس وخرة منها شبيك واكف
:ختولي هاي الادبسزز
:حسين والله اذا متوخرة اطلع برة والمها عليكم
باوعلي وخزرنيي
:اسويها والله احسن مما اعوف البنية تموت
طلعت برة جان يجي حسين يسحبني ووخر سالم من عدها
هية صارت عبارة عن دم
شوية واجتي امها كوة تمشي بطنها شكبرها
:يا يمة كوثر شمالج شمسوين بيج يمة بتيي
وية صيحتها بدة عدها الطلوك كامت تطلك شالها سالم وراح حسين يشغل سيارتة صاحو على عمة فوزية تروح وياهم واخذوها للمستشفى
اني رحت قفلت البيبان وجبت معقم وكطن وبلاستر
واجيت يمها
كوثر:ابوس ايدج حنين لتخليهم يذبحوني ابوس ايدج
وتبجي اني على بجيها كمت ابجي وياها
:ما اخليهم والله بس ليش هيجي سويتي تعرفين لا ابوج ولا عمامج يقبلون بهل شي
:والله هوة يحبني ويريد يخطبني بس اكمل الثالث
كعدت اداوي بيها بس جرح براسها بس ينزف مديوكف وتون من رجلها انكسرت
:انتي شدفعج وخلاج تحبين يعني انتي من المدرسة للبيت ومن البيت للمدرسة شوداج لهذا الدرب الأعوج
:والله انه من اروح للمدرسة يمشي وراية ويذبلي حجي بالبداية ما هتميت اله بس بعدين لا كمت اكيف من اشوفة
:هوة شسمة شكد عمرة من وين؟
:من العمارة ويجي هنا بين فترة وفترة يم خوالة اسمة محمود وعمرة 25 والله حنين جنت اريد اصير مثلج انتي وعمو وشلون هوة يحبج وتحبي واشوف نضراتكم وشلون يحبج
:والله ما اعرف شكلج بس السويتي غلط
:يعنيي يذبحونيي
:لا لا متوصل لهل درجة انتي مراهقة وماكو واحد ميغلط بس هوة خوما سوالج شي؟
:لا بس ياخذني يفرني بالسيارة ويلزم ايدي ومرة باسني من شفت بس والله اني مقبلت
:عزززة باعي اذا اجة ابوج وعمج تكولين هاي اول مرة اصعد وتكولين مسوالي اي شي حتى ايدي ملزمها
:بس حنين خوما يذبحوني
:لو يردون يذبحوج جان فضحوج بس لا ما اعتقد
كمت جبتلها مي وخابرت على حسين
:الوو ها حبيبي
:ها حنين ديري بالج من هاي الساقطة لا تشرد
:ماشي ماشي بس امها شلونها
:زينة جابت ولد همزين ولا خلفة بنات طايح حظها مثل هل ساقطة
:شوكت تجون
:ما اعرف يمكن العصر يمكن الضهر
:حسين هاي راسها النزف مالها مدايوكف وايدها مكسورة
:طبها وجع بلكت تموت
:معقولة انتة حسين حبيبي ادري هل موضوع كولش صعب بس ميصير تعوف البنية هيج حالها حياتي ما اعرفك قاسي لهل درجة
:حضريها راح اجي اخذها
رحت عدلت حجابها ولبستها عباية
:بالمستشفى اذا يسألوج شنو هل أثار شتكولين
:شكللهم؟
:يعني قصدي تعترفين على ابوج وعمج
:يااا شمالني ما عندي غيرة واعترف عليهم اكلهم وكعت من الدرج
:تمام اني هم اكوم احضر روحي اروح وياج
شوية واجة حسين مشيتها للسيارة وبالكوة تمشي
بالطريق
حسين:هذا الكواد مالج من وين؟
:حسين عيب شهل حجي
:اسكتي نتي ما تحجين يا ست كوثر
حنين:اسمة محمود من العمارة عمرة 25
:هية كلتلج
:اي
:حنين بداعتي عندج جنتي تعرفين عدها علاقة وساكتة
:لا والله حسين ما اعرف اني حتى البنية علاقتي بيها مو حيل قوية
وصلنا للمستشفى جبسو ايدها وخيطو رأسها همزين الجرح جان مو عميق
حاولو يعرفون اذا جانت متعرضة لتعنيف بس متوصلو لشي
رجعنة للبيت
:هاي تبقى يمج لحد ما تطيب واذا طلعت الباب اطيح حظها
:تمام
اخذتها للغرفة الصغيرة نزعتها حجابها ونامت خطية
طلعت لكيت حسين كاعد عل كرسى وحاط ايديه عل طاولة وصافن صعدت بدلت ملابسي لشي خفيف ونزلت وكفت ادلك باكتافة كعدت بحضنة
:حبيبي البنية مراهقة وهوة لاعب بعقلها وبعدين ياحياتي منو ميحب انتة مو حبيتني قبل لنتزوج اخوك باقر مو يحب بت خالي ويتواصل وياها عمو مو جان يحب خالتي بابا مو جان يحب ماما
منو ميحب يا روحي تدري جانت معجبة بحبنة اني ووياك تكلي حبيتة عبالي مثل عمو حسين شلون يحبج
حبيبي فدوة بس لتمد ايدك عليها بعد وهية هاي اول مرة صاعدة وويا وبعدين البنية لا ام تتابع وراها لا اب يسأل امها ملتهية يومية مخلفة وابوها دائمآ بالدوام بعد منو يعلمها منو ينصحها يفهمها يوعيها
:هاهية حبيبتي هاهية
طلعت فوني واتصلو على واحد من جماعتي وانطيتة اسم الولد وعمرة
شوية ورجع اتصل كال ماكو هيج ولد لا لان منطقة ابد
:شلون انه متأكد هذا الولد موجود ب...
كمت على كوثر
:انتيييي هيييي كعدي كليلي هذا الساقط منو تضحكين على هل شوارب يا ادبسزز
:عمو والله كتلك والله هوة والقرءان
رحت عل كامرات قربت الصورة عالسيارة وطلعت رقمها ودزيتة لصديقي كتلة اعرفلي منو صاحب هل رقم سيارة
شوية ودزلي كلي ولد من .... وانطاني مواصفاتة
دزيت بلاغ من مركز الشرطة للولد
طلع شارد الخنيث خبرت كل سيطرات البصرة وانطيت مواصفاتة ورحت البس زي العسكري
:كلليلها للكديشة طلع اسمة محمد ومو من العمارة ضاحك عليها الثولةة
:ماشي حبيبي هسة بس كلي وين رايح
مجاوبني عافني وطلع
واني بالطريق خابر صديقي كال لزمنا جان رايد ينهزم لبغداد
كتلهم جاي بالطريق رحتلة وفينت حضة مخلين أحد من جماعتي موجود بقيت بس اني وويا
:يل نذل تريد تطلع ثاراتك بعرضي
:هه عبالك اسكتلك ونتة ذبيت اخوي بالسجن
:يول اخوك قاتل قاتل
:حتى لو اخوي ما يبقى بالسجن
:لا الضاهر نتة صارلك هواي ممكتول يا كو...
وطحتلة دك بوكسات
صحت جماعتي اخذو بتهمة التحرش بقاصرة
رجعت للبيت لكيت كوثر نايمة وحنين فوك
:ها يعمري اجيت
:يي حبيبتي
نزعتة البدلة ودخل يسبح وراح نام انيهم طفيت الاضوية ونمت
للعصر كعدنة ع دكة الباب راح حسين يفتح الباب واني كمت غيرت ملابسي نزلت جوة شفتة سالم
سالم:نتة شتكول اذبحها واخلص من عارها
:تذبحها شنو شنو فرقك بين داعش اذا تذبحها بنتك مراهقة وغلطت ما توصل للذبح ترة هاي بشر مو حيوان وتكولها بكل سهولة أذبحةة اتقي الله بيها مهما كان تبقى بتك

==========================