❤ايرين❤

الواحد وثلاثون

-امي انا جبتهم ليك عشان تفرحي ماتبكي
نعمات : مامصدقه ياجاسم .... سامحني ياولدي لو ما العملتو فيها كان زمان اولادك عايشين في حضنك
جاسم فكر في ده بس ماداير يبين ليها كفاية مرضها : ده قدر يا أمي مكتوب لي قبل اتولد والحمد لله شفتهم قبل اموت
نعمات : بعيد الشر عنك
جاسم : الموت ماشر ياأمي
نعمات : حبايبي ياناس الله يخليكم ويحفظكم.... وحترجع بيهم السودان
جاسم : لا حعيش هنا جنبهم
نعمات اتصدمت : كيف يعني ؟ ليه ماتاخدهم ؟
جاسم : وامهم ؟
نعمات : كفايه حرمتك منهم خمسه سنين .اخدهم منها
جاسم صرخ : امي ده شنو الكلام ده
زياد بالرغم من عمرو الصغير بس كان نبيه وفهم كلام نعمات : بابا رجعنا لي ماما
جاسم : زياد ليه ماعايز تقعد مع حبوبه؟
زياد : لا ماعايز وتاني مابجي
أياد ونور ونون مافاهمين بس البعملو زياد بيعملو معاهو : وانحنا كمان
جاسم اتضايق عرف انو زياد فهم كلام امو : ارتحتي باأمي
نعمات : ماقصدت
جاسم : ولا تقصدي مافارقه ...ماحتتغيري ياأمي وده بخليني اصر على قعادي هنا اخاف تعملي حاجه تبعدهم تاني خمسه سنين ساعتها حموت بجد
نعمات : جاسم بتقول لي امك الكلام ده
باس راسها ويدها : سامحيني ياأمي غصبآ عني لأني تعبت وعايز ارتاح وافرح زي بقيت الناس حرام اكون مبسوط
نعمات : الله يبسطك ياولدي واعرف مهما عملت انا راضيه عنك دنيا واخرة
كلام امو ريحو سلم عليها وساقهم وطلع .....
**********************
- اووووووووووف
-ايرين
-ياماما اتاخرو شديد
ام ايرين زهجت منها ليها ساعتين ماشه وجايه قدامهم : يابت لفيتي راسي اقعدي في مكان واحد
تيتا : اترزعي يابت ده انتي دوشتيني رايحه وجايه
قعدت وبقت تهز رجلها تيتا شالت العصايه وضربتهت في رجلها : اااااااااه ليه بس
تيتا : ايه بقى خليتني اتهز معاكي اهمدي
ريري شويه وتبكي : طلعو من الصبح والساعه ماشه علي 6 دول اكتر من 10 ساعات ... شهقت ... تيتا يكون خطفهم وسافر
ضربتها تاني : انتي اكيد اتجننتي ده بسبب الروايات الي دايمآ بتقري فيها ...ايه خطفهم دي يكون اخدهم يفسحهم ولا حاجه ..
ريري : طيب كفايه ضرب ياتيتا دي بتوجع اووي
تيتا : ماشي ماشي بس اسكتي واقعدي في مكان واحد...
ربع ساعه جاسم جا وسايق الاولاد اول ماشاف منظر ايرين : قبل ماتقولي حاجه ححكي ليكي بس بعد ما الاولاد يطلعو غرفهم
ام ايرين وتيتا ساقوهم وطلعو ...ريري قبلت عليهو : انت كيف تاخدهم الوقت ده كلو ؟ وماحاولت حتى تتصل واضرب في تلفونك القى مقفول؟
جاسم : اقعدي اول واستهدي بالله
ريري : اها قعدت احكي
جاسم : بعد طلعنا من المستشفى طلبو يمشو الملاهي حاولت اقنعهم نمشي يوم تاني بس اصرو وكنت عايز اضرب لقيت تلفوني فاصل شحن ...اسف على القلق السببتو ليك
ريري هدت لانها عارفه عناد اولادها : حصل خير بس تاني لو طلعت اضرب لي من اي تلفون عمومي
جاسم : ان شاء الله
بقى كل يوم يجي وياخد الاولاد يفسحهم وعرفت انو خالتي نعمات ماشه في تحسن في مرة جا هشام البيت قبل جاسم وكنا قاعدين بنلعب مع الشفع وكالعادة زياد وهشام في مناقرات بي سبب الغش هشام : ياولد انا اكبر منك كيف تقول لي غشاش
زياد : والله غشيت
جاسم جا داخل : السلام عليكم
كلنا بعد ردينا السلام زياد قال لي ابوهو يجي يلعب معاهو بدل هشام
هشام : كويس يازياد بعتني بالساهل احسن اتونس مع ريري
جا جنبي وبقة يتجنن لي ويحكي لي نكات عجييبه اظن ألفها من راسو : 😂😂😂😂😂😂 هشام اسكت بطني مامستحمله
هشام سكت وبقى يعاين لي وانا بضحك ماانتبهت ليهو اصلآ بس جاسم لاحظ ف قام وجا قعد جنب هشام ضربو بب قوه في كتفو : ازيك ياهشام ؟؟
هشام الضربه وجعتو مسك كتفو : اي.. خف يدك شويه ..انا بخير الحمد لله
جاسم : انت شغال شنو ؟اصلي دايمآ شايفك عاطل ؟
هشام : انا دكتور وحاليآ اجازتي السنويه
جاسم : دكتور شنو ؟ ماتكون تجميل ؟؟
هشام : انا دكتور جامعي عامل دكتوراة
الجو اتكهرب بينهم الاتنين اضطريت اتدخل : زيودي سوق بابا لي اخوانك
واظن بدل اكحلها عميتها لانو جاسم ولع زيادة : ريري انا وقت عايز اشوفهم بقول
اووووف منك : طيب ياجاسم راحتك
هشام قبل علي : ياقمر ماقلتي موافقه علي الطلعه ؟
ريري : ماحسي ياهشام عارف انا معرضي الجديد قرب وبجهز ليهو
جاسم : انتي بتعملي معارض ؟؟
هشام استغرب : ماعارف ؟ دي لوحاتها بقت مشهورة ومرغوبه جدآ
جاسم بقى يعاين لي بنظرات غريبه : ماشاء الله

❤لا تلهيكم عن الصلاة❤