❤ايرين❤

الجزء الرابع عشر

-نعم ....بنات مصطفى ؟زحي يازهرة خليني امشى اشوفهم
سمعت الصوت ده وانا في الصاله قاعده لسه مع ندي وسمر: دي منو؟
سمر : شوفتي السندريلا وبياض الثلج والجميله النائمه وديل؟
ريري بي استغراب : اي
سمر : مش كلهم عندهم واحده شريرة اها دي بقى رئيستهم عمتك مها
ندى : عيب ياسمر
سمر : بلا عيب بلا كلام فاضي ...حسي حتشوفي الدراما
اول ماجات داخله وعينها وقعت علي ايرين جات مسكتها من يدها قوي وجرتها : انتي منو ؟ ماتقولي بت مصطفى لانو مستحيل يعرس من غير مايكلمنا الا لو كانو واحده ماقدر مستوانا او واحده لفت عليه
ريري فكت يدها : حدك هنا اياكي تجيبي سيرة امي على لسانك
مها : نعم.. نعم ..ومين انتي عشان تتكلمي معاي كده؟
ريري : انا بت مصطفى ورهام ولو ماعارفه اعرفي من حسي
سمر تهمس لي ندي : لا انا بت عمك من حسي حبيتها
ندي : اسكتي ياسمر حسي عمتك تقبل عليك
مها : اي صدقتك ...البثبت انك بت مصطفى شنو؟ ماتقولي لي شوية الاوراق الجايباها يمكن مزوراهم
محمد جا داخل وبي صوت عالي : مها ...قفلي خشمك ده واسمعي كلامي.. ديل بنات مصطفى وانا كنت عارف من زمان كان بيكلمني دايمآ وبيرسل لي صورهم
ايرين اتخلعت وهي بتعاين لي عمها : بجد ياعمو
محمد : اي بس اخر صورة كنتي صغيره وشكلك حسي اتغير عشان كده طلبت اثبات اول ماجيتي
ريري : ياحبيبي يابابا
مها : كويس يامحمد ماشي
وطلعت من الصاله سمر بي صوت عالي :اووووووووف
ندى ضربتها وهي بتنبها لي بت عمتها الواقفه : شهد
سمر : المصرييين قالو اقلب القدرة على فمها تطلع البنت لمين ......
ريري : طيب وطي صوتك
سمر : خلاص اتكتمت..وختت يدها على خشمها
ندى : ازيك ياشهد
شهد بي غرور : فاااين
سمر : ماعندي والله اخر واحد خلص
شهد : هو شنو ده ؟
سمر : منديل الفاين
ريري وندى :😂😂😂
شهد : not funny
سمر : اوع تكوني بتنبذي فيني اطين عيشتك
شهد طلعت ورا امها : ماااامي
سمر وهي بتحاكيها: ماااااامي احسن مشيتي
ريري ضمت سمر وباستها شديد : حبيتك يابت
سمر زحت ريري : استغفر الله استغفر الله عيب يابت انحنا ماعندنا حاجات زي دي.
ندى جرت ريري : تعالي ياخ لو تابعتي سمر حتتعبي
سمر لقت روحها براها في الصاله جرت وراهم : هي استنوني
قعدنا في غرفه حلوه بالرمادي والاخضر : دي غرفة منو ؟
ندى : دي غرفتنا في بيت عمو هنا عمل لينا في بيته عشان بنجتمع كل جمعه وسبت
سمر لفتت ريري : شوفي نوصف ليك بيت عمو.. الطابق الارضي زي ماشفتي فيهو الصاله الخارجيه والداخليه ومكتب عمو والمطبخ والسينما
ريري: سينما
سمر : ايون عمو عامل لينا سينما ...المهم وتاني في الصالو الخارجيه وفي تلاته حمامات وواحد في الصاله الداخليه وواحد جنب المطبخ والاخير في الصالون... اما الطابق الاول انحنا فيهو حاليآ فيهو خمسه اجنحه ..الرئيسي حق عمو محمدوخالتو نعمات فيهو غرفه وصاله وحمام ...الجناح البعديهو حق عمو صلاح خالتو زهرة فيهو غرفتين التانيه حقت احمد ومحمد اخوان ندويه والتالت حق بابا وماما وبرضو غرفتين والتانيه لي سحوره وزيودي والرابعه حق عمتو مها وبتها والاخيره حقتي انا والقعونجه الجنبي
ضربتها ندى في راسها : انتي دي... زي ماقالت ليك وطبعآ الغرفه التانيه في جناحنا فيها برضو سريرين ليكي ولي اختك والطابق التالت عملو شقه لي جاسم بعد يتزوج بس حسي الشباب مستغلينها اما السطوح بقا ده عشقنا انا وسمر عمو محمد عاملو لينا صالة العاب
ريري : كيف والشمس؟
سمر : شوفي ياطويلة العمر خخخخخخ... عمو عمل سقف متحرك بيتفتح ويتقفل في شكل قبه وفيهو العاب بالهبل وحوض سباحه وملعب صغير بتاع كرة سله وبلياردو وكرة مضرب وغيرو وغيرو بعدين حنوريك ليهو
قعدنا في الغرفه نتونس لغاية بعد صلاة الجمعه وبعد داك عمو محمد ضرب لي ندى وقال ليها ننزل عشان اتعرف على اولاد عمي واخواني😕
نزلنا واول مادخلت الصاله لقيت في وشي جاسم قاعد بيتونس مع واحد لما شافني وقف على حيلو : ريري
محمد : ياهلا تعالو يابنات اقعدو جنبي
قعدنا جنبو عمو محمد خت يدو فوق كتفي وضماني عليهو : مبسوطه
هزيت ليهو بي ايوه
جاسم : ياحاج فهمنا الحكايه شنو ؟
محمد: اقعد في الاول..طيب ياعمر وعمار تعالو قريب
قربو وهم مستغربين : ايوه ياعم
محمد : دي اختكم ايرين
عمر وعمار : مين
جاسم : نعم انتو بتهظرو
عمر : جاسم كيف الكلام ده هي كانت شغاله معاك ليه ماكلمتني؟
ريري بي صوت واطي: هو ماكان عارف
قبل عليها : طيب انا ماجيت ليه ماكلمتيني
ريري: ماعندك حق تحاسبني
محمد : اسكت ياعمر
ريري : ياعمر خت نفسك مكاني اول مرة تشوف اخوك وانت عرفتو وهو لا حتمشي تقول ليهو شنو؟
عمر : لا ياشيخه اخوي لو شفتو حوريهو الحقيقه
جاسم: وعمر شفتي مره والطرطور الاشتغلتي معاهو قريب لي خمسه شهور
ريري : كان صعب والله صعب..حاولت بس ماقدرت
جاسم : وحسي القدرك شنو ؟
ريري : بابا طلب مني اجي هنا لي اعمامي عشان احمي اسرتي وانا كنت فاكرة بعد جيت السودان انو مامحتاجه اجي ليكم والخطر الكان خايف منو بابا خلاص انتهى بس كنت غلطانه

❤لا تلهيكم عن الصلاه❤