❤ايرين❤

الخامس والعشرون

ندى :انت طول عمرك بتحكي لي عن عمو مصطفى اخلاقو وصفاتو تتخيل حيربي بتو كيف؟
صلاح :يااما طلع من الصالح طالح
ندى: برضو مااديتها فرصه ظلمتوها كلكم مافي واحد انصفها ...عمو لو كان عايش ماكان حيرضى في بتو زي ماانتو مابترضو في بناتكم
صلاح صرخ فيها :ندى في شنو حسي ؟بت مصطفى خليها تغور في ستين داهيه
ندى :اهي غارت يابابا ارتاح خلت ليكم السودان وسافرت
صلاح اتصدم :شنو؟متين
ندى :هاك اقرا
*****
سمر
كانت راقده في غرفة ريري وبتبكي جاسم جا داخل :سمر انتي لسه هنا
قعدت ومسحت دموعها :ماانتبهت للزمن
جاسم قعد جنبها :مالك ؟
سمر :ريري سافرت
جاسم :في ستين داهيه دي حاجه بتفرح مابتبكي انا قايلها عامله مصيبه جديده
سمر عاينت ليهو وقامت طالعه وقفها :سمر بجد ما مستاهله تبكي عليها
قبلت عليهو :انت المابتستاهل ريري
طلعت ورجعت بيتهم
*******
لندن
بعد يومين سفر وصلت مطار هيثرو وطوالي على فندق هوليداي ان فيصل ماقصر حجز ليها جناح
بعد نزلت في الفندق قررت تستكشف البلد وبعد داك تقرر حتعمل شنو بس اول حاجه يرتاحو من تعب السفر ..
تاني يوم صحت لبست ولبست ننو نزلت في الاستقبال وطلبت تاكسي بعد دقائق كانت راكبه وجنبها ننو طلبت منو يوريها المعالم الاثريه في البلد
الفندق في شارع اسمو cromwell في حي كينغستون كان قريب من رويال البرت هول ومتحف التاريخ الطبيعي ومتحف فيكتوريا والبرت وبعد اسبوع كانت بتاخد المترو ومحطتو بتبعد دقيقتين بس من الفندق مشت برج الساعه ومتحف مدام توسو وغيرو كانو يطلعو الصباح ويرجعو نص الليل بعد شهر كانت عرفت شويه عن البلد وبقت تعرف الشوراع وايجار الشقق والمدراس لقت الرئاسه بتاعت مدرسة ننو وسجلتها وطبعآ الاجازة لسه ما انتهت .. واجرت بيت من طابقين صغير وعندو حديقه حلوه...
*******
السودان
في الشهر ده محمد بعد عرف رسل صلاح مصر يفتش عليها ومشو لي ام ايرين سالوها وهي اتخلعت وبقت متواصله معاهم لي مدة اسبوع تاني خلتهم لما لقت ماف جديد اتوقعت انو بتها حتضرب ليها في الوقت المناسب ....
مها ونعمات فرحو انو اتخلصو منها وبقو يزنو لي جاسم عشان يعرس ..
اكتر اتنين زعلو من سفر ريري سمر وندى بقو قراب لي بعض اكتر زعلو من اهلهم فترة بس تاني رجعو عادي ومأملين ريري تضرب ليهم في يوم
بعد الشهر التاني بدا كانو وقفو يفتشو عليهم ماعدا عمر كان متأثر بي كلام ندى وندم على انو ماوقف مع اختو ...
******
لندن
مر شهرين ننو نزلت المدرسه وريري كانت بتعمل الماستر في الرسم الحر ده المجال اللقت روحها فيهو وبي لوحاتها كانت بتعبر عن نفسها ..
-ريري ...قومي ..ريري
-ايوه قايمه قايمه
زهجت :ياريري حرام عليك لي ساعه بصحي فيك انا مشيت المدرسه وجيت وانتي نايمه لسه 😠
قامت مخلوعه :ليه الساعه كم؟
ننو :الساعه 3ونص
جرت على الحمام :ماصليت الظهر
طلعت من الحمام وبدت تصلي بعد خلصت قلعت اسدال الصلاة وقعدت جنب ننو :سوري ننو ماحسيت
ننو :ريري بقيتي تنومي كتير حتى مرات بتكوني بتشرحي لي وبلقاك فجاءة نمتي
بقت تحك راسها :انا زاتي مستغربه من روحي المهم انا جعانه يلا ناكل
قامت وساقت ننو قعدت في سفرة المطبخ :حعمل احلى اسباغيتي لي احلى ننو
ننو :طب بسرعه ياريري لحسن انا وصلت اخري
ريري :من عيوني
ننو وهي بتعاين ليها :ريري بقا عندك كرشه . ضحكت..ده من النوم الكتير
ريري :بجد ..وقفت قصاد قزاز الباب وبقت تعاين لي روحها بالجنبه ...اي والله دي مشكله دي😂
) بيت ريري وننو الطابق الاول فيهو غرفة ريري وغرفة ننو وغرفة تالته عاملاها مرسم والطابق الارضي صاله وغرفة جلوس ومطبخ في باب بيودي للحديقه من المطبخ (
بعد خلصو اكل ريري قامت تلم المطبخ فجاءة راسه لف قعدت في الكرسي وهي محتارة في الحاصل ليها هي اصلآ ليها فترة بتتعب وبتنوم كتير ..
دخلت غرفتها ومشت الحمام فتحت علبة الاسعافات عشان تاخد حبوب مسكن لانو راسها بدا يوجعها شافت الفوطه الصحيه اتذكرت انها من سكنو هنا مااشترت تاني فجاءة جاتها فكرة :هئ .. يارب خيب ظني ....يارب خيب ظني
طوالي لبست ومشت الصيدليه اشترت احتبار حمل ورجعت البيت عملت الاحتبار واستنت...
جاتها ننو جاريه :ريري الحقي في شرطه في الباب
كانت ماقلعت طرحتها مشت ع الباب :نعم
(🌹🌹اذا كتبت سوداني معناها عربي واذا فصحى معناها انجليزي👍👍**🌻ماتركزو مع غلطات النحو انا والعربي مابنتفق 🌻** ماف داعي للفضايح مع الانجليز 😬😬🌹🌹)
الشرطي :عذرآ سيدتي ولكن هل انتي ايرين محمد؟
ريري:نعم انا هي
الشرطي :سيدتي يجب ان تأتي معي الي قسم الشرطه
ريري بي خوف :لماذا ؟
الشرطي :لا داعي للقلق سيدتي ولكن وجدنا حقيبتك لقد كنت قد ابلغتي عن فقدانها
ريري ضربت جبهتها : اووووف نسيتها خالص
الشرطي مافهما لانها اتكلمت عربي :ماذا سيدتي ؟
ريري : حسنآ سأتي معك
ساقت ننو وقفلت الباب ومشت معاهو لما رجعو كان الوقت اتاخر وننو تعبت عملت العشا وبعديها رقدو نامو..
بعد يومين اتذكرت التست فتشت عليهو مالقتو : اوووف جينا امبارح جات ونضفت البيت

❤لا تلهيكم عن الصلاة❤