❤ايرين❤

الجزء الخامس

اسماء : ايواااا تشرفنا.
قعدنا نتونس لغاية ماندهو اسمي اول مادخلت المكتب فضلت اتأمل فيهم بسم الله ماشاء الله مكتب فخم وواسع واجهتو كلها قزاز بتشوف الشارع كلو وبالجنبه في كنبتين وقدامهم طربيزه وفوق ليهم لوحه حلوه لي طبيعه وجنبهم باب الحمام وبالجهه التانيه في رفوف بتاعت كتب
- مطوله؟
اتخلعت قلت بي صوت عالي : بسم الله الرحمن الرحيم
-شايفه جني حضرت سيادتك
عاينت للشخصيه البتتكلم اشوف واحد قاعد ورا مكتب وبيتصفح في ورق : اسفه
-اتفضلي اقعدي
مشيت قعدت في الكرسي وانا بتأمل فيهو ( عمو كبير ومربي دقنو )
- ايرين مصطفى ...عمرك 24 سنه ....عندك لغات وكم شهادة حاسب الي
-ايوه
- طيب ليه عايزة تشتغلي هنا وانتي قاريه تصميم
: اسباب خاصه
- يابتي انت في مقابله يعني اي سؤال تجوابي عليهو
-حاضر... انا ابوي اتوفى من فترة وانا بقيت مسؤوله من اهلي ...انحنا 4 انا وماما واختي وتيتا
- في كتار من الشباب البره ديل ظروفهم ممكن تكون اكعب من ظروفك يعني قولي حاجه غير ؟
غضبت من كلامو : شوف ياعمو انا من البدايه قلت ليك ظروف خاصه يعني ماكنت عايزة اقول وانت قلت لي دي مقابله يعني لو عايز تشغلني بي شهاداتي اوكي بس شفقه انا اصلآ مابقبلا لي نفسي
- طيب ممكن تهدي...انحنا اصلآ ماجهه خيريه
- ياعم ده كلامي من البدايه جيت اشتغل بي شهاداتي ماجيت اشحد
-يابنتي استهدي بالله وقول لي اسمك منو ؟
- ايرين
- يعني شنو اسمك ؟
شوف الراجل انا في شنو وهو في شنو : يعني الامان والسلام
-شوفي يابنتي انا حشغلك تلاته شهور تحت التدريب مراعاتآ لظروفك بس لازم تشدي حيلك لانو بعديها حتقابلي الصقر وهو حيقرر اذا حتفضلي ولا لا؟
-ان شاء الله وشكرآ على مراعاتك لظروفي مع اني ماحبيت كده
- العفو... شهادتك قبل ظروفك ... بس ده ولا حاجه الاختبار الحقيقي بعد التلاته شهور
- ان شاء الله حبقى قدر المسئووليه وماحتشوف مني تقصير
- ايوا نسيت يابتي بكرة  اول ماتجي في الاستقبال اديهم اسمي عبد المنعم صالح عشان ماحيدخلوك بالساهل..
(عايز تقول لي اسالني انا لي كم يوم بحاول ادخل الشركه)- حاضر ياعمو
طلعت وانا مبسوطه كنت فاكره اني ماحتقبل في الوظيفه
رجعت البيت حكيت ليهم الحصل معاي : شوية وكنت حطلع من المكتب
ننو : بتعمليها انتي من يومك مجنونه
ايرين : مجنونه حبوبتك
تيتا جاتا بالعصايه: ايه مين دي اللي مجنونه
ننو : 😅😅😅
ايرين جرت ورا امها : مش انتي ياتيتا ام ابوي
ماما بعد سكتت من الضحك : اهم شي انك اتقبلتي والتلاته شهور شدي حيلك فيهم
ريري :ان شاء الله.
وصحيت الصباح لبست بنطلون اسود وقميص اسود  تحت الركبه واسبورت كبدي شلت  طرحتي الكبديه والشنطه في يدي طلعت من الغرفه لقيت ماما مجهزة الفطار مشيت بستها : صباح الخير يا احلى ام في الدنيا
ام ايرين : صباح النور ياحبيبتي يلا افطري عشان تروحي بدري في اول يوم
ريري : حاضر ياست الكل
ام ايرين : المزاج رايق ان شاء الله دايمآ
ريري بعد قعدت وبدت تاكل : ااااااامين
ام ايرين : قريتي اذكارك؟
ريري : ايوه
ام ايرين : وقريتي وردك اليومي
ريري بي حب : ايوه ياماما مع الصبح زي كل يوم
ام ايرن بي قلق : حصنتي نفسك
ايرين قامت باست امها : ايواا ياحبيبتي ...ماما ماتخافيش عليا انا ربنا معايا طول ماانتي راضيه عني؟
ام ايرين : راضيه عنك دنيا واخرة وربنا يوفقك ويبعد عنك ولاد الحرام
ريري وهي بترفع يدها : ويرزقك ياريري يابت ام ريري بي فارس سايق همر بيضاء
ام ايرين وهي بتضحك : البعرفو انو حصان ابيض
ريري : لا الحصان الابيض موضه قديمه
طلعت وهي بتسمع دعوات امها ..ده خلاها تحس بي امان كانو الدعوات دي محاوطاها من كل ناحيه وصلت الشركه ودخلت مشت للاستقبال ادتها الاسم ووصفو ليها تدخل لي وين وقفت قدام المكتب طلعت اوراقها ودقت الباب
- ادخل
ريري :السلام عليكم
عبد المنعم : وعليكم السلام اهلآ يابتي اتفضلي اقعدي
ريري : ازيك ياعمو؟
عبد المنعم : الحمد لله ..اسف يابتي هنا في المكتب حتناديني استاذ عبد المنعم دي اوامر من فوق
ريري: ولا يهمك يا استاذ عبد المنعم
عبدالمنعم : جبتي اوراقك؟
ايرين مدت اوراقها : هي دي ياعمو ....اسفه يا استاذ عبدالمنعم
عبدالمنعم شال الاوراق وهو بيضحك : عادي يابتي
قرا الاسم : ايرين مصطفى احمد محمد
احلى شي بابا ماضاف لقب العيله في اسمي : ايوه
عبد المنعم : كويس
ضغط على زر في التلفون بعد شويه الباب دقا
عبدالمنعم : ادخلي يا سلمى
سلمى : السلام عليكم
ريري : وعليكم السلام
عبد المنعم : سلمي دي ايرين حتبدا ترينيغ لمدة تلاته شهور وديها غرفة السكرتاريه وخلي زول يوريها الشغل
سلمى : حاضر يا استاذ..عاينت لي ايرين : يلا
مشيت معاها لغاية مادخلت مكتب : ده مكتبك ورجعت لي مكتبها
لقيت فيهو تلاته طرابيز واحد قاعد فيهو ولد والتاني قاعده فيهو اسماء اول ماشافتني ضحكت : مبرووك وكمان معاي يابختي
ريري : اي شفتي كيف يابختك
اسماء : تعالي ده مكتبك وده فيصل هو حيدرينا

❤لا تلهيكم عن الصلاة❤