❤ايرين❤

الثاني والثلاثون

بدل كان بيطلع مع العيال بقة يقعدو يلعبو في البيت وهشام معاهم ..
في يوم هشام قال ماجاي طوالي جاسم قال نطلع واصرو الاولاد اجي معاهم لبسنا ومشينا على الملاهي ركبنا كل الالعاب واشترو العاب وفشار وايسكريم لما طالعين جاسم قال لينا نمشي معاهو البنك عندو قروش محوله ليهو ..
وصلنا البنك وقفنا بعيد شويه وهو مشى على العميل بتاع البنك شويه جو داخلين رجال مكممين وشهم اتخلعنا والبنات الكانو واقفين بدو يصرخو جاسم جا علينا وبقانا وراهو والعيال خايفين وماسكين فيهو
صرخو فينا نقيف بي جهه واحدة كل الناس جو علينا طلعو موظفين البنك وقفوهم معانا....
واحد وقف قصادنا وشايل مسدس والباقين مشو جوه البنك ..
نون بتخاف من حاجه اسمها مسدس لما شافت الراجل بقت تبكي بي اعلى صوت حاولت اهديها بس ماف فايده والراجل يصرخ عايزا تسكت
-دعيها تصمت او سأتي اليها
نون سمعت كلامو وزادت البكا وهو زهج وقرب مننا انا ضميتهم ومسكت جاسم
جاسم : توقف واياك ان تقترب من ابنتي.
بي سخريه -وماذا ستفعل ؟
جاسم سكت طنشو ودنقر على نون شالها حضنها عليهو وبقى يهدي فيها وعينو على الراجل بي غضب ..
بعد دقائق ساقونا دخلونا غرفه فاضيه وقفلو الباب الناس يادوب بدت تتكلم وتخمن حيحصل..
نون كانت قاعده فوق جاسم وزياد بي جنبو اليمين وانا الشمال واياد بي جنبي الشمال ونور قاعدة فوقي ..
قعدنا ساعه والاولاد زهجو وجاعو الساعه كانت عامله 9مساء وهم قاعدين بالغدا ...
جاسم قبل على انا كنت متماسكه بالقوه ماعايزة انهار قدام عيالي ..خت يدو في كتفو وضماني عليهو :ان شاء الله حنكون بخير ونطلع من هنا
هزيت راسي بي ايواا عاينت لي عيالنا لقيتهم نامو :جاسم الاولاد نامو
جاسم :احسن خليهم نايمين
شويه والباب فتح وواحد كان بيصور فينا بعد خلص رجع قفل الباب..
تاني بعد نص ساعه جو اتنين دخلو واتجهو علينا مسكو الاولاد هنا جاسم غضب وبقى يسحبهم ضربوهو بالمسدس في راسو اغمى عليهو وانا جريت ورا اولادي ببكي وبترجاهم يخلوهم واولادي بيكركو لي ولي ابوهم ..
طلعو وقفلو الباب مشيت على جاسم هبشت راسو لقيت دم نازل منو في واحده من القاعدين جابت لي كباية موية شلتها وقطعت من طرحتي جزو بليتها ومسحت على وشو صحى وبعد شويه استوعب قام وجرى على الباب يدق ويكورك عشان يفتحو ويرجعو الاولاد بعد يأس جا قعد جنبي ..شلت القطعه وبليتها تاني وختيتها في راسو انتفض زح يدي :انتي قاعدة بي برود كده مالك ؟
ريري : لو بكيت ولا صرخت زيك حستفيد شنو ؟جاسم اهدا شويه خلينا نفكر بي عقل
جاسم سكت ...تاني رجعت القطعه في راسو ومسحت الدم :اللهم اني استودعك اياهم فاحفظهم لي
جاسم : امين ...خت راسو فوق رجولها : يارب
مسحت على راسو :ايوه ماعندنا غير ربنا
بعد ساعات الشرطه جات فتحت المكان طوالي جاسم جرا طلع برا وانا وراهو بقى يسال الشرطه من عيالنا جاهو واحد قال ليهو قاعدين في العربيه هناك وقبل يتم كلامو كنا جرينا على الاتجاه الأشر عليهو فتحنا الباب لقيناهم نايمين شلناهم ورجعنا البيت من الخلعه الفينا رقدنا في غرفه العيال انا ضامه اتنين وجاسم ضامي اتنين ..
صحيت الصباح بي صوت امي :ريري يابت قومي
ريري :ايوه ياامي
ام ايرين بي صوت واطي :جاسم بيعمل هنا شنو ؟
تعالي ياامي تحت بحكي ليكم الحصل لينا امبارح شنو
نزلنا لقينا تيتا وننو بيفطرو صبحت عليهم وقعدت حكيت ليهم واول ماخلصت قلت ليهم : يلا اتخلعو براكم انا ماشه اتم نومتي واصحي جاسم يمشي شقتهم ..
طلعت عدلت عيالي في سرايرهم وصحيت جاسم اول مافتح عينو بقى يتفقد العيال ..
ريري : جاسم بسم الله كويسين ماتخاف
رجع خت راسو في المخدة : دخلت فيني خلعه مااظنها تمرق تاني ... الحمدلله رجعو لينا سالمين
ريري : اي الحمد لله
جاسم : ريري بعد الحصل ده ياريت تفكري ترجعي السودان
ريري : ده موضوع سابق لاوانو يلا اطلع انا نعسانه عايزة اتم نومتي
جاسم غمض عيونو : انا زاتي نعسان
بقت تلز فيهو : قوم امشي بيتكم
وجاسم ياجبل مايهزك ريح مااتحرك من مكانو ..كانت بتلزو بي يد ومثبته نفسها بي يد ..ضربها في يدها المثبته بيها جات واقعه فوق صدرو ضربتو شديد وقامت
جاسم : اااااااااه😅😅😅
ريري شالت البطانيه وغتتو كلو : نوم انخمد اها
جاسم تحت البطانيه ويضحك : كتمتيني . شال البطانيه وفتح وشو وهي مصرة تغطيهو : لا ....شالتها وغطت وشو : نوم انخمد قلت ليك
جاسم بالضحك ماقادر يتكلم شال البطانيه وتاني رجعت غطتو ..
جاسم : 😂😂😂 طيب حنوم بس نومي جنبي
اول ماتم كلامو شاف يدها اترفعت مسكها : لا المؤمن لا يلدغ من جحر مرتين
بس جاتو ضربه باليد التانيه مدت لسانها وطلعت ..
جاسم ضحك عليها وبي صوت واطي : بحبك ياريري ياريت لو تحسي ااااه بس لو يرجع الزمن
بعد الحادثه ريري قررت ترجع السودان خافت علي عيالها وبدت تجهز للرجعه ...
نعمات بعد الكيماوي قررو ليها العمليه لانو الورم بقى صغير وتمت العمليه ونجحت وخلاص هم كمان حيرجعوا ...

❤لا تلهيكم عن الصلاة❤