❤ايرين❤

الجزء الثامن عشر

-ياريري ....قومي ..ريري
صحيت مخلوعه شفت الساعه كانت 2صباحآ
-ريري ومعاها خبيط قوي على الباب
ننو قامت مخلوعه :ريري في شنو ؟
ده خالتو نعمات
قمت سريع وفتحت الباب لقيتها بتبكي وواقفه : في شنو ياخالتي
نعمات : عمك مابيرد علي اجري لي جاسم في شقتو خلي يجي يلحقنا
ريري بي خوف: حاضر ياخالتو
وجريت على السلالم طلعت الشقه ودقيت الباب : جاسم افتح ياجاسم
بقيت ادق الباب شديد لغاية ماسمعتا صوتو : جاي جاي
فتح الباب شعرو كان طاير والتيشرت بتاع البجامه لابسه بالقلبه : في شنو ؟ عاين لي وقال لي : وبعدين جايه كده ليه ؟
عاينت لي روحي كنت لابسه بجامه برمودا رماديه والتيشرت كان لونو وردي وشعري عاملاهو ضفيرتين ولابسه شبشب في شكل ارنب : اووف ما انتبهت ...ماوقتو عمو محمد اغمي عليهو
-شنوو؟ لزاني ونزل : ومن قبيل ساكته مالك
شوف الراجل 😮  ... جريت وراهو مشيت اول غرفتي لبست عبايه وطرحه وشلت شنطتي ولما طلعت لقيتو شايل عمو ونازل بيهو انا لحقته وصلنا الحوش
جاسم : نسيت مفتاح العربيه
ريري : انا شايله مفتاح عربيتي
ومشيت فتحتها دخل عمو في الكرسي الورا وشال مني المفتاح خالتو نعمات قعدت جنب عمو وانا قعدت قدام وننو ختيتها في رجلي
جاسم بعد اتحرك بالعربيه : سايقه ننو مالك ؟
ريري حضنت ننو قوي : اختي مابسيبها في البيت براها
جاسم : الخدم قاعدين
ريري : معليش بس انا مابأمن على اختي مع خدم
سكت مني لغاية ماوصلنا طوالي ساقو عمو ومشو يعملو تحاليل وفحوصات قعدنا في الممر مستنين الدكتور يطلع بعد شويه عمو صلاح جا معاهو خالتو زهره وندى بي وراهم ماسكه التؤام وجايه
صلاح : جاسم مالو محمد ؟
جاسم : والله ياعمي لسه ماطلع الدكتور ؟؟
ندى جات سلمت علي وقعدت جنبي : الله يستر
-السلام عليكم
ده صوت عمو عبدالله رفعت راسي لقيتو واقف بيتكلم مع عمو صلاح وجاسم قبلت على ندى : سمر ماجات ولا شنو ؟
ندى : لا جات بس لما يصحوها من النوم اخلاقها بتكون صفر ...بتكون جاره رجلها جايه
بجد شويه وكانت جايه لابسه بنطلون بجامه احمر وجكت اخضر والطرحه ورديه ولابسه شبشب ابوها ماسكه زياد وسحر اول ماوصلت قعدت في الكرسي :واحده تفتح خشمها تتكلم بدخل ليها الشبشب في راسها
ندى وريري :😮😮😮
ننو : لابسه شبشب عمو
سمر كشرت ليها : قلت شنو انا
ننو ختت يدها في خشمها : سكت
ريري قبلت على ندي وبي صوت واطي : اللهم سكنهم مساكنهم
سمر : سامعاكي بالمناسبه
ندى : عرض الازياء عجيييب
ريري بي نفس الهمس: لا كلو وبنطلون البجامه
سمر :هي انتي وانتي اسكتو مني ماناقصاكم
ريري: رادار
سمعنا صوت جري اتلفتنا لقينا عمر وعمار ومعاهم واحد اول ماوصلو
عمر : عمي مالو ؟ جاسم ؟
جاسم : والله ماعارف مستنين الدكتور يطلع ..اقعدو اخدو نفس الكلمكم منو ؟
عمر : ندى
كلهم قبلو عليها وهي خجلت ونزلت راسها
عمار :ههههههههه سمر ماشاء الله على اللبسه عجيييييبه
سمر :ياخفة دمك تضحك وعمي راقد جوه
سكت وقبل منها بقى يتكلم مع جاسم
ريري : وااااااااي منك احرجتيهو
سمر: يستاهل بيخفف دمو لي ...وعاين الغبي التاني بعاين لي كيف ؟
ريري : منو قصدك؟
سمر : خااااالد زفت
عاينت جهة اخوانها بجد التالت الكان معاهم عينو ماشالا من سمر: بالله ده خالد ... حليوني والله
سمر: بالهنا ليكي اخديهو
ريري :😂😂 انا قلت عايزاهو
سكتنا بعد شفنا الدكتور طلع قال دي مبادئ ذبحه بس بسيطه حيقعد في المستشفى كم يوم ويطلعو
عمو صلاح قال لينا انا وسمر وندى نرجع البيت رفضنا في البدايه بس هو اصر وقال عشان الشفع نايمين في الارض جاسم قال بيوصلنا ويرجع
ريري : لا ماضروري انا بسوق العربيه
جاسم : انا اصلآ حرجع اغير هدومي
سكت وطلعنا من المستشفى وصلنا البيت هو طلع شقتو وانحنا دخلنا الجناح حقنا نمنا كلنا في غرفه واحده جدعنا المراتب في الارض
في الصباح ضربنا ليهم قالو طلعو غرفه عاديه كنا عايزين نمشي بس عمو صلاح حلف لو واحده عتبت الباب بيكسر رجلها اضطرينا نقعد
-ااااااايه اهدو بقا انتو مابتتهدوش صدعتوني
صرخت في الشفع بعد كان بينططو من سرير للتاني وقفو كلهم بعاينو لي
ريري : بسم الله مالكم
سمر وندى : 😂😂😂
ننو : ريري رعبتينا
ريري بي خجل :سوري بس بجد صدعتوني
(سحر عمرها 10 والتؤام12 وزياد عمرو 6)
سمر: يابت يعني انتي عندك صوت قدر ده ماباين عليك .
ننو : ريري انا جعت
سحر والتؤام وزياد:وانحنا كمان
سمر :وانا كمان 😂
ريري :طيب يلا انا حطبخ ليكم
سمر : انتي بتعرفي تطبخي؟
ريري:اي
سمر نطت فيها ومسكتها:عليك الله ماتقولي لي ماما حتمسكها لي ذله
ريري:ليه ؟
سمر: انا مره سلقت بيض وحرقتو عايزاني اطبخ
ريري:😂😂 رأيك شنو اعلمك
سمر :لاااااااااااع  ...شوفي انا والاكل عاملين اتفاق حدي معاهو اتفرج واكل لكن اعملو لا شكرآ
ريري :راحتك ...يلا ننزل طيب
نزلنا طبخت ليهم عملت دجاج بطريقة ماما 😍 وكبده اسكندراني ولقيت ورق عنب عملت بيهو محشي والتحليه عملت ام علي
بعد اكلنا وخلصنا...
سمر خاته يدها على بطنها :ااااااه انا حتفجر تسلم يدك

❤لا تلهيكم عن الصلاة❤