❤ايرين❤

الجزء الخامس عشر

محمد: كيف يعني ؟ حصل ليك حاجه؟
ريري : ايوه قبل يومين الراجل الكان جا في الشقه وبابا عايش اتهجم علي في الشارع ولو ما جاسم جا ماكنت عارفه حيحصل لي شنو؟
محمد عاين لي جاسم وبي غضب: لي ماكلمتني؟
جاسم : ياحاج استهدى بالله هي كانت مجرد سكرتيره اقول ليك شنو؟
محمد : انتي بتعرفيهو ؟
ريري اشرت بي لا دنقرت راسها: انا شفت مره واحده بس ... وبابا قال لي في رسالتو انو كان شغال مع شيطان وهو الدخلو السجن... من قبل شهرين كان بيضرب لي رقم مصري في البدايه ماكان بيتكلم بس تاني بقى يقول لي مصيرك تقعي في يدي وبعديها جا عطل عربيتي واتهجم علي
عمار : وانتي لي ماجيتي من بدري ؟
ريري عاينت لي عمها : عمو انا عايزة ارجع البيت
محمد : بس يابتي
ريري : عشان خاطري.. قربت منو وبي صوت واطي : انا مخنووووووقه بليييز ياعمو خليني امشي بيتنا
محمد : طيب يابتي زي ماعايزة .... قبل عليهم : مين فيكم معاهو عربيتو؟
ريري : عمو انا جيت بي عربيتي
محمد : ماحتسوقيها وانتي بالحاله دي؟
جاسم : انا ياحاج
محمد: خلاص جاسم وصلهم البيت عمر سوق عربية ريري وامشى ورا جاسم وارجعو سوا
عمر : حاضر ياعم
جاسم : يلا
ركبنا العربيه وننو قاعده ورا
ننو: ماشفتي ياريري انا لقيت صحبه جديده اسمها سحورة ولعبت مع حمودي واحميدي
ريري : كويس ....حست بي راسها تقيل اتكلت على القزاز
جاسم : انتي كويسه
ريري : ايوه
بيت عمها ماكان بعيد 10دقائق بالعربيه وصلو ننو جرت مشت دخلت ..
فتحت باب العربيه جاسم حس بيها ماطبيعيه عشان كده نزل وجا جنب بابها : حاسه بي شنو ؟
ريري اول ماوقفت حست بالدنيا بتدور بيها استندت على العربيه : راسي لافي
عمر جا : مالكم واقفين
جاسم : اختك راسها لافي
عمر : يلا انا بسندك
استندت عليهو وصلو قريب من الباب بقت ماقادرة تمشي...
عمر حس بي جسمها تقل : ريري
اغمى عليها شالا وجرا على العربيه رقدها في الكرسي الورا
جاسم : هي ماشي وين ؟
عمر : على اقرب مستشفى تعال سوق العربيه يلا
جاسم جا وركب العربيه قبل ورا لقا عمر خاتي راسها فوق رجلو : ياحنين
عمر : بطل سخافه واتحرك
وصلو المستشفى وبعد ساعتين الدكتورة جاتهم : انتو تبع المريضه الجوا
عمر : ايوا انا اخوها
الدكتورة : اها طيب هي عندها فقر ده وسوء تغذيه شكلها ليها فترة مابتاكل على العموم ركبنا ليها مغذي ودايرين دم لانو دمها بسيط شديد
عمر : انا بديها
الدكتورة : فصيلتها O+
عمر : اوووه انا AB
جاسم : انا O+ ...عاين لي عمر : اصلك بخيل وفصيلتك زيك
عمر : امشي بس وخلي الكلام
تلفون عمر ضرب : الو
محمد : اتاخرتو مالكم  ياتور انت والمعاك؟
عمر بي صوت واطي : استغفر الله .... عمي ده لسه شايفنها شفع
محمد : بتقول شنو انت؟
عمر : انحنا في المستشفى ..ريري اغمى عليها قالو عندها فقر دم
محمد : اها وهي وين حسي؟
عمر : في الغرفه جوه
محمد : بعد تخلصو خليها تتكلم معي ..وبعدين كلمتو امها؟
عمر ضرب راسو : اخخخخخ نسييت
محمد بي صراخ : ياتور مش المفروض تطمن المره
عمر : حاضر ياعمي حسي بكلمها
محمد : طيب خلي بالك من اختك
عمر : حا.... وقبل يتم كلامو قفل فيهو الخط بقي  يعاين للتلفون مستغرب ..جاسم : طلع ليك جني ولا شنو؟
عمر : لا والله دي عمايل ابوك حتطلع الجني
جاسم : مالكم😂؟
عمر : مامهم ..مالك جيت سريع
جاسم : راجع تاني بس جيت اديك الشنطه بتاعت اختك
عمر : وانت كنت شايلها؟
جاسم : اي ولا حسيت بي روحي وانا اقول الناس بتعاين لي وتضحك ليه ... في النهايه اكتشفت اني شايلها وحايم بيها لا ومعلقها في كتفي زي الينات
عمر : 😂😂😂
جاسم : امسك اصلآ انا حلقى من وراك وورا اختك شنو؟
مشى رجع الغرفه ..عمر فتح الشنطه وطلع التلفون وكويس ماكان مقفول بي رمز لقى رقم مسجل بي ست الحبايب ضرب اكتر من عشرة مرات طوالي ضرب فيهو واول ما الخط فتح جاهو صوت مرا : ريري انتي وين لي مابتردي على تلفونك؟؟
-احم السلام عليكم؟
ام ايرين عاينت للرقم عشان تتاكد لو حق ايرين ولا لا : وعليكم السلام ؟ انت مين ولي شايل تلفون بتي؟
- ياخاله انا عمر اخوها..هي بس تعبت شويه وجبتها المستشفى
ام ايرين بي خلعه : بتي مالها حصل ليها شنو؟
- اهدي ياخاله هي بس عندها  فقر دم قالو مابتاكل
ام ايرين  هدت شويه : اي ليها كم يوم بتاكل بسيط او ماتاكل نهائي..حسي هي كيف؟
- انا ماشفتها بس الدكتورة قالت مركبين ليها مغذي وبعد يخلص حنشوف تقول شنو تاني؟
- خلاص طمني ياولدي
- حاضر
شالو دم من جاسم وركبو ليها وبعد خلص كانت فاقت اتكلمت مع امها ومع عم محمد ورجعناها البيت.
ريري رفضت تتكلم مع اي زول دخلت غرفتها واسبوع رفضت تطلع بس ينادوها للاكل تاكل وترجع امها جاتا في يوم وكلمتها انو اتفقت مع عمها محمد حيمشو يعيشو في بيتو
ريري : ماما ليه عايزة تبعيدنا منك
ام ايرين : ماعايزة ابعدكم انتو روحي ياريري بس انا ماحقدر احميكم
ريري : بس..
قاطعتها : ريري قلت ليك نقاش في الموضوع ماعايزة وجهزي حاجاتكم نهاية الاسبوع حيجو ياخدوكم وانا حجزت لي ولي ماما في نفس اليوم

❤لا تلهيكم عن الصلاة❤