❤ايرين❤

الجزء الواحد والعشرون

مسكتها كل واحده من جهه وبقو يضحكو و يبوسوها على خدودها وهي تمسح مكان البوسه وتكورك: يع..منحرفات..منحرفات
جات مها داخله : دي شنو المسخرة دي..وانتي فرحانه بعد العملتيهو وليكي نفس تضحكي
ريري فكت سمر وقربت من عمتها : لأني مظلومه ياعمتو..والله ..والله..والله في كل صلاة وكل قيام وكل مااتذكر الحصل بدعي ربنا ياخد حقي من الظلمني وانا واثقه في ربي وبين ربنا ودعوة المظلوم ماف حجاب
مها ارتبكت من كلامها وبقت تتمتم : انا ا... يعني...حمشي ااااالمطبخ اي المطبخ
طلعت سريع من الغرفه وسمر مسكت ريري وباستها شديد : بحبك انا
ريري قلدتها : يع منحرفه 😂😂
سمر كانت حاجزة لي في كوفير يوفر لي كل الخدمات اتحركنا عليهو الساعه 8ونص كنت مخلصه رسلو لينا السواق يودينا الصاله كل العروسات المعي مستغربين لي العريس ماجا وانا مااهتميت كاني معزومه لي عرس زول تاني.
وصلنا الصاله عمو عامل العرس منفصل الحريم في صاله والرجال في صاله تانيه والفنانه بدت الدق ماف اغنيه قعدت فيها لغاية 11 بعد داك تاني رسلو لينا السواق رجعنا البيت وطلعت على شقة جاسم 😕.
-مين سمح ليكي تدخلي هنا ؟
بسم الله الرحمن الرحيم الصاله مضلمه وماشفتو قاعد وين : والله لو بي يدي ما اجي بس دي اوامر عمو
- شوفي طيب يابت العم الزواج ده مابرغبتي ولا انت مابتشرفيني..اعتبريني ماف اصلآ ولا ليك دخل بي..عندك غرفتك وغرفتي ماتقربي منها
فرحت من طلبو : عز الطلب اتفقنا يلا وريني غرفتي وين لاني تعبانه
استغرب انها مازعلت : ادخلي الممر اول غرفه علي يدك الشمال
-حلو..تصبح على خير
مشت ولا اهتمت بي كلامو لانها ماخاته ليهو خانه في حياتها عبارة عن مرحلة وحتعدي
دخلت غرفتها غيرت ونامت.
عدى عليها شهر متزوجه بيطلع قبل تصحى ويرجع وهي نايمه مقضياها سهر مع ندى وسمر كل البيت مطنشها حتى اخوانها وهي حذفتهم من حياتها نهائي بتشوف اخوانها ولا تعبرهم حتى بالسلام تضحك وتلعب وتتونس قدامهم..اما عمتها ونعمات بيرمو عليها الكلام طوالي وهي طالعه وداخله بس داقه طناش وده غايظهم اكتر ...
-اووووف ده وقتك مابتجي الا يوم ندي وسمر مافيشين حسي انا اقول لي منو
رقدت في الصاله وهي بتتوجع شربت كل حاجه قالو بتخفف الالم بس لو مااخدت الحقنه مابترتاح الساعه بقت 4صباحآ وهي قاعده في الارض وخاته راسها على الكنبه سمعت صوت الباب عرفت انو جاسم جا ...
اول مادخل اتهجم لما لقاها في الارض : السلام عليكم
ريري: وعليكم السلام
جاسم :مالك قاعده في الارض ؟والمصحيك شنو لغاية حسي؟
- ماف حاجه عادي مزاجي حكم
مارد عليها ودخل غرفتو بعد دقائق جا طالع :انتي عندك الدورة
وشها حمر من الخجل : حاجه ما بتخصك
جاسم حرك كتفو :راحتك وقبل راجع
ماعندها حل غيرو : جاسم ماتمشي عايزة مسكن
جاسم : اجيب ليك من الصيدليه
ريري : لا مابنفع لازم امشي المستشفى اخد حقنه
جاسم مستغرب :للدرجه دي والله انتو البنات تعبانات
خجلت منو : طيب حتوديني ؟
جاسم : يلا سريع البسي والحقيني للعربيه
فرحت وجرت على غرفتها اقرب عبايه وطرحه ولحقتو ...
وصلو المستشفى وداخل الغرفه كانت الممرضه بتحاول تديها الحقنه وهي بتبعدو خايفه الممرضه زهجت منها :انتي الجا معاك منو ؟
ريري : زوجي
طلعت وجات بعد شويه معاها جاسم :شوف ليك حل معاها والا اخدها وامشي انا عندى مرضى تانين
جاسم قرب منها :في شنو ياريري؟
ريري : بخاف من الحقنه 😟
جاسم : نرجع البيت ؟
ريري :لا لا لا خلاص تعالي انت ...واشرت على جاسم ... امسكني بس غمض عيونك
جاسم : نعم ؟
ريري 😓: بابا كان بيعمل كده
جاسم : امري لله ..هي الحقنه وين ؟
الممرضه : في العضل
جاسم ارتبك : نعم ...احم طيب
قعد جنب راسها ومسك يدها :اها
ريري مدت بوزه : غمض عيونك
جاسم : طفله انا متزوج طفله
غمض عيونو حس بيها بتشد يدو مع صوت تألمها بعد شويه : خلصنا يااستاذ تقدر تفتح عينك
طلعت الممرضه وهي مستغربه فيهم : ناس عجيبه راجلها وتقول ليهو غمض عينك
رجعو البيت ودخلت غرفتها ونامت ماصحت الا تاني يوم العصر لقت ندى وسمر قاعدين بيتونسو
سمر : صح النوم بدري ياشيخه
قعدت ودعكت عينها : انتو جيتو متين ؟
ندى : من الظهر
ريري :وليه حسي الساعه كم ؟
سمر :4
ريري : 😮انا نمت 12 ساعه
سمر : 😕 قومي يابت وخلي الكلام مش اتفقنا نمشي مطعم ..... الليله
ريري : اي طيب حقوم اجهز
في المطعم كنا انا وسمر وندى بنتونس فجاءة سمر لفتتنا : بنات شوفو داك مش جاسم
قبلنا بجد كان قاعد مع بت :اي هو زاتو
سمر :دي منو الصاروخ القاعده معاهو
ندى ضربت سمر : اسكتي
ريري : عادي ياندى مابهمني والله ولو عايزين قبل مطلع نسلم عليهم
سمر : اي عليك الله
بعد خلصنا وجينا طالعين مرينا بي تربيزتهم
سمر : ازيك ياجاسم
رفع راسو عاين لينا وابتسم بعد شافني : اووو اهلين بي بنات العم اقعدو مالكم واقفين
اول زول قعد انا : اقعدو يابنات
سمر وندى عاينو لي بعض وقعدو
ريري : ماعرفتنا
جاسم : دي ليليان زميلتي في الشغل ...قبل عليها ...ديل بنات عمي

❤لا تلهيكم عن الصلاة❤