❤ايرين❤

الجزء الثالث عشر

-انا ايرين مصطفى ودي نسمه مصطفى
واحد من القاعدين في الكنبه قام علي حيلو : انتي بتقولي شنو ؟ مصطفى كان متزوج غير ام عمر كيف الكلام ده؟
القاعد ورا المكتب -اهدى ياصلاح ...
صلاح : انت سامع بتقول شنو يامحمد ؟
محمد : ايوه سامع ومتذكر كمان ولو حابي اذكرك بي عمايل ام عمر في اخوك ماعندي مانع ومن حقو لي مصطفى يفتش راحتو وانا لو كنت مكانو بعمل زيو
صلاح : انا ......يعني ......
محمد : اقعد كدي ....تعالي يابتي معليش بس مستحيل طوالي اصدق لازم اثبات
ريري : عندك حق
وطلعت من شنطتها اوراق : دي شهادة الميلاد حقتي وحقت نسمه وقسيمة الزواج بتاعت بابا وماما وبطاقتي الشخصيه فيها صورتي نسمه صغيره ماعندها بطاقه
شال الاوراق وبعد قراها : حبابك عشره يابتي
قام وجا حضنها وباس نسمه : وصلتي لي اعمامك
اشر على الكان بيتكلم قبيل : ده عمك صلاح
جا صلاح حضنها : معليش يابتي سامحيني
ريري : مامشكله ياعمو
واشر على التاني : ده عمك عبدالله
سلمت على عبدالله وقعدت في كنبه تانيه وجنبا ننو : انا اسفه جيت من غير اكلمكم
محمد : معقوله يابتي انحنا اهلك وتجي في اي وقت
ريري : عمو انا عندي حاجه عايزة اقولها
محمد : اتفضلي يابتي
ريري : انا عايزاكم تاخدو
حق ابوي...بابا اتظلم ومات وهو مظلوم ..العبره خنقتها ماقدرت تواصل
جا صلاح وحضنها : انحنا عارفين وماساكتين حتى اخوانك
ننو لزت عمها : ابعد من ريري
ريري : عيب ياننو
ننو : لا ماعيب بابا زمان قال لي(غير هو وماما وتيتا) مافي زول يقرب مننا
ريري : ننو شوفي اشرت علي عمها محمد : ده عمو محمد واشرت علي صلاح وعبدالله : وده عمو صلاح وده عمو عبدالله ديل اخوان بابا يعني اعمامك هم زي بابا
ننو : لا مافي زول زي بابا 😠
محمد : خليها يااير...... يابتي اسمك صعب
ريري : هههه ايرين ياعمو بس ناديني ريري
محمد : طيب ريري ماتضغطي علي اختك لسه صغيره وبعدين مااتعودت علينا
ريري : حاضر
عبدالله : الاولاد لسه ماجو ؟؟
صلاح : حيجو بعد صلاة الجمعه ...ريري تعالي اعرفكم علي النسوان
محمد : اي احسن
ساقهم عمهم صلاح ودخلهم صاله كانو قاعدين فيها 3 نسوان وبتين : السلام عليكم
واحده من النسوان : الحقي يازهرة راجلك عرس فيكي
زهرة ضربت صدرها :  شنو؟
صلاح : استغفر الله يامثبت العقل والدين .... المؤمن لا يلدغ من جحره مرتين
واحدة من البنات ضحكت : حلوة ياعمو ههههههه
صلاح : عجبتك
البت : اي شديد ....بس ماتعيدها 😛
صلاح : اتلمي يابت .... زهرة انت مكفياني من عشره نسوان (قصدو عشان سمينه)
زهرة : بجد ياصلاح ؟
صلاح : اكيد ده كلامك وبعدين ديل بنات اخوي
زهرة : الحقي يانعمات راجلك عرس وجايب بنات كمان
نعمات : والله ما اخليهو يعرس فوقي لي ناقصني شنو انا ؟
صلاح قبل علي ايرين : يابت اخوي رأيك شنو نشرد من هنا ديل عيله مجانين ساي
ريري : اي والله ياعمو
صلاح صرخ : بس انت وهي ياخ والله حقو بجد نعرس عشان يمكن تهدو شويه ...بعدين في زول مجنون يشوف العذاب معاكم يجي يعيدها من جديد دي ضربتين في الراس بتوجع ...ارتاحي يانعمات ماراجلك واياكي ياهاله تعملي انتي كمان دراما؟
هاله : لا انا واثقه في راجلي
واحده من البنات : تعال يابابا اسمع بس
صلاح : الحمد لله ...ديل بنات مصطفى اخوي
كلهم بي صوت واحد : ميييييييين ؟
صلاح : اي زي ماسمعتو ....دي ايرين ودي نسمه...قبل علي ايرين وبي صوت واطي وهو بأشر علي مرتو : انبوبة الغاز دي مرتي زهرة والعصايه الجنبها دي مرت محمد نعمات اما حمبوز بوز دي  مرت عبدالله هاله .... والقمر الهادي دي بتي ندي والارجوز التانيه دي سمر بت عبدالله
ريري ماقدرت تمسك نفسها : 😂😂😂😂😂
زهرة : بتقول ليها شنو ياصلاح
صلاح : بعرفها عليكم
سمر : وبتضحك ليه؟
صلاح : من الله جاتها الضحكه حرام يعني ؟؟
ندي بي صوت هادي : ازيك ايرين تعالي اقعدي
صلاح : حبيبتي بتي... ابعدي من دي ياندي ...وهو بأشر على سمر
سمر : كده ياعمو طيب بس الموز بجيبك يا ......
صلاح : تميها عشان الليله اعلقك والي مايشتري يتفرج
سمر : 😂😂العفو ياعمو المقامات محفوظه
صلاح : يلا انا اسيبكم تتعرفو عليهم اكتر...نادى بتو : ندي تعالي عايزك
مشت ليهو : ايوه يابابا
صلاح : عمتك لما تجي خليكي جنب بنات عمك مصطفى واي حاجه تحصل كلميني
ندي: حاضر
صلاح : الله يستر ...مشى رجع المكتب
ندي قعدت جنب ايرين :ازيك ؟
ريري :الحمد لله
سمر : اوووف شوفي انحنا صح مابنعرف بعض بس في النهاية بنات عم ف بلييييز خلو الرسميه عشان بتخنقني
ريري : بس كده من عيوني
سمر : ايوه ياعم..طبعآ انا سمورة الامورة احلى واحده في العيله
ضربتها ندي : قال احلى قال
سمر وهي بتحرك يدها : خليك من الحساد ...انا عمري 24 خريجة علوم اتصال وحاليآ
عااااطله ومستنيه فارس احلامي😍
ندى : يافارس انتي 😂
سمر طنشتها وهي مواصله : طبعا لازم يكون عريض المنكبين طويل القامه اسمر الشعر
ندي وريري : 😂
سمر : ياخ مالكم عارفه في النهايه حعرس اب سروال بس خلوني احلم
ريري: احلمي😂

❤لا تلهيكم عن الصلاة❤