❤ايرين❤

الجزء التاسع عشر

- ولدي بدا يميل للبت دي طول اليوم بيحكي عنها وده الكنت خايفه منو؟
-زمان قلت ليكي بتصرف معاها وانتي رفضتي؟
-طيب يامها انا غيرت رأي حسي؟
مها: انا الليله بخليهم يطردوها
-حتعملي شنو؟
-انتي يانعمات مش ماعايزاها لي جاسم ده حيحصل بس بعد كده ماعليك بالحعملو
نعمات :الله يستر
***************
ظهرت براءة بابا اخيرآ كنت طايره من الفرح اتصلنا بي ناس ماما وتيتا وكلمناهم :ياماما طب بطلي عياط
ام ايرين :من الفرحه يابنتي
ريري:الحمد لله ظهر الحق والراجل الافترا على بابا دخل السجن ولقو عندو بلاوي متلتله اهو حيخلل في السجن
ام ايرين :ربنا يمهل ولا يهمل
ريري :كان نفسي بابا يكون عايش
ام ايرين :ربنا يرحمو
ريري:امين ...طب ياماما انا لازم امشي عمو عامل عزومة كبيره بمناسبة براءة بابا وعشان هو طلع من المستشفى برضو
ام ايرين :طيب خلي بالك من نفسك ومن اختك
ريري:حاضر ياماما
ام ايرين :وماتنسي تقري الاذكار
ريري :حاضر ياماما😩
ام ايرين :و...
قاطعتها :واقري وردك كل يوم واهتمي بي اكل اختك وقرايتها وغطيها كويس باليل ولو احتجتي حاجه اضربي لي ...نسيت حاجه
ام ايرين : ايوه وماترفعي..
تاني قاطعتها: صوتك على زول كبير ايوه عارفه
ام ايرين : ☺شاطرة يابت..في امان الله
ريري:في امان الكريم
كنا قاعدين ف الغرفه حقتنا معانا شهد شوية وجات عمتي مها شايله كبابي عصير توزع فيهم
سمر :عمتو ؟؟؟
مها:مالك يابت ؟
سمر :انت كويسه؟
مها :اي ده عصير بي مناسبة طلوع عمك من المستشفى بوزع للبيت كلو
سمر :اها
ادت ايرين كبايتها وهي بتعاين ليها بي طريقه عجيبه
ريري:شكرآ ياعمتو
ماردت عليها وطوالي طلعت ،ريري استغربت فيها بس ما اهتمت
بعد نص ساعه حست بي وجع في بطنها :ااااااااااه
سمر :بسم الله ريري مالك ؟
ريري:بطني ...اااااااه
سمر جرت نادت امها :تعالي ياماما ريري ماعارفاها مالا
هاله اول مادخلت :ريري مالك ؟
ريري:خالتو الحقيني ...بطني بتوجعني ماقادرة استحمل
هاله : قومي نوديك الدكتور
مها جات داخله :مالكم ؟
سمر :ريري بطنها بتوجها
مها :استني بجيب ليكم حبوب حتريحها سريع
طلعت وبعد دقائق جات داخله :هاك ابلعي ديل
ريري شالت وبلعتهم:شكرآياعمتو
مها :يلا...يلا امشو اجهزو خلوها راقده بترتاح كمان شوية
وفعلآ دقائق وايرين حست الوجع راح عاينت لي سمر : سمورة والله بقيت احسن امشي البسي
سمر :لا...انا مامطمنه
ريري:يابت انا كويسه
سمر: ماكده في حاجه ماتمام
ريري:قصدك شنو ؟
سمر سكتت شوية :لا ماف حاجه حمشي البس واجيك راجعه
لبست وجات لقت ايرين نايمه نزلت لي امها :ماما ريري نامت
هاله :خليها نايمه عشان ترتاح
سمر :بس عمو قال لينا نطلع !
هاله :يابت هي عيانه حنسوقها كيف
زهرة جات داخله معاها مها :منو العيانه؟
هاله :ريري بطنها وجعتها شويه وحسي نايمه
زهرة : خلاص خلوها نايمه اصلآ الليله ماحنطول بعد المغرب ونجي راجعين
سمر :ليه ماحنطول ؟؟
هاله :يابت عمك طالع من المستشفى لازم يرتاح
سمر :اهاااااااا
رجعت طلعت لي ايرين وحاولت تصحيها مامطمنه نهائي الليله وهي عندها حاسه سادسه لو في حاجه حتحصل بتكون اليوم كلو قلقانه:ريري ...ريري قومي
ريري :همممممممم
سمر :ريري قومي والله انا خايفه
ريري بي صوت نعسان : من شنو؟
سمر : ماعارفه بس حاسه في حاجه حتحصل
ريري : سمر انا تعبانه وعايزة انو
سمر ضربتها : نومي اوووف منك... انحنا حنطلع بس حنجي بدري
ريري :طيب
طلعو بعد كلمو اعمامها انها تعبانه شويه وحسي نايمه قرييب للمغرب مها تلفونها ضرب ارتبكت شالتو وطلعت : قلت ليك ماتضرب انا بضرب ليك ...على العموم انحنا بعد المغرب حنطلع ادينا نص ساعه وحنكون في البيت
قفلت الخط واتلفتت لقت سمر واقفه :بسم الله انتي واقفه من متين
سمر :يادوب جيت..ماما بتناديك
مها :اوكي
مشت وسمر واقفه متحيره ده منو البتقول ليهو حنطلع بعد المغرب :غريبه
بعد صلو المغرب ركبو عرباتهم واتحركو تلت ساعه ووصلو البيت
مها : تعالو يانسوان ساعدوني ننزل العده وانتو يابنات شيلوها على المطبخ
سمر وندى وشهد :اوووووووووف
صلاح ومحمد دخلو البيت وعبدالله مشى الصالون مع الشباب
محمد: صلاح انا طلوع السلم بتعبني ...اطلع بالله شوف ريري بقت كيف؟
صلاح : خلاص انت اقعد ارتاح هنا
طلع مشى على غرفة ايرين لقي الباب مفتوح شويه لزاهو ودخل واتخلع لقى واحد راقد مع ايرين في السرير صرخ بي صوت عالي :ريري
الولد اول ماشافو طوالي نط بالشباك صلاح حاول يجرى عليهو عشان يمكسو لقاهو ناطي في اكياس كانت تحت في الارض..قبل على ايرين صحاها بالكفوف قامت مخلوعه :اي عمو في شنو
صلاح : قومي يابت عامله فيها عيانه وجايبه واحد في البيت
ريري:واحد منو؟
صلاح اداها كف : بتسأليني انا ؟ ده تربياتك
جراها من السرير ونزلها الطابق الارضي محمد اول ماشاف صلاح جاريها : صلاح مالك في شنو؟
صلاح :الكلبه عديمة التربيه مدخله واحد في البيت مستغله عدم وجودنا
محمد جا عليها وهو غضبان وبدا يضربها لغاية ماوقعت في الارض
ريري: عمو والله ماحصل

❤لا تلهيكم عن الصلاة❤