❤ايرين❤

الجزء السادس

فيصل : ازيك يامزة ؟
ريري : نعم 😕
فيصل :احم ..احم اقصد ماعرفت اسمك ؟
ريري مشت قعدت في مكتبها : اسمي ايرين
اسماء :اسمك حلو اول مره يقابلني
فيصل : انا زاتي
(فيصل ماهر عمرو 27سنه ابوهو وامو متوفين عندو اختو صغيرة في الثانوي (رشا) وسيم بس جنو بنات ..
اسماء 25سنه اصغر اخواتها اشتغلت بالواسطه عشان تقضي وقتها وماتقعد في البيت ملامحها جذابه لونها قمحي عيونها عسليه دايمآ بتلبس عدسات )
وبدينا الشغل وعدت ايام وانا مجتهده في يوم جيت الشغل بدري وفيصل واسماء ماجو لقيت الشركه قايمه قاعده قبضت سلمى كانت ماشه سريع : سلمى صباح الخير
سلمى : صباح النور
ريري : في شنو ؟مالكم الليله؟
سلمى : الليله الصقر الصغير رجع من السفر يلا على مكتبك سريع
ومشت خلتني اها وانا اعمل ليهو شنو يعني وما يجي غايتو عجائب لويت خشمي ومشيت مكتبي دخلت وضربت لي عم النور عشان يجيب لي قهوتي انتظرت عشرة دقائق ماجا قلت انزل اجيبها براي مشيت الكافتيريا فيها بت شغاله اسمها سماح : صباحو سموحه
سماح : خيرو ريري
ريري: انتي عمو النور وينو ؟
سماح : بكون لافي في المكاتب
ريري : طيب سموحه عايزة قهوتي
سماح : من عيوني دقائق وتجهز
ريري : تسلم عيونك
جهزتها وشلتها ماشه علي مكتبي فجاءة طقشت واحد داخل عل الشركه وكان ماشي سريع وبعاين   لي زول وراهو وبيتكلم القهوة اتكبت في يدي وهي سخنه : ااااااااااه   اوف
- انتي عميانه مابتشوفي
رفعت راسي لقيت واحد هدومو كلها وسخانه حتى وشو ملان زيت عربات : نعم انت الضربت فيني وتقول لي عميانه😠 حرقتني في يدي وتكورك فيني
- انتي قهوتك اتكبت فيني
-حوش حوش هدومك الي بتنقط نضافه ياعمي روح امشي استحمي وتعال اتكلم
-انتي الكلام معاك ضايع
- اعمل اعلان في الجريده😕
حمر لي ومشى : استغفر الله ناس عجيبه
مشيت الصيدليه تبع الشركه الدكتور ماقصر عمل لي مرهم ولف لي يدي بي شاش رجعت المكتب لقيت فيصل واسماء قاعدين : صباح الخير
اسماء : صباح النور.. اصبحنا واصبح الملك لله
ريري :😒😒😒
فيصل :ههههههههه بسم الله مالك يابت ؟ ويدك مالها؟
ريري : اتكبت فيها قهوه واتشاكلت مع واحد
فيصل : اووووف ده كلو من الصباح
اسماء : ويدك كيف حسي؟
ريري : الالم راح الحمد لله
فيصل : وده منو الاتشاكلتي معاهو ؟
ريري : واحد غلس ودمو تقيل طقشني والقهوة اتكبت بقا يكورك فيني
اسماء : حصل خير اقعدي وروقي الدنيا مامستاهله
ريري : اي والله
فيصل : بالمناسبه صبايا
اسماء :اها
ريري : احكي
فيصل : بحكم اني مدير المكتب ده وانا كنت مشرف عليكم  ف انا الليله حرفع التقرير الشهري عنكم؟
ريري : مدير مين ؟هههههههههه
اسماء : انت الحترفع التقرير ..والله مسخره
فيصل : ماعاجبكم😠
ريري : فيصل علينا برضو
اسماء : والله انت استغليتنا استغلال من جينا ردمت لينا الملفات وفالح بس في go
ريري : انحنا المفروض نرفع فيك تقرير
فيصل : ههههههههههه دي فرصه مابتتعوض يجوني 2 جداد وما استغل الموضوع ...المهم اصلآ من غير التقرير ا.عبدالمنعم مبسوط من مكتبنا
ريري : الحمد لله
اسماء : نعمه برضو
وتمينا 3 شهور وبكره حنقابل الصقر عشان يحدد مين حيبقى ومين حيمشي كنا 200 بت وولد وحيختار 50 بس
اسماء : بكره حيحددو حنبقى ولا نمشي
ريري : اي الله يستر
وتاني يوم صحيت الصباح لبست قميص تيفاني واسكيرت اسود وطرحه حمراء وشبط احمر وصلت الشركه وانا اعصابي منتهيه 😓 سلمت على اسماء وقعدنا في المكتب لغاية ماينادونا
وبعد ساعه نادو اسماء مشت وجات بعد نص ساعه اول حاجه قالتها : حودعكم وامشي
ريري : 😯😯😯
فيصل : اسومه
اسماء : ماتزعلو حمشي اشتغل مع بابا اصلآ هو كان دايرني معاهو بس انا قلت اجرب بره ☺
ودعناها واتفقنا انو حنتقابل طوالي انحنا التلاته وشويه كده ونادوني بقى انا رجولي بقو يطاقشو وفيصل يضحك فيني : يابت اهدي شويه 😂😂😂
ريري : اشوف فيك يوم
مشيت علي مكتب المدير اول حاجه قابلتني سلمى ابتسمت لي عشان تطمني : ادخلي ايرين
وبالخوف فتحت الباب ودخلت لقيت واحد قاعد علي مكتب
-اطلعي دقي الباب اول لما اسمح ليك حتى تدخلي
فتحت خشمي اتفاجأت : نعم؟
-ماحعيد كلامي
اتغظت طلعت ورجعت دقيت الباب عشرة دقائق مافتح خشمو : استغفر الله باين من بدايتو والله ادق الباب تاني لو مارد حمشي بلا هم
وتاني دقيت الباب ...- ادخلي
بدري ياشيخ دخلت ومشيت قعدت
-انا قلت ليك اقعدي
اللهم طولك ياروح وقفت تاني :
-اسفه
نص ساعه وقفني وهو بيتفرج علي اللابتوب مره وشويه يقلب في الورق وتاني يتكلم بالتلفون انا خلاص بقيت زهجانه  اووووف
-زهجتي يعني؟؟
رفعت راسي عاينت ليهو وكان مدنقر على الورق : ايوه
-ممكن تمشي عادي
يعني في اللحظه دي كان نفسي اقلع جزمتي وعلي راسو مستفز بشكل : اوكي
ولفيت طالعه اول ماوصلت الباب سمعتو صوتو : يعني ماعايزة الوظيفه
- انا اشتغلت ترينيغ 3 شهور عشان عايزاها
-مالك طيب استسلمتي سريع؟
-اول حاجه علمها لي ابوي هي كرامتي فوق كل شي وعمرو الرزق ماكان بي يد زول
-ومين هبش كرامتك؟
-انت
-متين؟

❤لا تلهيكم عن الصلاة❤