❤ايرين❤

الجزء الرابع

وقمنا الصباح وطلعنا ع المطار احساس مش حلو لما تسيب المكان الي عشت فيه طول عمرك وتروح مكان تاني بس عشان وصية بابا انا حعمل المستحيل 😍... وصلنا السودان واخدنا تاكسي من المطار ع البيت اول ليلة كنا قاعدين في الصالة انا وماما وتيتا وننو ماقادرين ننوم كنا قاعدين وبتذكر في بابا لغاية ما الفجر اذن صلينا ودخلنا غرفنا ....
في نفس اليوم بالنهار قلت لي ماما : لازم اشوف اهلي بس من غير مايعرفوني عايزة اعرف عنهم كل شي
رهام : السوشال ميديا بتعرفك عليهم وممكن تسالي الناس بعديها ؟
ايرين : ايوة صح👌؟ مافكرت فيها ؟حسي بجيب اللاب ونجي ندور
قمت وجيت قعدت جنب ماما بي لابي💻 فتشت عن عيلة الصقر دي كان لقب جدي مالقيت حاجه غير عن الشركه حقتهم يعني اي معلومه استفيد منها ماف قلت لي ماما : ماعندهم صفحات في الفيس ديل لسه عايشين في العصر الحجري شكلهم
ام ايرين : غريبه والله
ريري : بس عنوان الشركه والبيت موجود
ام ايرين: ابوكي حكى لي شويه عنهم بس معلومات عامه زي ماانتي عارفه يعني حتى عندهم اولاد ماعندهم مابعرف ....
بعد يومين قررت امشي الشركة الرئيسية عايزة اشوفهم على الحقيقة طلعت من الصباح وركبت العربيه المؤجراها مشيت الشركه ولقيت الاستقبال ملان ناس مشيت للبت القاعده :السلام عليكم
البت :وعليكم السلام
ايرين : لو سمحتي عايزة اقابل محمد الصقر ؟
البت :هو حاليآ لسه ماجا بس انتي عندك موعد؟
ايرين : لا
البت : اسفه بس مابتقدري تقابليهو الا بي موعد
ايرين : بس انا من الاهل
البت عاينت لي بي استهزاء : انا بعرف كل العيله من صغيرهم لي كبيرهم وكذبتك ماحتمشي علي
ايرين حسيت بي غضب : انا بت اخوهو وجايه اقابل عمي
البت : لو سمحتي اطلعي قبل اطلب ليك السكيورتي
انا كان نفسي اديها كف بس مسكت نفسي وطلعت بره وقفت جنب الباب شويه كده وجات عربات والسكيورتي زحو الناس من جنب الباب وجو داخلين عرفتهم ديل اهلي حاولت اطلع من نص الناس واجري ليهم بس السكيورتي ماسمح لي في النهايه يأست ورجعت البيت ..
- مااااااااااما ...مااااااااما
ام ايرين جات مخلوعه لقت ننو في الارض وايرين قاعده فوقها :  ريري انزلي من اختك ...في شنو؟
ايرين : ماما شوفي بتك عملت لي شنو ؟
واشرت علي وشها ...كان مشخبط فيهو بالالوان : شايفه ياماما صحيت ولقيتها بترسم في وشي
ننو : انا حاولت اصحيك عشان الغدا بس انتي كنتي زي الميته ولقيت الالون جنبك
ام ايرين ماتت بالضحك علي شكل ايرين : ياننو عيب كده.. ريري قومي من اختك
ايرين : لا والله ....ماقايمه الا اعمل ليها زي ماعملت لي
ام ايرين : خليك انتي الكبيره وابقى اعقل منها
ايرين : لا ماخده حقي ماخداهو مابخليك الليله
ننو : يليييز ريري سوري سوري مابعيدها تاني
ريري : ايوه كده ناس مابتجي الا بالعين ..سكتت وبقت تحك راسها هي بالعين البيضاء ولا السوداء
ام ايرين وهي بتضحك : لا دي ولا دي بالعين الحمراء
ريري : احم احم طيب بالعين الحمراء  المهم بوسي يدي اول ننو مسكت يدها وباستها فرحت ومدت التانيه :ودي كمان
ننو بي زهج : اها باست يدها قومي مني
دنقرت راسها : فضل راسي
ننو صرخت فيها ولزتها وقامت : هي شايفه عجبتك الحكايه...
وقامت من الارض وهي بتضحك : اي شديد لازم استغل الفرصه

ومشت قعدت جنب امها : مام الليله ماقدرت ادخل الشركه ولا اقابل اعمامي اعمل شنو ؟
ام ايرين : مامشكله مصيرك تقابليهم بس ماتيأسي
ايرين : ان شاء الله ححاول كل يوم
ام ايرين : قومي ريري غسلي  وشك ده شكلك يخوف
ريري: 😅😅😅😅😅
وبقت كل يوم تمشي الشركه عشان تقابل واحد فيهم اسبوع على الحاله في يوم لقت اعلان عن وظيفه في شركة عمها جاتا فكره انها تقدم للوظيفه هي بتتكلم اربعه لغات غير العربيه ودي كانت هوايه انها كل فترة تتعلم لغه ف كانت بتتكلم (انجليزي وفرنسي وايطالي وتركي ) غير عامله كم دورة في الحاسوب والسكرتاريه ....كلمت امها اعترضت في البدايه بس بعد اقناع وافقت
ام ايرين : انا ماعارفه انتي ليه ماتمشي لي اعمامك عديل وتقولي ليهم انك بت اخوهم من غير وظيفه والحاجات دي ؟
ريري: اقول ليك الصراحه ياماما..بابا قال لي امشي لي اعمامك وانا بنفذ وصيتو بس انا ماعايزة اتعرف عليهم مرتاحين من غيرهم
ام ايرين : انا قلبي مامطمن.. بس زي ما قلتي وصيه  لازم تمشي ؟
ريري : ماتخافي علي ياماما انتي بس ادعي لي
ام ايرين : والله بدعي ليك انتي واختك في كل صلاة
تاني يوم كانت قاعده في الصاله ومعاها كميه من البنات والشباب زيها شايلين ورقهم عايزين يقدمو  قاعده جنبها واحده شغاله تقوم وتقعد تحرك رجلها شويه وتتلفت كل ما الباب يفتح ايرين زهجت منها : ده انتي وترتيني اووووووي اهدي يابنتي
البت قبلت عليها : انتي بتتكلمي معاي
ريري : ايوه اهدي بقا انا اعصابي اصلآ بايظه وانتي زدتيها علي
البت : اسفه....  ده حلمي من زمان اشتغل في الشركه دي ...
ريري : ولا يهمك انا ايرين
البت : انا اسماء شكلك مصريه ؟؟
ريري :  ابويا سوادني وامي مصريه وعشت في مصر
❤لا تلهيكم عن الصلاة  ❤