اخدت وعد من فيصل انو مايكلم زول ولا حتى امها هي حتكلمها بس بعد فترة عشان لما يسالوها ماحتضطر تكذب او تمثل عليهم ...
في السودان ..
-ماما ياماما
هاله :مالك ياسمر
سمر بعد اخدت نفس :ريري وننو مافيشين في البيت
هاله : شفتي في الشقه
سمر :اي
هاله:طيب يمكن مع جاسم ..ضربتي ليهو ؟
سمر :ياماما جاسم ليهو اسبوع مسافر ..
هاله :يمكن جا امبارح
سمر : امممم طيب حضرب ليهو ؟
اخدت تلفونها وضربت ليهو :الو
-الو جاسم انت رجعت امبارح السودان؟
-لا ليه ؟
سمر ماعرفت تكلمو كيف :اصل .....هناي
زهج منها :في شنو ياسمر
سمر : ريري وننو مافيشين
جاسم : كيف يعني ؟
سمر : ريري ليها اسبوع حابسه نفسها في الغرفه لا بتاكل لا بتشرب وامبارح كانت غريبه زي البتودع فينا حسي الصباح مشيت غرفتها لقيتها فاضيه
- شوفتي حاجاتها ؟هدومها؟
سمر:لا
جاسم :طيب خليك معاي في الخط واطلعي غرفتها
سمر:حاضر
طلعت غرفتها وفتحت دولابها لقتو فاضي :فاضي ياجاسم
جاسم :اقفلي انا حاخد اول طيارة وجاي ماتكلمي زول فاهمه
سمر :بس ...
جاسم :سمر كلامي واضح
سمر :راحتك
قفلت منو الخط ولقت رسائل كتيره :اووووف رسائل الخدمه اكتر من رسائلي الخاصه
بقت تفتح الرسائل وتمسحهم شافت اسم ريري مرسله ليها رساله
اختي ارجوزا😛
عارفاك مابتحبي الاسم بس انا بحبو ... سمورة حبيبتي انتي وندى الحاجه الوحيدة الكسبتها لما جيتكم بس الخسرتو كتير وفوق طاقتي ماقدرت استحمل اتظلمت مرتين...
عارفه كنت بقول لما القا اعمامي حطمن علي ريري حتى لو حصل لي حاجه بس بعد عشت وشفت بقيت خايفه عليها ..
انا خسرت كل حاجه ومابقى عندي حاجه ابكي عليها بس ننو مستحيل اخليها تتظلم زي عشان كده انا سافرت رجعت البلد العشت فيها مع اهلي البلد الشفت فيها السعاده اخر مرة ..
سامحيني اذا كنت زعلت يوم بس اتأكدي انك حتفضلي اختي دايمآ
بحبك ياسمورة
ريري
***
ندى
كانت قاعده في الصاله جا عمر داخل
-ممكن افهم انت متغيرة معاي ليه؟
ندي :اول حاجه لازم تفهما انا كلمت بابا اني عايزة افسخ الخطوبه وهو اجبرني اقابلك
تاني حاجه انا اتصدمت فيك ياعمر وبقيت خايفه منك
عمر اتصدم :خايفه مني انا ..أشر على نفسو ...ليه ؟ اما عمري ماعملت ليك حاجه بتخوفك
اتنهدت :ياريت لو كنت عملت لي 😟 كانت الصدمه حتكون اخف بس انت ظلمت ريري ياعمر
غضب منها : ماتجيبي لي سيرتها
ابتسمت بي سخريه: ولا حاولت تشوفها مظلومه ولا لا او تدافع عنها وبعدين تعاقبها طوالي اتبريت منها
عمر :عمك صلاح قال شافها
ندى :انت شفتها او خليك من ده من جات حاولت تتعرف عليها او على ننو مرة كده حضنتهم عليك
عمر :انا بعرف عنهم كل حاجه
ندي بي سخريه :لا ياشيخ ..طيب اكتر اكله بتحبها ريري هي شنو؟
عمر :دي ماحاجه ضروريه عشان اعرفها
ندى :طيب انا اكتر اكله بحبها شنو ؟
عمر :مندي
ندى :ليه عرفت اكلتي المفضله واختك لا؟
عمر :انت عشتك معاك عمري كلو
ندى :وكان المفروض تعوض اخواتك انت وعمار عزوتهم او ...
قبل تتم كلامها سمعت صوت تلفونها شافت لقت سمر متصله عليها :دقيقه عمر دي سمر...الو
سمؤ وهي بتبكي :مشت ياندى ...اهئئ... ريري سافرت
ندى وقفت :كيف ؟متين الكلام ده؟
عمر :في شنو ؟
ندى :اتكلمي ياسمر خليني افهم
سمر :شوفي الرسائل اكيد رسلت ليك زيي
قفلت من سمر وفتحت رسائلها لقت رساله من ريري
اختي الحنونه
عارفه انتي قدري في العمر بس بحس بيك اكبر منك 😜 ...عشان كده كنت برتاح لما احكي ليكي
ندى سامحيني ماقدرت اودعكم بس خفت اشوف دموعكم واضعف كان لازم ابعد من اعمامك وجاسم ندى اخواني ظلموني كنت فاكرة حلقى السند بس اول زول باعني هو اخوي ..
جاسم اذاني شديد ولو ابوي كان عايش كنت مشيت ليهو بس مات والمفروض بعديهم اخواني لكن اتبرو مني في اول مشكله حتى ماحاول يدافع عني ...
خفت على ننو تتظلم وماتلقى زول يدافع عنها عشان كده هربت ...مابقدر اتخيل تعيش العشتو ف اخدتها وسافرت....
خلي بالك من سمر واوعكم في يوم تتفرقو ولا عشان خاطر اي زول مهما كان بالنسبه ليكم وماتنسوني ادعو لي دايمآ وانا حدعي ليكم
بحبك ياحلى اخت
ريري
عمر : ندى في شنو؟
مدت ليهو التلفون :اقرا ده
شالو وبعد قرا الرساله : سافرت؟؟؟
ندى :وياريتها ماجات ....بقت تبكي ... انساني ياعمر مستحيل اقدر اسامحك
عمر :ياندى
ندى:ماتقول حاجه صعب تديني عذر
عمر :انا ماشي بس مستحيل اتخلى عنك
طلع وخلاها قاعده بتبكي.. صلاح جا داخل اتخلع قعد جنبها وحضنها :ندى مالك بتبكي ؟
ندى :بابا لو يوم شفتني في غرفه مع ولد حتعمل شنو ؟
صلاح :انا واثق فيك ..ف اول حاجه اعملها حديك فرصه تشرحي لي ؟
ندى ضربتو في صدرو وهي بتبكي :طيب ليه مااديتها فرصه تفهمك؟ليه ماوثقت فيها
عرف انها بتتكلم عن ريري: لاني ماعارف تربيتها زيك
❤لا تلهيكم عن الصلاة❤
أنت تقرأ
❤ايرين❤
Chick-Litايرين شابه عشرينيه بعد وفاة ابوها بتسافر مع عيلتها لي اعمامها عشان تحميهم بس بتتظلم منهم فتضطر تهرب
