Taste of Sky (EL Girls Series #1)

Chapter 50

Chapter 50

Kasalukuyan akong nakatulala sa dalawang singsing na nasa dibdib ng lalaking may bughaw na mga mata. Siya na mismo ang naghubad ng kanyang kwintas at marahan niyang tinanggal ang isang singsing dito.

"Behati," idinikit nito ang kanyang noo sa akin.

Kasabay nang pag-angat niya ng singsing sa harapan ko.

"Huwag mo na naman akong tanggihan, mahal na mahal kita. Mahal na mahal." Bulong nito sa akin.

Halos sumabog ang puso ko sa kanyang mga sinasabi. Kahit madalas na itong sinasabi sa akin ni Pedro, hindi man lang maalis ang epekto nito sa bawat tibok ng puso ko.

Nagwawala pa rin, hindi mapakalma at higit sa lahat hindi magawang turuan. My heart is now beating for him, for this blue eyed Commander.

Hindi ko na kayang itanggi.

Sa halip na sumagot ay umangat ang mga kamay ko at sinapo ko ang mga pisngi ng lalaking pinakamamahal ko.

I slowly kissed his sapphire eyes, katulad ng asul na batong nakaukit sa aming mga singsing.

Ang asul niyang mga mata na siyang unang bumihag sa akin.

"Yes, I'll marry you baby. Ikaw lang ang lalaking pakakasalan ko, Pedro." My heart melts when lips smiled together with his eyes.

And he was about to claim my lips again, when I positioned my hand between our faces.

"Give me the ring first, Commander." Ngumisi ito sa akin.

Masuyo niya munang hinalikan ang kamay ko bago niya marahang isinuot ang aking singsing.

"Ipinapangako kong ikaw lamang ang aking babaeng mamahalin at sasambahin. My one and only Flight Lieutenant Monzanto, soon to be Armstrong."

Hinapit nito ang bewang ko at kinabig niya ako papalapit sa kanyang buong katawan. Muling nagdikit ang aming mga katawan.

"Shall we continue?" isinumping nitong muli ang buhok ko.

"Maybe after the wedding, sorry, nakarami ako ng inom." Sumagi sa aking mga mata ang bote ng wine na malapit nang maubos.

"Oh shit, natauhan." Natatawang sabi nito.

Sa pagkakataong ito ay hinalikan niya ang aking noo bago niya ako iniwanan sa tub.

"I'll wait you outside," tumango ako kay Pedro.

At nang sandaling isarado na niya ang pinto ay agad kong inilubog ang sarili ko sa tub dahil sa matinding kasiyahan. Ayokong gumawa ng ingay dahil posible akong marinig ni Pedro.

I'm engaged.

Nang umahon ako ay agad kong itinaas ang aking kamay na may singsing sa tapat ng ilaw.

"Inay, Itay, mga kapatid ko. May lalaking nagyaya sa akin ng kasal. May lalaking nagawang mahalin ako sa kabila ng mga pinaglalaban ko, may lalaking kaya akong suportahan sa bagay na pinaniniwalaan ko." 

Ilang minuto lamang ay umahon na ako. Nag-alangan pa akong lumabas nang nakatapis, nakita ba ni Pedro ang katawan ko kanina?

Napailing na lamang ako nang muling sumagi sa aking mga mata ang alak. Seriously? Ano ba itong wine na ibinigay sa akin ni Commander Mitts? Bakit nakakalasing?

Hindi ako mabilis tablan ng alak.

Nang lumabas na ako ay agad lumingon sa akin si Pedro, muntik ko nang makalimutan na basang-basa nga pala ito.