Ancient Chinese Fables

တန်ဆန်း ဝက်ကို ဘာကြောင့်သတ်ရသလဲ

ရွာတစ်ရွာမှာ စိုက်ပျိုးမွေးမြူရေးနဲ့ အသက်မွေးတဲ့ ဇနီးမောင်နှံနှစ်ဦး ရှိကြသတဲ့။ ခင်ပွန်းဖြစ်သူရဲ့ နာမည်က တန်ဆန်းပါတဲ့။

တစ်နေ့မှာ တန်ဆန်းရဲ့မိန်းမဖြစ်သူဟာ ဟင်းချက်စရာဝယ်ဖို့ ဈေးကိုသွားမယ် ပြင်ပါတယ်။ အဲဒီမှာတင် သူတို့ရဲ့ တစ်ဦးတည်းသောသားလေးက အမေနဲ့အတူ ဈေးကို လိုက်ချင်လို့ ငိုပါတယ်။ ကလေးငိုတော့ တန်ဆန်းမိန်းမက

"တိတ်ပါ သားရယ်၊ ဈေးကိုမလိုက်ပါနဲ့၊ အိမ်မှာ နေခဲ့ပါ။ အမေ ဈေးကပြန်လာရင် ဝက်တစ်ကောင်သတ်ပြီး ချက်ကျွေးပါ့မယ်" လို့ ချော့မော့နှစ်သိမ့်လိုက်ပါသတဲ့။

တန်ဆန်းရဲ့ဇနီး ဈေးကပြန်လာရော ဝက်တစ်ကောင်ကို သတ်ဖို့လုပ်နေတဲ့ ခင်ပွန်းသည်ကို တွေ့လိုက်ရတယ်။ အဲဒီမှာတင် ဇနီးဖြစ်သူဟာ ခင်ပွန်းထံ အပြေးသွားပြီး

"ဟင်… ရှင် ဘယ်လိုလုပ်လိုက်တာလဲ၊ ကျွန်မက ကလေးကို ဈေးမလိုက်အောင် ချော့ပြောတာ၊ ညာပြောတာ၊ တကယ်ပြောတာ မဟုတ်ဘူး" လို့ ပြောလိုက်ပါတယ်။

ဝက်သတ်ဖို့ ပြင်နေတဲ့ တန်ဆန်းက

"ကလေးကို ဘာ့ကြောင့် လိမ်ပြောရတာလဲ။ ကလေးတွေ ဆိုတာက ဘာမှသိတာ မဟုတ်ဘူး။ သူတို့မိဘတွေက လက်ဦးဆရာတွေပဲ။ မိဘတွေ ပြုမူပြောဆိုတာကို အတုယူတာပါပဲ။ မင်း ကလေးကို လိမ်လိုက်ရင် အဲဒီကလေးက လိမ်တတ် ညာတတ်လာမှာပဲ။ အမေလုပ်တဲ့သူကတောင် သူ့ကို ညာပြောတယ်ဆိုရင် ကလေးက ဘယ်သူ့ကိုမှ ယုံမှာမဟုတ်တော့ဘူး။ ကလေးကို အဲဒီလို မကြီးပြင်းစေသင့်ဘူးကွယ်။" လို့ ရှင်းပြလိုက်ပါတယ်။

ဇနီးဖြစ်သူကို ရှင်းပြအပြီးမှာ တန်ဆန်းဟာ ဝက်ကို သတ်လိုက်ပါသတဲ့။

(ရေးသားသူ)
ဟန်ဖေဇု