زاين: ياله تحركي جمعي هاد الروينة وغنعطيك الوقت طيبي العشاء بيما دوشت ..
طلع هو وهي جمعات داكشي بالخف خافت على راسها..حيت كيغلبها...دارت طريفات الدجاج ومعاه التوابل و من بعد الروز والماء وزادت شوية ديال الجضرة خلات داكشي يطيب وكملات جميع الكوزينة..هبط زاين وجلس فالطبلة تما كيتسنا تحط..هي مركزة فشغلها ومغوبشة...حطات الروز فالطباسل..وحطات فالطبلة...وجلست قدامو..وبدات تاكل وهو بدا ياكل وكيشوف فيها...
زاين: الله يعميها لهاد الشي..
نور: نتا عارفني مكنعرفش متتوقعش شي حاجة...
زاين: ممم مبيهش ..مرة اخرى ديري ما احسن...
نور: كتاكل وتغدد على البوسات لي ديما سارقهم...
تعشاو ..ونور غسلات الماعن ..حgر عليها اليوم ..وكلها مشا لبيتو و من بعد زاين خرج دق عليها ودخل لقاها نعست...غطاها تنهد وخرج...على امل انه يجبد معاها الموضوع من بعد حيت ماقادرش يصبر...
اصبح الصباح...فاقت نور على تيلي ديال لؤي كان هو..جاوباتو ...
لؤي: صباح الخير ...
نور: صباح الخير ...بايت تحلم بيا..
لؤي: الله ينجيني...حجارك يشدوك..
نور: ههههه علاش مصدعني على الصباح...
لؤي: اش درنا نتلاقاو اليوم؟
نور: بصراحة معرفتش موحال زاين الى عرفني تلاقيت معاك غيقتلني مفيهاش..
لؤي: علاش
نور: مغيار بزاف...والى عرفني خرجت بلا خبارو وخاصة معاك غيخوي فينا فرديه ب2 بينا..
لؤي: وشكون قالك غتخرجي بلا خبارو..قوليها ليه..فخبارو حسن متصدقي فاهمك غلط ولا شي حاجة..اجي هو عارف اش كان بيناتنا شحال هادي..
نور: اااه بطبيعة الحال ..
لؤي: ايوا وضحي ليه بلي مابقا بيناتنا والو غير صداقة عادية وصافي..
نور: هو فشكل مهم غنقولها ليه مقادا على صداع معاه ...
لؤي: اه واخا مهم باشما كان ردي عليا..
نور: اووك..
هبطات نور التحت مالقاتش زاين..عرفاتو باقي ناعس...قررات تصاوب الفطور ...صاوباتو وقاداتو فالطبلة..وطلعات عند زاين..دخلات عندو بشوية..طلعات فوق الناموسية حداه وجلسات قدامو كتأمل ملاميحو..مدات ايدها كتدوز على شعرو بايد خفيفة لايفيق..وكتدوز على شفارو وشفايفو ..حتا جرها زاين لعندو ..طاحت فوقو..وقال ليها..
زاين: بغيتي شي حاجة..
نور: ألا ..بغيت نgول هبط تفطر...
طلقات منو وعلقت للتحت...
زاين ناض كيضحك عليها..غسل وجهو وهبط جلسو فالجردة الجو زوين..
زاين: حداgيتي اه؟
نور: بقيتي فيا وضميري كيأنبني من جيهتك داكشي علاش قررت ندير واجباتي كزوجة..
زاين جلس : مأنبكش ضميرك على شي حاجة اخرى ؟زعما واجباتك كزوجة مكتقتاصرش غير على كرشي اولا ؟
نور فهمات اش قال..وتفكرات الليلة الرمانسية وقررات اليوم دير ليه المفاجئة وبغات تشد فيه باش ميتوقعهاش غتسلمو راسها اليوم..
نور كتحاول تحبس الضحكة : انا ممستاعداش فاش غنستاعد غنعلمك..
زاين تنهد : وحتال امتا عييت منصبر..
نور: زيد صبر مزال..
زاين: واخا الالا على خاطرك...
نور: زاين بغيت نهضر معاك فشي حاجة..
زاين كياكل ويهضر: وي...
نور: لؤي...زاين لاح الفورشيط من ايدو: ماالو..
نور: غير تهدن..حيت نتا راجلي من واخب ديالي نعاود لك كولشي..البارح لؤي كان باغي ياخد نمرة تاعي ومبغاش يجبد بيناتنا الصداع ولاح التيلي ديالو فصاكي ..انا مكنش عارفا حتا البارح فالعشية..و عيط ليا وكان باغينا نتلاقاو...
زاين: اشناااهوا..
نور: ولكن مقبلتش حيت تحلفتي عليا منخرج..*زاين تهدن شوية* وعاود عيط ليا الصباح..وقال ليا نتلاقا بيه بشوارك يعني بأذنك..وهادشي لي قلت تأنا..يعني الى مبغيينيش نتلاقاه هادشي من حقك...المهم عندي هو انك خاصك تعرف انا مابقات عندي حتى شوية المشاعير تجاهو اصلا داكشي كان غير عقل الصغر..وهو دابا صديق بحالو بحال جينيونغ ..تاهو محتارمني كيهدر معايا على اساس انا مزوجة ...*شدات فايدو* زاين اش قلتي اه ؟
زاين : فاش ؟
نور: اويلي ؟ اش كنت كنخبر دابا ؟ صداقتي مع لؤي واللهتا عزيز علي بحال خويا ...
زاين: ألا مغتلاقايهش ونساي صداقتك معاه جينيونغ ماشي بحالو..
نور: كيفاش دابا نفهم انك مكتيقش فيا ؟
زاين كياكل لارد..
نور ناضت حيت تقلقت ودخلت جلست فالصالة كتقلب فالتلفازة..
زاين: تفgعي ..
ناض فاش سالا فطورو...ومشا عندها ..
زاين: نوضي الالا من تما ..راه عندك مايدار..
نور: شنو؟
زاين: اولا كنقولو نعام ماشي شنو...2 تبعيني..**يبتبع**
مهم هادشي لي كاين اليوم الكومنتس اليوم مكيشجعوش نهائيا شي كيقول ولات مملة شي كيقول شخصية نور ولات مبرهشة ههه اصلا هي اش دارت باش كولشي ولا كارها لهاد الدرجة .😏😏. وكولشي كيقول ديري ليهم ليلة الدخلة دغية ...انا عندي افكار لهادشي ولكن نتوما باغين تقراو غير داكشي 😑😑...مهم تناقداتكم تقبلتها بصدر رحب وغدي نساليها في اقرب وقت بون نوي البنات .😊😊😊..
