اصبح الصباح كيف العادة ياسر فاق بكري ومشا للخدمة كل مرة ككيمشي حتا كيطل على رميساء يبوس ايدها وراسها ويغطيها ويمشي حتى الفطور كيفطر برا...
اما نور حتا هي فاقت و تفكرات رميساء لبسات جاكيطها فوق السيرفيط وهبطات هازا كونطاكت الوطو وخلات زاين ناعس....وخلات ليه ورقة بلي غير عند رميساء... ومنين هي كانت خارجة كان جمال واقف بعيد بلوطو ديالو كيتسنا الفرصة امتا ينفد خطتو...
رميساء فاقت عيانة كيف ديما بالرضان هبطات هكاك بالسوميز مبدلاتش باش دير اللويزة هي لي كتهدنها ... حتا دخلات عندها نور...
نور: هداي ياكما كليتي 😒😒
رميساء : مكليتش😩😩 ...ناري دوخة قتلاتني انور..
نور : اجي طلعي لبيتك...انا غنمشي نجيب لك الفحص وحتا شي دواء يهدنك...
طلعاتها نور شادا فيها...خشاتها فالناموسية ..
نور: نعسي حتا نرجع راه غنتعطل شوية..
رميساء: واخا غير عتقي دغية...
خرجات نور ركبات فالوطو ديالها كسيرات نيشان للصيدلية...اما زابن فاق قرا الورقة ولبس حوايج سبور وخرج و جاكسون معاه ومشا يجري فالبحر....اما رميساء بقات فبلاصتها رجعات نعست....وفهاد اللحظة هبط جمال من لوطو ديالو وقرب حدا الفيلا كيحوم حداها كيفكر اش يدير حتا بان ليه طوموبيل ياسر راجعة ....ياسر نسا البيسي ديالو ورجع ياخدو ...جمال نقز بالخف...ودخل مخبي من باب الكوزينة لي نساوه محلول طلع سبق ياسر نيشان كيدردg وصل و دخل لبيتها كان درس الفيلا فاش جا ديك المرا وحفضها بعينيه...لقا رميساء ناعسة بشوميز وممغطياش حيت جاها الصهد هي كانت ناعسة محساتش.. شافها وحيد غير تيشورت ديالو وبقا بالدجين...وبقا واقف غادي جاي حداها حتا سمع الحس ...ياسر طلع وهو يدير راسو ياله كيلبس حوايجو ...وهنا حل ياسر الباب و لقاه كيلبس و رميساء ناعسة ماجايبة للدنيا خبار ...شاف فيهم ب2 مستوعبش نهاءيا واش هادشي حقيقي لي قدامو ...خرج غير هادي شي ساعة ونصف رجع لقا حبيبتو ومراتو فبيتو ومع راجل اخر ...تصدم حس بنغصة فقلبو ... مستوعب حتا بان ليه جمال نقز من الشرجم و طاح نيشان فالبيسين لي التحت و خرج منو كيجري...وفهاد اللحظة شافو زاين فاش نقز وخرج من الباب كيجري بحر جهدو وزاين تبعو وحتا جاكسون تابعو كينبح.... اما ياسر بالصدمة مفهمش اش هادشي لي شاف حتا بدا يغوت ويهرس داكشي لي حداه ...حتا قفزت رميساء مجايبة للدنيا خبار....
اما زاين بقا تابعو حتا دازت نور من حداهم بالوطو بان ليها جمال كيجري وتابعو زاين وجاكسون ...وهي مع السرعة موقفاتش ....وما فكرات غير فرميساء عفطات بالجهد حتا وصلات وطلعات كتجري اما جمال قدر يوصل للوطو ديابو ركب وكسيرا ....وزاين حفض الماتريكول ديالو ورجع كيجري عند رميساء...
نور دخلات لقات ياسر صاعر كيغوت بالدموع محجرين فعينيه..ورميساء واقفة مقنتة لاسقة فالحيط مخلوعة وماعارفاش حتا اش واقع ....كتبكي بالجهد والغوات...
نور: ا...اش واقع هنا..😨😨😨..
ياسر: سولي صاأاحبتك....رداتني ضحكة ...جايبة ليا راجل لوسط داري اعباد الله ...مقنعتكش اه .. مزوقة ومقادا ليه ؟.... هادشي علاش فرقتي معيا الفراش ....(تم غادي ليها و باينا فيه مناويش الخير ) اليوم غنقتل مك...
نقزات قدامو نور نور كيتحبس فيه ودايرا جهدها حيت مgلضم وطويل عليها بحال زاين... ورميساء خايفة كتغزل لاسقة مع الحيط...وكتشوف نور كتحامي عليها..
نور: ياسر تهدن مكتشوفش فيها غتموت بالخلعة ... كتغوت...هادشي لي كتقول فيه مكيدخلش للعقل ...هادشي ماشي ديال رميساء...
ياسر كيغوت بعينيه حمرين دايزين بالدموع وكيترعد النفس مقطوع فيه : حيدي من قدامي ولا غنشرك ديلمك معاها...😡😡😡
نور: واللهما نحيد خرج مغتقيسهاااش 😡😡😡
ياسر جبد ايدو طرشها حتا طاحت ...وهنا دخل زاين..
