جا ياسر ركب فالوطو :مال مك نتي مصدعا ليا رلسي ،نور: وشوف نتا لي مخليني كنتسنا فيكم حتا تحابو ليا على خاطركم .ياسر: زيدي وكان قريب نتهنا منك . نور: راه انا لي غنتهنا منك اوجه المحكة . ياسر: هههههه مين كتجيبي هاد الهضرة .نور: ماعرت جات فبالي وقلتها ياسر سايق وكيهضر: شنو رأيك فزواجي برميساء . نور: هههه عجبنيي الحال منين هي لي غتزوج بيك كون قلتي لليا انا نختار شكون كنت غنقول ليك رميساء ومنها نيت غنبقاو قراب لبعضياتنا والله اخويا حتا فرحت ليكم ب2.ياسر خربق ليها شعرها : يخلي ليا الفنيكيشة ديالي . نور: خرا علاش ديما كتخربق ليا شعري مبقيتش دريا صغيرة . ياسر: اولا صلحي فمك راه خوك الكبير هادا ماشي رميساء صحبتك ،تانيا نتي ديما غتبقاي ديك نور الهدى الصغيورة الفنيكيشة *قرصها من حنكها*. نور: *بقات كتشوف فيه* اللهم طولك يا روح .وصلو للدار تعشاو ونعسو ..
الغد ليه فاقو البنات كل وحدة مشات مع خوها تلاقاو فلافاك دوزو االحصة وخرجو رميساء مشات مع ياسر ،وبقات نور كتسنا حتا كتسمع الصداع جاي لجيهنها ، تلفتلت لقات زاين قدامها حيد الكاسك وجاي كيفرنس كان لابس كولشي كحل مع كويرة : فين ازين منشوفوش.نور: شتك كتبسل .زاين لاحظ اش لابسا كانت لابسا شورط كحل فوق الركبة و تيشرت gري خفيف . زاين: اش هاد التقزيبة نتي . نور: شوف بلا متفرع ليا راسي انا راشقا ليا دابا بلا متخصر ليا المزاج . زاين: واخا الالا و بلاتي نتي عارفا غتركبي معايتا وجايا لابسة خفيف واش كتفكري ولالا .نور: واصافي .زاين حل ديك العيبة لور وجبد ليها كويرة اخرى ديالو ديما كنيكون حاطها تما ولبسها ليها غبرات وسط منها هو عجبو الحال كيضحك عليها ركب وشاف فيها : ياله طلعي .طلعات هي وجلست ضار عندها وقال: وشدي فيا تصحابيه موطور 103 ههه نور: غير سير انا مرتاحة هكا .هو : هههه واخا . هو غير ضيمارا وهي تلاح عليه شدات فيه شدة العما فالظلمة هو بدا يضحك عليها شوية الدرية عجبها الحال وقالت ليه: زيد السرعة .هو: هههه الحمقاء دابا تلعقيها نور: ودير ليا خاطري .زاين: ههه اياه وهو يعفط هي فمها مجمعاتوش من الضحك ، فرحانة بحال شي درية صغرة وشعرها طاير فالهواء وهو يسمعها وعاجبو الحال حيت على الاقل كتضحك فوجهو وحلف حتا يخليها تجرب gاع داكشي لي بغات معاه غير تسامحو . وقفو فواحد القهوة هبطات نيفها حمر ومزنgة هو حط ايدو على حناكها وقال: كزيتي قلت ليك غتلعقيها ، نور: حيدات ايدو * لا انا بيخير . زاين : واخا .عيط لسرباي : جيب ليا قهوة والانسة شوكولا شو . نور: مزيان كنت مشهياه . زاين: وانا مشهي نبوسك ونعنقك . نور: وانا مشهيا نوض نعطيك للراس . زاين : ههههه مالك عنيفة نتي من برا كتباني انتوية وكيوت و متنوضيش الدجاجة من فوق البيضة ونتي العافية الزرقاء باسم الله ماشاء الله عليك . نور: علاه نتا مطفرو حتا نتا كتر مني . زاين: ايوا شفتي مناسبين بعضياتنا ؛) نور: *ضورات وجهها * مغنديش عليك ، شربات كاسها كتشوف فالجاج برا و زاين كيشوف فيها غير هي . ياسر ورميساء تافقو باش يمشيو للفيلا اليوم باليل ويفاتحو العائلة فموضوعهم ناضو والوجهة الفيلا .عيطات رميساء بنور : الو الزين فينك ؟ نور: انا مع خوك اش بغيتي ؟ رميساء : اجيو للدار دابا بغيتك تكوني معايا خوك غيفاتح بابا فالموضوع .نور : واخا احنا جايين .قطعات : نوض ياله باغينا فالدار .زاين: اففف واخا زيدي .ركبو ووصلو لقاوهم فالباب ودخلو مجموعين
