دخلات رميساء وراهم جلسو فالجاكوزي و ياسر شاد ولدو بين ايديه ةرميساء لي كتغسل ليه وتقوليه كيفاش يدير ...وجاد راشقا ليه... دوشات هي بالخف وخلاتو معاه و هو بقا يلاعبو فالدوش .... سالا مابقاش بزاف لوا عليه الفوطة وحتا البيبي و خرجو لقا رميساء موجدا كولشي ... ودار ليه البودر و لبسو لي كوش و لبسو حوايجو ودار بيه شوية الريحة ديالو و طاقية وهزو وناض هو لبس حوايجو و تهلا فالحالة و هزو وهبط شادو... لقا الكل مجموعين فالفطور عاد لتاحقو بيهم نور وزاين ...فطرو مجموعين و دوزو النهار معاهم حتا سالا النهار و كلها رجع فحالو.....دخلو لي كوبل كولها لفيلتو ... زاين شاد جود ونور جودية ... حطوهم فوق السرير ... و جبدو حوايجهم قادوهم حيت كانو شحال وهما جالسين فالفيلا لوخرى ... دخل زاين للدوش وخلا نور معاهم بدلات ليهم وخلاتهم ينعسو هبطات للتحت كدير العشاء و هبط عندها زاين تعاونو وطلعو بعدما تعشاو دارو لي بيبي فالكونات ديالهم و نعسو.... فاقو بالليل كيتناوبو نوى لي كتنوض ترضعهن وترجع تنعس ...حتا وصل 5 الصباح عاودو فاقو و ناض زاين هاد المرة هزهم كيراري بيهم ب2 حتا نعسو بين ابديه و فينما يبغي يحطهم تيبكيو ... حتا تكا فوق السرير وهما فوق سدرو بقاو هكاك حتا نعسو وكان نعاسو خفيف شوية غير كيتحرك شي واحد كيفيق...
حتا وصلات 7 الصباح ...ناضت نور كتاوب شافت حداها لقاتو هاز ولادو وناعس ... قربات ليهم باستهم فحنيكاتهم و باست باهم تاهو وحل عينيه...
نور: صباح الخير..
زاين: صباح الخير احبيبة...
نور: نعسو عندك ...
زاين: شتهم مخلاوكش تنعسي هزيتهم عندي ...ساعة عجباتهم القضية و حلفو لاخلاوني نحطهم ...
نور: ههههه اراهم عليكم نوض راه 7 ...
ناضت نور هزات لي بيبي واحد واحد ورجعاتهم لبلايصهم ... دخل زاين للدوش وهي غسلات وجها وهلطات توجد ليه فطورو ..خرج لبس وتريح و طلع الشعر وهبط عندها لاكوزينة حاوط ايديه على خصرها وخشا وجهو فعنقها وهي خدامة كطيب ...
نور: اااي وعلاش عضيتيني... تهاوشتي ..
زاين: هههه من زمااان ...
نور: واجي تفطر لتعطل ...
جلس زاين وهي كتخط ليه حتا بغات تجلس حداه وجرها جلسها عليه ... بدات تضحك وتوكل فيه ... حتا سالا وجرات عليه ... خرجات معاه حتال الباب و تلاقات رميساء وياسر سلمو على بعضهم وودعو الدراري حنا مشاو...
نور: اجي تفطري معايا...
رميساء: جاد فايق ...
نور: وا جيبيه ولحقي عليا...
رميساء: واخا احبيبة ...
مشات هزاتو و دخلات عند نور لقاتها كتفطر وجلسات حداها حطات ليها نور تاهي فطورها....
رميساء: ايوى ... ناري انور مابقيناش قادين نتجمعو كيف كنا هههه وليت كنحس براسي عندي 30 عام...
نور: متكونيش بحالي النيخوطة نسيت بلي طالعة ف20 اويلي على الجواج ومايدير....
رميساء: ههههه وايييه...
نور: صافي دابا صحينا الحمد الله و دابا خاصنا نرجعو الفورمة قبل منتهرهرو...هههه
رميساء: اه بالصح وكيف غنديرو مع الدراري وبراهشهم...
نور: هانتي غنوليو نوضو مع 6 الدراري كيكونو باقين فالدار نجيري واحد السويعة نرجعو نديرو ليهم فطورهم و نسيفطوهم و الوركاوت منقادروش نديروه فلاصال نخدمو غير فديال الدراري عندهم الماطيريال...
رمبساء: واخا ...
نور: باش توصل المسابقة تلقانا خفافينا تاني وقادينا الفورمة ...
رميساء: وي بالصح ... جين سالا واقيلة السيري ديالو ..
نور: قاليك باقي ليه شوية ... الشهر الجاي غيرجع ونبداو التداريب من دابا ...
رميساء: معنديش مشكل مخاصش الامومة تربطنا خاصنا نتحركو...
نور: وي عندك الصح...
بقاو مجمعات حتا ناضو و كل وحدة تولات غداها طيباتو ... و رجعو تجمعو كيتحتو حتا سمعات نور بكاهم وطلعات هبطاتهم و حطاتهم حداها فالصالة حالين العوينات كيدورو فيهم و نور كتهضر وهما كيشوفو فيها...
رميساء: هههه نور انا بان ليا جاد وجود لي توام ماشي جود وجودية 😂😂😂😂
نور: ههههه واييه كيتشابهو بجوج شعرهم كحل والعينين زورق ...جودية خرجات لباها شهبة وعينين خوضر العفريتة غطيح ليا التيتيز ....
رميساء: كيشفتي هاد العفاريت مغيطيحوش ...تصوري يخرجو تاهما شي حاجة و طوال مgلدمين بحال باواتهم ياختي ويكونو قباح وفيهم تخراج العينين...
نور: ااه و يبقاو غاديبن ويتعنgرو على بنادم و يوليو البنات هك هك 👐👐👐 كينغلو عليهم وهما ميتسوقوش ليهم هازين خنافر للسماء وعاجبهم راسهم.... 😍😍
رميساء: ههههه من فمك لباب السماء 😍😍
بقاو البنات مجمعات حتا جاو الدراري تغداو مجموعين وعاودو رجعو لخداميهم ....
