ما يرتاح! اذا داس الورد يستغفر الفلاح! لان شوك السمه ابنص النده و ماراح! الماعنده سند ليزامط السفاح ليفوت ابحرب لو بالظهر يلاح! مايرتاح اليودع خزنته الرحمة المفتاح مايرتاح اليزرع اهموم وينطر الافراح ما يرتاح! اليطرد حقيقه ويحضن الاشباح ما يرتاح بالك تستهين ابجيلة الماطاح نوبات البحر هم يغدر السباح! مو كلمن تدين يلزم المسباح اكو لجوبي سبحه ابفرة المرواح! لتساوم شريف ابكثرة الارباح! الطير ايذب حياته وما يذب اجناح! مو ياهو التفزعه ابشوفة الذباح يقبل بالمنايا ايبادل الاروح!! اكو بيهم ذليل ابدمعة التمساح واكو بيهم يموت ومايهد اسلاح! اذا ميشوف كل هذا الظلم ينزاح! مايرتاح! ما يرتاح كاظم الاماره
