عاشكين ارسومكم حد الجنون
عاد مروا بالحلم لوما تجون!
أسئل الليل ودرابين المدينه
ليش شوفتكم صفت حصره علينه
ليش
ما مره
وتريحون الظنون!
عاد مروا بالحلم لوما تجون
/////
ليش عفتوا الذكريات وما خذيتوها ابمشيكم
والجروح اهوايه صارت كلها تسئلني عليكم
انتم ما مريتوا بينه وماكو عنوان ونجيكم!
ليش عفتوني الدمع يمشي ابرهاته
ما يعَرف الكعده كدام الشماته!
ليش
رحتوا
وماتسكتون العيون!
عاد مروا بالحلم لوما تجون
///////
ياهواكم ضحكه حلوه وعطرت كل الشفايف
ياسوالف تبدي بيكم تنعشك ذيج السوالف
احنه قصتنا عجيبه وسهرت عين المضايف
طالت القصه الجميله
مثل ليله والف ليله
قصه
حلوه
وسامرت ليل السكون
عاد مروا بالحلم لوما تجون
بقلمي المتوضع كاظم لاماره
لا تجينه
ابداعت الدمعه
الحزينه!
وروحك الغشت هواها
العذبت روحي
الحنينه!
لا
تجينه
وشخذيت اسنين فدوه!
ذبها بدروب المدينه!
انتَ
مو
أول
مصيبه
البلهوه وطاحت علينه!
لا
تجينه
سايمين الله عليك
لا تجينه ولا نجيك
احنه
خلصنه
العواطف
بالعشك هسه انتهينه!
احنه
سولفنه
سوالف
بالجذب بس ما وفينه!
ما ألومك والجرح ماظن يطيب!!
ليش الومك!
كلشي بالقسمه ونصيب!
روح
اخذ
كلشي
ابحياتي
واهسي وكل ذكرياتي
واخذ
دمعات
الليالي
الهاكثر بيهن بجينه!
واخذ
روحي
اللي تحبك
حته ما تسئلني وينه!
ولاتجينه
لا تجينه
كاظم الاماره
اتمنالكم قرائه ممتعه
