BISAMIH__11طلب خاص
امنيلكم هاي الصلافه__ والله جنتوا تستحون!
بس اكولن ياحسافه___وأصرخ ابليل السكون
يلي جان المستحه ايضوي ابضواكم
والورد جاب االعطر من مستحاكم
فدوه
فهموني
شجاكم
وعادي روحوا ولاتجون!
امنيلكم هاي الصلافه__ يلي جنتوا تستحون!
:::::
من اجينه
انعاتب اعيون الحنينه
ما لكينه
المستحه وما عاتبينه!
مو هذيج اعيونكم هاي الصراحه
ما دريت امنين اجتهن هالوكاحه!
انه
رديت
ابدمعتي
وأأخ يادمع العيوون
يجوي
بخدودي
ابجمرتي
وخيب امال الظنون
والله ماظنيت بيكم هيجي غفله وتنتهون!
امنيلكم هاي الصلافه__ يلي جنتوا تستحون!
::::::
جنت اباهي الدنيا بيكم
بالصدك والعاطفه
الدنيا معتمده عليكم
لو خلت من الوفه!
هسه مخنوك ابهواكم_ والهوه ايريد الهوه
والشمس ظلمه ابجفاكم-حايره ادور الضوه
يادموع
التكفي
وبكلبي الحريق
وياطريق
اليخلص
اشطوله الطريق!
يوم ما رديت وحدي وضايع ابدرب الجنون
امنيلكم هاي الصلافه__ والله جنتوا تستحون!
بقلمي كظوم
