اليوم جبتلكم ابوذية حسب شهر ميلادك 👇
1 ❤ هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
2 ❤️عليك اشكد رجف كلبي وداري
ولجل عينك بعت ملكي وداري
أظنك تعلم بضيمي وداري
شكد احبك وانت تضحك عليه
3 ❤️تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية
4 ❤️يروح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية
5 ❤️ابد ما صطبيلك ونتبه لك
وحذر حيل مني وانتبه لك
انه باهلي ازامط ونتبه لك
واذا اهلك زلم هدهم عليه
6 ❤️ورد قداح اهديلك وجوري
وريدن ضمي احجيلك وجوري
موجر والعشك كمل وجوري
وشبه بركان حبك صاربيه
7 ❤️ ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المكان نذب سويه
8 ❤️لويت الدهر مافد يـــوم حنيت
وديا من دموع العــــين حنيت
ييمه وربج هالـــــيوم حنيت
أوشلت نار الدمع بجفوف أديه
9 ❤️أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه
10 ❤️شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه
11 ❤️تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه
12 ❤️أنا ماحسبت لن شــوكك وبالي
وعودي ذبل بفــــــراكك وبالي
أكوم أنا أويا الربع واكعد وبالي
يمك ولشـــــوك أدور بيه
