ليش اتموت!!
كاظم الاماره
؛؛؛؛
ليش اتموت؟
حته اتراضي اليعزون؟
خاف ابجادرك وبغِيبتك يبدون!
ويحركون كَبرك لمن ايضحكون
تدري اشلون؟
لا لتموت
وأعلمنك طريقه ابموتت المبخوت
هسه وحضر التابوت
ولو شفت الشماته اتفوت!
مَثل دورك اويه الموت
وتدري اشلون؟
لتغمض اثنين اعيون!
خَلَك عين وحده اتراقب ابسكوت
حته اتشوف بيها وما يفوت الفوت!!
وتصرخ صوت
وبصوتك ترج الكون
من اتعاين الشمات
ويه أحبابك ايركصون!!
حته ابكل قناعه اتموت!!
بقلمي المتواضع كاظم الاماره
