اليوم جان عندي تحدي مال شعر
بس هذا التحدي ماجان كد المقام
لان الناس طلعت ماتكتب شعر تصفط كلام
فرديتهم. ب 3 مقطوعات انشاء الله تنال عجابكم
اتمنالكم قرائه ممتعه خادمكم كظوم
👇
رد مباشر بمساجلة التحدي وهناك ردود كثيره
؛؛؛؛
انه ما اقصد فقير ابهل سجال
والتواضع صاحبي ويأمر أمر
لكن المعروف وبهذا السؤال
اقصد المنفوخ عَلا ينفجر!
تدري لو يتواضع ابزين الخصال!
اله حق ابهل تواضع يفتخر
وينه ذاك الفخفخ وطال المقال
خل يجي ايشوفني شيطان الشعر!
خل يجي ايشوفني شيطان الشعر!
كظوم
👇
رد مباشر بمساجلة التحدي وهناك ردود كثيره
اقصد المتكبرين.
من يجون وداعتك الكه الفرج
حتى اشيل الجلمه من اترابها
المهره ما تتخردل ابميل السرج
طالما الخيال هو الجابها!
راح اذب زلزال ساعات الحرج
وضلت ابكيفي امن ازيد امصابها!
انه ليث وما يسكتني الهرج
وما يهم الليث نبح اجلابها!
االساعدي
______
اما للساذج االمواتضع اقول
؛؛
انه بس نوبات ياخذني الخجل
على المايدري ويذب ابروحه
ما ادوس ابجلمة الغيظ وزعل
خاف اطلع دمعته المفضوحه!
جاب الحجاره واجه ايطك الجبل
ما درى ايدوخ وتزيد اجروحه!
ايضنها لعبه وراجع الوكت الجهل
هذا حسباله الشعر مرجوحه!
كظوم
👇
احد ردودي المباشره في مساجلة التحدي وهناك ردود كثيره!
؛؛؛
الشعر مو تسفيط يا ابن الحلال
لازم اتراعي القوافي اوزانها!
رايح ابهل بيت اجيبلك مثال
لا تشخبطها وتضيع الوانها!
القصيده اتموت بسيوف السجال
وانته جاتلها وصرت دفانها!
لان ما هديتها ابصرح الخيال
اشلون بلحومه وتعوف اعنانها!
القصيده ابنيه وتريد الدلال
وانته باهمالك تزيد احزانها!
لزكتها اتلزك ابذاك النزال
اشلون تحجي وكطعيت السانها!
اشلون تحجي وكطعيت السانها!
كظوم
