راح اوصفك.
انته ياهو الكالك كلش جميل!
انته أصلا ًمو حلو وهاك الدليل
راح اوصفنك وصف وانهي الجدال
انته مو خارق ولا شي مستحيل
انته بس اعيونك اعيون الغزال
وياثمار اخدودك وطول النخيل
انته شمس الليل وانجوم النهار
يعني بلوه وزيدت ون الدليل!
انه ماشايف كُمر وكت الصباح
رجعيت الليل وبشعر الطويل!
اي صحيح اوياك بستان الورود
اي صحيح وضحكتك تشفي العليل
واعترفلك عطرك ايشافي الجروح
لكن انته ابهل عطر كلش بخيل!
اي صحيح الوجهك ايلوك الدلال
إولو ندور غيرك ايضيع البديل!
شايل ابعينك سحر لايك عليك
واعترفلك بالسحر مالك مثيل!
هم صحيح اتورطت ناس ابهواك
والبحر بعيونك ايغرك الدخيل!
ياقليل ابوصفك وناس التجيك
وهيه طبع الناس تتعنه القليل!
هيه صدفه الوادم الراحت وراك
مدري ليش الوادم اتحب الرحيل!
انته غاسل وجهك ابمي الزلال
واحنه بس ادموعنه المثل السبيل!
انته تتمايل عله اكلوب الدروب
يعني أذيت الدرب وانته التعيل!
ياخيالي وكارثه وكلك دمار
كهربيت الشارع ابيوم التميل!
ماظلمتك بالوصف هذا الصحيح
انه ما متحيز والله الكفيل!
انه وصفتك وصف بلشفته بيك
هذا وصفك جا بعد وين الجميل!
كظوم انشاء الله يعجبكم
بقلمي التمواضع
