مخنوك لو تدري اشكثر!
خنكة غريب الداره
خنكت يحب عالفاركه
ويتحسر اعله اخباره
امكَرم وكتلوله اخو
وماكدر يمشي الثاره
امجتف وبيته احترك
ونفخاته تحيي ابناره
خنكت المديون وبعد
محد يصَدك اعذاره
خنكت مريض وما كعد
وشماته تحجي اسراره
خنكت شريفه وامنت
ابناقص القذره افكاره!
خنكت المذنب وانتهى
وما كمل استغفاره
خنكة المتوازي ابحرب
وتعوفه كل انصاره
خنكت دخيل ومادرى
طب العدوه ابداره
خنكه الاخيره الكارثه
الما ترهملها الجاره
خنكت مضيف المالكه
لكمه الحلك خطاره!
لكمه ابحلك خطاره!
كظوم الاماره
Noor082896
