والله حيره
هسه شو ياهو التسئله ايكلك انه العندي غيره!
انه انه الماكو مثلي اليشبِع العين البصيره!
اكرم المحتاج منهم واترس الايد الكصيره!
وابد ما اظلم الوادم
رغم طعناتي الجثيره!
انطي ذاك وانطي هذا وافرش السفره الجبيره
يعني ما تلكه ابحجيهم
لا فقير إولا فقيره!
والله حيره!
كلها بالاخلاق تحجي وبالزهد وبهل وتيره!
اتكول واحدهم ابزهده مكتفي بتربه وحصيره!
وكل عشيره اتكلك احنه ابهل وطن احسن عشيره!
يعني ما موجود بيهم ظالم وراح المصيره!
ادري
جا
ياهو الظلمنه؟
ويدك دكاته الحقيره؟
والله حيره!
ايجوز يوصلنه الفضائي ويدهر الوادم دهيره؟
ايجوز ميت يكعد االنه ويرجع النفس الحفيره!
ايجوز متخفي الظلمنه وخدر الدنيا ابعصيره!
لا اكيد الشغله عجبه! ويمكن الظنه الاخيره!
اي لان ماكو بارضنه السافل البايع ضميره!
والله حيره
والله حيره
كظوم انشاء الله ينال عجابكم
