قصه مع ابوذيات ....... كاظم الاماره يقدم كل ماهوه
:::::::جديد
ايكولون اكو صديق كان يعرف بصديقه يحب فلانه! وحبهم طول سنين واهلها ما ينطوها اله لانه فقير! يوم من الايام صار خلاف بين الاصدقاء والصديق النذل راح يخطب حبيبة صديقه النفسه ! بغضاً بصديقه وكان له معرفه باهلها ويعرفونه متمكن مادياً!! فوافقوا وتزوجها
وهذا النذل حشاكم يتقصد يمر هو ولتزوجها من يم حبيبها حتى يقهره!
وذاك اليوم مروا من يم بيته وشاف صديقه القديم
وقال
::::
متلوع عليك وصار بي داي
صاحبنه القديم السكن بيداي
يابدر الليالي الصرت بيداي
وهذاك امظلم وشاف الاذيه!
::::
عندما سمعت الحبيبه هذا الكلام المؤلم بحق حبيبها انشدت تقول
:
هذا العتبتك كوه يراني
راد المنحرم مني يراني
ما ناموا على وني يراني
تعال وسَكت الونه القويه!
::::
ثم جاوبها حبيبها بهذا الكلام وانشد يقول
:
ياروح ابوجر حاقد وجرها
صارت كذلتك بيده وجرها
هاي الدمعه للباري وجرها
لعيونك حبيبي ابهل مسيه
