راح وأذن بالكنيسه!!
وَخر اعيونك عليه
وأنه صليت وتبت!
إويا سحرهن دوخاني وصوجي لمن باوعت!
دايخ وشفت المؤذن كلي بس لا عاودت!
تعَبتني ابهل نصايح وبصلاتك كيفت!
وينه حلفانك هذاكه إوللأسف ماصدكت!
كتله هالدوخه واجتني ابعينه لمن صادفت!
كال سولفلي الحقيقه وين صارت وشوكت!
كتله بالسته اله خمسه البارحه ابيوم السبت
كال راح اتاكد انه وأفتهم لو جذبت!!
عاين اعيون الوكيحه وصاح أويلي اتورطت
صاح بيك اشورطاني وصوجي من يمك فتت
وراح أذن بالكنيسه وصاح اعذروني دخت!
كتله كبلك دايخ انه وما ألومك لو طحت
ما ألومك لو طحت!
كظوم
