راح اوصفك 👈 user10725032
مابين الورد لتطول الكعده
يكطعونك ابساع وتنحسب ورده
لأنك مو طبيعي وعطرك اتبده
وشاحطهم شحط يا كيمر السده!
ليش ابهل جمال اهوايه تتعده!
وتكهرب الشارع خايب اتهده!
جدك بالمسبه اتعشه وتغده
ياهو الشافك وصاح احترك جده
كظوم
كالولي الرطب صاير عله الضوك
كظوم
:::
جنت اضحك عله الناس اليحبون
اذا سهروا الليل إوما ينامون!
اكول اشمالهم راحوا عله الشوك
وماضلوا مثل حالي و يضحكون!
جانت بيه ضحكه اتشك الحلوك
اضحك وبضحكتي امنور الكون
حسبالي اضل بالضحكه التلوك
عليه وما أون مثل اليونون!
مدري اشورطاني الطبت السوك
جن اتكهربت ما اعرف اشلون!
كالولي الرطب صاير عله الضوك
وضكت وتورطيت وهسه مفتون!
ما ادري العيون الصاكه اتبوك
وانته الحوسميته ابذيج العيون!!
كلبي الصار عندك عفته محروك
ابيا دين اخذته و صار مرهون؟
جنك زغلطيت ابشرع الحكوك
وانه الداينيتك صرت مديون!
تسحب بالهوه وعايفني مخنوك
شتحصل اذا تلكاني مدفون!
كالولي عليك اتخيط الفتوك
جا كلبي شجاك وعفته مطعون
ماخيطت جرحه الهسه مشكوك
وشحال اليون يم اليكرهون!
انته ابسعرك اشما ينزل السوك
وانه الجنت عاقل هسه مجنون!
كظوم الاماره
