تختلف عن البشر بالصوت والصوره
والبيك يكتب شعر تتبعثر سطوره
بيك الجمال اختلف
مليون وجهك والف
مابيك نسبه خلل والمشيه منصوره
شفتك واحس ماشفت
عايش بنظره متت
معقوله وي الكمر تتشابه بنوره
كلك معاني وحسن
وعيون عندك قسن
الحلو ماظن حلو لو روحه مغروره
يمك نريد القرب
شبيك عالن حرب
لجلك صفوف الغزل امليها حد الازل
سبوره سبوره
صد لي كافي ولك
باوع اشتعلو هلك
سبينه من لا وعي والكلمه معذوره
هسه انته يله شكلت
مو ذنبي كله شلت
ارحم بحال اليحب والروحه مقهوره
قصه هواك ابتدت
وياك تكمل ردت
واسمائنا بالعشك تتحول اسطوره
بقلمي
