مشوار امي

البارت الثالث

#مشوار_أمي
#البارت_الثالث
#زهره_النرجس

نعم اصبحت أتفهم رغبة الكثير منّا في الصراخ ، هي حالة تجتاحنا حين نشعر بأن ما نختزنه من ألمٍ أو ما نسمعه من أنين لم يعد بمقدورنا أن نحتمله 🥀 ثم نكتشف في النّهاية أن البوح ليس سهلاً للمقرّبين كما يصوّره الآخرون، بل صعب جدا، والبوح للغرباء متعة وراحة وأمان، لأن كل ما ستقوله سيذهب معهم حيث يذهبون، ولن يفهموا سوى ماتريد، سيقفون بجانبك، سيدعمونك، يضحكون ويبكون معك، لأنهم لايعرفون أحدا من الحكاية كلّها إلا أنت فأنت بطلهم.

حنان .. تعبت من البجي تعبت وانه اندب حضي يوميه تعبت من اختي الي مااعرف ليش هجي لئيمه
تريد الشي الزين بس اله

من كال مراد نشرد  ماقبلت على كلامه لو شنو يسون وياي اهلي ماانزل راسهم ومادام باجر زواجي يعني مستحيل اكدر اغير شي لازم اسلم امري لرب العالمين

مراد .. يعني شنو راح تعوفيني وتتزوجين غيري
حنان .. والله مراد مابيدي شي تدري لوعرف ابوي اني احجي وياك راح يذبحني امي ذاك الكيوم مارحمتني من عرفت بيك
واصلا هاي وكفتنه حرام اني راح اصير باجر على ذمه شخص ثاني

ادري الحجي الي حجيته لمراد جرحه وراح يكرهني بس انه اريده يكرهني ويحقد عليه
ردت اروح من يمه وانزل صاح عليه

مراد .. حنون خلي يكون بعلمج اني ماحبيت ولاراح احب وحده غيرج ويمته ماتحتاجيني اني موجود
والله يسهل طريقج ويسعدج وين ماجنتي
ووجهج مايلوك اله الزعل ابتسمي شوي

بلحظته هو يبجي وانه ابجي والله احبه بس مابيدي شي سمعه ابوي واخواني عندي اهم شي

ابتسمت بوجه واندعيت الله يوفقه ويسعده بحياته

حسيت هاي النهايه بعد مااشوفه
((لاتنسون مراد ))

نزلت رحت للغرفه شفت جنان جاي تلم بهدومها استغربت شعده بنص الليل

حنان .. وين رايحه بنص الليل
جنان .. انتي معليج خوش لاتدخلين ولي من يمي

شفته لبست عبايته ولفت روحها وطلعت من الغرفه راحت للحوش خفت اطلع وراها لاتذب مصيبه عليه

شوي وسمعنه صياحها وابوي وحاتم يغلطون عليه
شفتهم اتقدمو للغرفه دخلت بفراشي وغطيت راسي
خايفه يسولي شي

حاتم .. دخلي كلبه ساقطه تردين تنزلين روسنه
وين تردين تهجين

انه خايفه وميته رعب دخلت امي وهي تحاول تهديهم ماحسن بس حاتم جايب سجين ويريد
يذبحها بيه

هنا انه شوي وايبس واموت امي تدفع بي وابوي يكتل بجنان

وهي تبجي وتتوسل بيهم مايذبحونه تحلف ماعده شي بس منو يصدكها