#مشوار_أمي
#التاسع
#زهره_النرجس
خسرانه رجعت من هذيج امالها
جرحو احساس السولفولي احوالها
يكولون هسه عيونها وذيج الجفون
الدمع بيهن كلشي ما خلالها
يكولون تحلم بيه رجعت من جديد
الكبل ماقبلت اظل ابالها
ثروه ماعندي وكدرت انطيها روح
وعمري مافكرت بستغلالها
الرخصتني ودورت ع اليشترون
الراحت وظل بالكلب تمثالها
يكولون نبرة صوتها تحس بيها خوف
وبتسامتها الدمع يختالها
بحلامها اخطوط المخالب واضحات
اموقعلها اعلى الحلم كتالها
الوادعتني وراحت لكوكب بعيد
الظاهر الكوكب رفض ماشالها .
.
ل ايهاب المالكي
رغم حزني وتعبي وتفكيري بجهالي من شفت مراد رجعت اتذكر هذيج الايام من جنت شابه وشلون جنت احبه ويحبني
يمكن كل الي صار بيه حوبته طلعت بيه الله عاقبني لان عفته
اتمنى اروح لحضانه واشبكه وابجي وانحب بحضنه اريد اشتكي من هم الدنيا اريد اسولف اله شنو صار بيه بس حاليا انه ام فاطمه مو حنان القديمه
مراد هو هو نفس نظافته وشكله الي مرتب
من شفت الزي مالته والرتب عرفت هو صار ضابط
صح مالي عين اطلب من يساعدني بس بهاي الدنيا ماعندي احد غيره اهلي اعتبرهم ماتو صفيت ارمله و٩ايتام
مراد .. حنون شبيج ليش تبجين شنو صاير منو هاي البنيه الي ماتت بنتج
حنان .. مراد فدوه الحكني عفت جهالي بحدهم بالبيت
رقاوي بنت زوجي مااعرف شنو صار بيه فدوه شوف ليش حابسيني هنا
مراد .. كعدي هنا ارتاحي هاج هذا ماي بارد وسولفيلي زوجج يمته تزوج عليج وينه ليش مااجه وياج
حنان .. زوجي توفه قبل سنه وماعندي احد بهاي الدنيا اهلي تعرفهم كطعيه وبعيدين عليه ورسول الله يرحمه تزوج قبل عليه وعنده بنات ٣ والي احتركت بنته الجبيره وامها ماتريدهن خلتهم عندي
مراد .. اوووف ياحنون لو بس سامعه حجايتي وشارده وياي جاماصار بحالج هيج
حنان .. انت جاي تكول شارده يعني ماراح ارتاح طول عمري
مراد .. والي انتي بي هسه شنو راحه ؟
على كل حال هسه امشي وياي نكمل اجراءات المستشفى وخابري لعمه لخالها يجون
طلعت من المركز امشي وراه هو اله هيبته الكل طكله تحيه وانه شنو عبالك الخدامه مالته عباتي متربه وحجابي مخربط واسح بروحي ودموعي تجري
أنت تقرأ
مشوار امي
ChickLitقصه منقوله للكاتبه زهره النرجس #مشوار_أمي امراه عراقيه يبدء مشوارها عندما يتوفى زوجها ويترك ٩ اطفال كل واحد من عائلته اله قصه وشلون راح تكدر تعيشهم
