مشوار امي

البارت الثامن عشر

#مشوار_أمي
#الثامن_عشر
#زهره_النرجس

عوفني حباب انه بنت اخو حجي فقار بيتنه هنا

ومنو هذا حجي فقار تعاي ولج اليوم ماطلعين

شكد انه طبيعتي صوتي ناصي وهادء بس انرعبت من طريقه نظراته وشلون يحجي

اليوم ترحين وياي للبيت امشي يلا

يسحب بأيدي ويجر بيه وانه دموعي تنزل واصرخ

عوفني الله يخليك والله مامسويه شي عموووو علي خالوووو لحكوني

سمعت صوت الناس اجت تركض وهو بعده لازم ايدي حيل مايقبل يفلته وعنده قوه موطبيعيه
التمو الناس وسئلوني بنت منو وكل شوي يكلوله كرومي عوفها خطيه ويحجون وياه وهو قافل اله ياخذني وياه

شفت علي وخالو احمد اجو يركضون من بعيد زاد البجي مالتي

احمد ... اوكف علي لاتسوي شي خطيه من اهل الله

علي ... لاتخافين زهوره خوماسوالج شي

زهراء ... حباب خلي يعوفني والله ماسويت شي

علي ... ولك كريم اذا ماتعوفها هسه ابط راسك والله

كرومي ... انته تعال وشوفك بهاي الطابوكه اموتكم واموته هاي مرتي صارت اخذه وياي لبيتنه

علي ... ولك هسه اموتك بمكانك اذا ماتعوفها

احمد ... هاك ولك هاي الف دينار الك روح اشتري مره هاي موحلوه ماتفيدك

كرومي ... اي عمي صدك هاي سوده انطيني الف اشتري وحده بيضه
روحي انتي السوده مااخذج لبيتنه

من عافني مامصدكه فرحت ورحت بحضن عمي اركض ابي عرفته هو بي خلل ويصوله كرومي المخبل شفت علي شلون خزرني والناس طشت ويمشي كدامنه وانه وخالو وراه

علي ... خالي خلي احاجيه على صفحه

راح خالي وهو بقى واكف ومايباوع بوجهي خفت منه كلش

شوفي اول مره واخر مره طلعين هيج وكت وبحدج وبدون ماندري طلعه من البيت ماكو خوووش

زهراء ... انت مامسؤل عني وانه اريد امي اريد ارجع لاامي انتم مخليني هنا غصبن ماعليه

علي ... من باجر اخذج لاامج بس قسم بالله اذا شفت كلب يم بابكم طلقه براسه وانهي وانه كد حجايتي محد يدخل لبيتكم واذا امج تفكر تسوي مثل خواتج تزوجج بالسكته روحي سئلي على النهوه شني والله حته امج هم ارميه

وانه من حجيت هيج وكتلج لاطلعين موحابسج بس مااريد شي يأذيج لان مااتحمل اشوف صايرلج شي
وهذا كرومي الوادم تعرفله انتي ماتعرفينه لوحاطج ومغتصب لو كاتلج هنا ومحد يدري بيج لو ذابج بالشط ولد مخبل محد يحاسبه على شي مافكرتي بيه من مشيتي لكاع بيت محيسن ماكلت اجابني هنا يشوفونج ولدهم واحد من الوادم مايكول مصاحبه واحد ومواعدته بهاي الهيمه الوادم تدري انتي بت عمي وناهي عليج باجر عكب مايطلعون عليج حجي اشكال والوان وهنا يردولهم بس سالفه يدورون بيه بالسلف