#مشوار_امي
#الثاني_عشر
#زهره النرجس
فقار ... حنان وشبي ابني ماعاجبج وماترضين بي
حنان ... بتي رائيه وبكيفه بس انه امها واعرفها تريد تكمل دراسه وتتوضف وخالته ماتريده
فقار .. شعليج بخالته جوه نعالي حجايته ماتهمني بت اخوي ومااريده تروح للغريب
عمو زهراء انتي موافقه لولا
بقيت اباوع على ملامح امي ماموافقه واباوع على علي ملامحه عصبيه وبيهن حب اباوع على خالتي جنان شلون حاقده وماقابله
عرفت حجي امي صحيح ماراح ارتاح لان خالتي جنان ماتريدني ولاتريد امي وبعدين انه شلون مافكرت بالعيشه هنا شلون راح اكمل دراسه شلون اعوف امي وخواتي
زهراء .. عمو اني مااريد علي ولاموافقه عليه ماافكره بالزواج ولاريد اتزوج اريد اتخرج واتوضف
علي ... ومنو كلج ماراح اخليج اداومين
زهراء ... علي انت مثل اخوي مافكره فديوم ارتبط بيك
علي ... اكسر راسج والله شنو شبيج شنو صار معليج باامي ولاتاخذين بحجي امج هذا مستقبلج
زهراء ... امي ماعليه انه الي مااريد اتزوج انت شوف حياتك هواي اكو نسوان بالريف واحلى مني
علي ... اتزوج وحده من الريف ليش مااتزوج بس انتي راح تبقين هيج معلكه طول عمرج
انقهرت لان هيج حجيت وياه مبين يحبني بس انه غلطت لان ماحجيت وياامي ماتوقعت الخلافات توصل لهنا حطيت امي بمشكله راحو بيت عمو فقار وخالاتي رجعن كملن شغلهن بس خوالي موجودين
خالي احمد اجه يمي وحجه وياي
احمد.. خالو لاتهتمين مادام انه موجود انشاء الله احاجي علاوي اخلي يشيل النهوه انتي شابه وراج مستقبل وحياه ماكو داعي يعلكج هيج
بس انتي فكري بي تره هو خوش ولد واخلاقه حلوه وتعامله حلو ويا المره مومثل عمج واسلوبه
زهراء ... خالو انه مااكدر اعيش ويا خالتي جنان هي ماتحبني وراح تعبني واكيد هو جبير العائله خومايعوفهم ويكعد بحده
راحو خوالي وبقينه بس احنه بالغرفه دموعي صبن خايفه اخلي عيني بعين امي لان بعد ماعده ثقه بيه اعتبر انه جذابه
زهراء .. ماما والله اني غلطانه وندمانه لان ماكتلج
حنان ... كافي مااريد اسمع منج شي على الموقف الي صار توه وشلون اختي تتعارك وياي
كافي رحموني تعبت من انه عند اهلي لهسه تعبانه كله عليه ليش ياربي النسوان عدهن الاخو والرجل يوكف وياهن انه حته ماحصلت شي من ابوج راح تزوج وجابلي ٣ بنات ورث ماحصلنه عمج اخذه بليه مخاف رب العالمين
ياامي انه اريد ازوجكم وافرح بيكم اريد ارتاح اريد تتخرجن ويصير عندج راتب سلاح الج ماتحتاجين لااحد
أنت تقرأ
مشوار امي
ChickLitقصه منقوله للكاتبه زهره النرجس #مشوار_أمي امراه عراقيه يبدء مشوارها عندما يتوفى زوجها ويترك ٩ اطفال كل واحد من عائلته اله قصه وشلون راح تكدر تعيشهم
