مشوار امي

البارت العاشر

#مشوار_أمي
#العاشر
#زهره_النرجس

‏"حبي لأمّي لا يتعلق في كونها أمّي، بل أحبّـها لأنها شخصية عظيمة، أحبّهـا حد أني حين أكون في خلوتي أبكي من فرط مشاعري لها، أحبّـها بكل قلوب أهل الأرض."
.
‏"دعائي أن تنجو الأمهات من أرق الخوف والقلق وأن لا يطرق الحزن لهم باب."

زهراء .. رحنه على ماما وعزيناها بس هي جانت بارده برده فعله صح حزنانه بس ماعبالك امها الي متوفيه حقها لان ولامره فكرت بيبي تزورنه لوتسئل عنه حتى بفاتحه بابا الله يرحمه هم ماواست امي

بدلت لمحمد ولهناء واحنه بدلنه عندي ملابس سود من محرم ثوب طويل وعندي قميص اسود لبست الثوب وضميت القميص انه وفاطمه نلبس سوه وعبير مرات تخيط النه ملابس بس بفلوس خياطها يجنن بسنه ال٢٠٠١ماجنه نكدر نشتري كلشي

حجاب مانلبس لان مامتعودين جان الي ماتلبس حجاب كلش عادي وخاصه منطقتنه اكثرها مسيح وبالدوام هم نفس الشي

اهل ماما حته محد كلف نفسه واجه علينه خلونه نجيب سياره طلعنه المغرب ساعه وصلنه هوسه
وزلم هواي بالباب

تلكانه خالي حاتم وهو يصيح

حاتم .. شنو جايبه بناتج هيج لاحجاب لاعبايه لو رحتي هناك للولايه وصرتي فالتو والله لوما الفاتحه جاكسرتج انتي وياهن

استغرب شلون يحجي هيج ويا ماما وهي سكتت ماحجت ابد

عبير .. مادام لبسنه ماعاجبك شو ماشفناك ولايوم جيب النه هدوم مستوره وحجابات واوعدك نلبسهن

حاتم .. لومازلم اكص لسانج الج دخلن بسرعه 

امي كبل دخلت للدوانيه وتصرخ وتبجي وياهن ولانفس شكله قبل لاندخل

عرفت هاي عدهم عادات يصرخون ويلطمون على الميت

تذكرت اخر مره من اجينه وشلون عاملتني خالتي جنان شفت بناته اثنين حبابات كعدن يمنه وسولفن وبنات خالي هم كعدن يمنه وعدهم هواي بنات

جنت كاعده بالمطبخ اسوي لفه طماطه لان جعت كلش شفت اجه واحد وكف بالباب ماتحرك استحيت اعرف راسي بس حسيته يباوع عليه استمريت الف بالفه

علي .. شلونج زهراء

زهراء .. الحمد لله منين تعرف اسمي

علي .. شنو نسيتيني

زهراء .. والله صار هواي من اجيت جنت زغيره مااتذكر

علي .. اي صح صار هواي بس انه مانسيتج
انه بن عمج فقار

زهراء .. اها اهلا وسهلا بيك شلونك شخبارك اعذرني لان مااتذكرتك

حسيته رجع ابتسم وعيونه تلمع وهو يباوع عليه

علي .. ادري بيج مامتعلمه على الاكل مالنه المفطح واللحم تردين اجيبلج لفه