مشوار امي

البارت السادس

#زهره_ النرجس
#مشوار_أمي
#البارت_السادس

كلش فرحت بالمكان الجديد بعيد عن اختي ومشاكله
وجه الباب مال البيت يصير بضهر القصر

صاحب البيت متزوج وعنده اطفال وامه وابوه وياه واخوه وزوجته هم بنفس القصر

صار يومين هنا ماشفت احد من عائلته وماطلعت بره البيت التهيت ارتب بالغراض الجو هنا يختلف عن الارياف ماكو نخل هواي اكثر شي مباني

اكو كبال الحديقه مساحه زغيره كمت ازرع بيه خضره وطماطه وطرح وباميه رتبت الحديقه

ورسول يزرع بالحديقه الجبيره مالت القصر ورد وحشيش ومتسلق غيري واجه الحديقه كام مرات صاحب البيت ياخذه وياه يكضي مشاويره

كبرت بطني وصرت بشهر التاسع وبده عندي الطلوك
عمتي ام رسول اجت يمي لان بحدي

جنان جابت ولد قبلي وسمعت مشاكله ماتخلص تريد فقار يترك كلشي ويعيش هو وياها بالولايه

جبت فاطمه وملت عليه الدنيا كله جنه فرحانين
انه ورسول مااهتمينه حته لو بنيه

وره الاربعين هم حملت ماادري بروحي وهنا بديت اتعب فاطمه زغيره وانه بحدي ومالحك اسوي شي
ولهسه ماشفت احد من اهل البيت الي كاعدين عدهم

ينطون لرسول راتب كل شهر صح موهواي بس العيشه هنا حلوه اللبس تغير والاكل تغير

جبت زهراء وبيومها حسيت رسول مثل الضاج
انه هم ضجت ردت ولد يشيل اسم رسول ماطولت هواي شهرين وهم حبلت وجنه متأملين يصير عدنه ولد وهم صارت عندي بنيه سميته عبير

رسول راح للعسكريه وكل شهرين يجي ١٤ يوم عدنه
كمت انه اعتني بالحديقه وازرع تغيرت بشرتي صارت احله وابيض لااكو ترس ماي ولااكو طلعه بالشمس

بناتي يلعبن يمي وانه اشتغل بالبيت والصبح من الفجر اطلع اشتغل بالزرع

اتعرفت على الحجيه صاحبه القصر خوش مره حبابه
متعوده تكعد من الصبح وانه اكعد من وكت تبقى كاعده يمي وتسولف

رسول كام من يجي من الجيش يروح ويتأخر مااعرف بي وين يروح

معامله وياي تغيرت يصير عصبي على اقل شي
وكل مااكله محتاجه شي مايقبل يشتريلي

كمت ازرع واحصد الزرع مال الحديقه الزغيره مالتي
وكلما احصد الزرع انطي للحجيه ام البيت
وتنطيني فلوس بداله

حملت وره فتره وكمت اتعب اكثر شغل الحديقه والجهال يتعب

عبير عندي كلش عنيده ومزعجه تشبه جنان شكل وتصرفات فاطمه تشبهني وماخذه عيون ابوها شعرها ثخين وطويل وزهراء نسخه ابوها