مشوار امي

البارت الرابع عشر

#مشوار_امي
#الرابع _عشر
#زهره_النرجس

لا أملك وقتًا اضافيًا لأكره أحد ولا لأفرط في حُب أحد ولا لأراقب أحد ولا أبالي بالخسارات 🌸
.
.
بإختصار لا وقت لدي إلا القليل لنفسي أعيشه في الآونة الأخيرة بوعي ونضج يرضيني أعيش بهدوء مع الاشخاص من حولي أحافظ على مسافة معقولة في علاقاتي أتكتم أتأمل اُكثر من الغياب وهذا أمر مريح للغاية".🍃🌸

حنان ... خلصنه غده وانه ميته خجل اشوف بناتي فرحانات لفرحي واحمد ومحمد ملتهين يلعبون

مراد ... غسلي وامشي وياي فوك
حنان ... عيب من اهلك وجهالي خليه غير يوم
مراد ... غير يوم شنو ولج اني عريس اليوم اريد افرح اركص
حنان ... هسه اكعد شويه خلي يلتهون

كلي بسيطه اني الج بس اذا ماخليتج تجين وراي

مراد .. حنان كومي شوفي الغرفه حلوه لولا

هنا انحرجت ماعرفت شنو ارد وماانتظر ارد عليه
صعد الدرج وانه كمت وراه عبالي صدك يريد يراويني الغرفه اول مادخلت الغرفه قفل الباب

حنان ...هاي شنو تسوي كتلك استحي من جهالي فدوه خليه غير يوم

مراد ... اليوم يعني اليوم مواله نسوي شي اكعد انه وياج بغرفه وحده كلش كافي

حنان ... يمه منك تعرف شلون تقشمرني
مراد ... قابل شنو مسوي اني غير مرتي انتي واريد تريحيني

فكر بيه هو شنو ذنبه صبر هواي عليه من ٢٠ سنه وهو ينتظرني لازم انطي حقه وادلله شوي هذا اقل شي اكدر اسويه اله

حنان ... حبيبي الملابس الي اشتريتهن الصبح وينهن

كام يصفك ويصوفر

مراد ... العب يعني راح ندلع اليوم مو
حنان .... هههههههه هن وينهن الغراض

كام فتح الكنتور شفت بي اشكال الملابس مال نوم ومال بيت ونفس قياسي
بس ملابس النوم الي مختارهن فضيحه ماينلبسن
اخر شي عجبتني بدله نوم ستن طويله نص ردن كله تور ومخروطه من يم الصدر لونه ابيض

مراد ... تعاي تعالي وين رايحه انتي وهذا الي بيدج
حنان .... ههههه هاي شبيك انطي مجال ابدل واجي
مراد ... بربج بدلي كدامي اريد اشوف شلون تلبسينه
حنان .... ههههههههه اكعد واسكت اليوم راح يخلص بس سوالف
مراد ... يالله ياكريم حسيتي بيه مو يلا انتظر تلبسين شعندي بس هاي اول واخر مره تسوينه بعد منا ورايح كدامي تبدلين

رحت للحمام لبسته وياسمار جسمي طلعت توب

رتبت  شعري وانه بالحمام وخليت حمره وعدلت نفسي وطلعت

مراد جان كاعد على الجربايه بس فتحت الباب مال الحمام طفر بسرعه من مكانه جان لابس فانيله تعلاكه سوده وشورت ابيض