مشوار امي

البارت الحادي عشر

#مشوار_أمي
#الحادي_عشر
#زهره_النرجس

علي ... امي شعليه انتي لاتخبليني انت انطيني الموافقه ومعليج

ماعرفت شنو احجي سكتت

زهراء .. انت شنو تعرف عني وتريد تخطبني كله مرتين شفتني بيه

علي .. منو يكول مرتين شايفج هواي واعرف وين اداومين

بقيت صافنه ومتفاجئه

علي .. اي لاتصفنين من اول ماشفتج بفاتحه عمي الله يرحمه وانتي دخلتي بكلبي وانتي بت عمي موغريب سئلت ابوي وين بيتكم ودلاني وشفتج انتيو خواتج من اطلعن للدوام دائما اجي للولايه واشوفج تكدرين تكولين حب من طرف واحد
وانتي بت عمي موغريب لازم اصارحج ويصير عندج علم  انه هسه كليه اداره واقتصاد اول سنه وبس اخلص كليه واخطبج

ماعرفت شنو اجاوبه لازم امي تعرف بهذا الكلام

زهراء .. هسه موكت هذا الكلام احنه جاين هنا لان فاتحت بيبي الله يرحمها

علي .. الله يرحمها بس  اريد اطلب منج طلب

زهراء .. كول ابن عمي شنو طلبك

علي .. افيش حلو بحلكج ابن عمي اريد تلبسين حجاب انتي حلوه وجمالج وجمال شعرج ملفت اتمنى تغطينه والله يحترك  جد جدي من اشوفج ترحين للدوام وكصيبتج طالعه

ابتسمت بوجه لان حبيت غيرته عليه وكلامه الحلو اول مره واحد يحجي وياي هيج

زهراء .. اترخص منك ابن عمي لايشوفنه واحد ويسويلنه مشكله

رحت للمطبخ اشوف البنات كلهن طاقه ونشاط يشتغلن ويحضرن الريوك خبز حار وكيمر ودهن حر وزبد وبيض ترسو السفره والنسوان الي بايتين ببيوتهم اجن من الفجر كعدن واتريكن

جنان ... حنان بناتج باردات شبيهن كوه يتحركن

حنان .. وين اكو مثل بناتي اصلا هن بلسم على الجرح

زوجه حاتم .. والله ياحنون بناتج وردات خاصه زهوره تنحط بالكلب

خلصنه ريوك بسرعه واخذنه المواعين انه وفاطمه نغسلهن

فاطمه ... شبيج ولج وجهج يضحك شنو صاير اطربيني

زهراء .. ولج فطوم تعرفين علي ابن عمو فقار
مساع بالبستان حجه وياي وطلع يحبني من زمان وجان يجي يم مدرستنه ويشوفني ويريد يخطبني

فاطمه ... هههههه وجنان خانم شنو رائيها موافقه لا

زهراء .. والله مااعرف بس يكول هو مايهتم لااي احد

ردت اشوف فرصه واحجي وياامي بهذا الموضوع
بس البيت هوسه وماكو كعده لازم نركض جاي ماي تنضيف الضهر وكت الغده الزلم طبخو صواني بيهن تمن وحشو وهبر لحم صح احنه على كد حالنه بس نجيب لحم ونسوي ويا المركه بس موهجي بهاي الكميه وريحه الشحم ومنضره كلب معدتي