مشوار امي

البارت الثاني

#مشوار_أمي
#البارت_الثاني
#زهره_النرجس

مهما كانت ظروفك في الحياة
فلا تحمل بقلبك غير النية الحسنة
فعلى نياتكم ترزقون ❤

.....
حنان .. حبوبه لاتحجين شي فدوه رحتلج انه اخيتج وهسه ابوي لوسمع يذبحني ويذبحج تدرين بي يكره البنات

شوي واطلعت امي وجهي صار اصفر

ام حنان .. شبيج شصاير اخوانج بيهم شي
جنان .. يمه بطني موتتني جوعني ومااكدر انام
ام حنان .. مال الغسل امشي ولي فوريلج زهورات
وشربي وخمدي ابوج اذا شافج ادكين الباب هيج
يطلع يذبحج

من شفته ماحجت شي لاامي رجع الماي بوجهي
بس كرهت جنان كلش وتندمت لان حجيت اله

رحت نمت بالمطبخ لان بيتنه بي بس غرفتين الولد ينامون بالهول وانه وجنان بغرفه وامي وابوي بغرفه

كعدت الفجر عجنت وجيمت التنور بدال امي مااريده تضوج مني وتزوجني

كعدو اهلي وتريكو ب٦ كلهم طلعو وجنان تخزر بيه

حنان .. يمه يلا انه خلصت شغلي رايحه اترس ماي واغسل هدوم اخواني

ام حنان .. روحي بس موتبطين ورانه شغل هواي بيت عمج يردون يجون اليوم يتفقون على عرس جنين

جنان .. يمه كتلج مااريده شنو هذا الفكر الفلاح
شوفي بتج عاشكه منو عاشكه ابن اخو المختار
يوميه تروح على اساس تترس ماي وهي تتمعشك كدام الوادم

ام حنان .. يمه صخام صخمني ولج تردين تفضحينه

ماكدرت ارد لو احجي شي لان جنان كفت ووفت خلت امي دك وتلطم لزمتني من شعري وكامت تكطع بيه  وانه جوه ايده ابجي خايفه ينسمع صوتي طلعتني للحوش المكشوف وكضت الصونده مال المبرده

وكمت تطك بيه على رجليه وعلى ايديه وبكل قوته وبدون رحمه وانه بدون صوت بس دموعي ينزلن

شفت جنان تباوع من شباج المطبخ وتبجي عافتني
امي وراحت جرته من شعرها نص شعرها اجه بأيد
امي وكعدته بصفي وكامت دك حيل عليه بالصونده
وعليه بس جنان كامت تصرخ ماتحملت كلبت الدنيا

ام حنان .. المغرب يجون بيت عمج وخلي ابالجن اثنينجن تنزفن بنفس اليوم جنان تاخذين فقار وانتي تاخذين رسول

جنان .. والله ولااخذه انطي لبتج ام الولد

رجعت على جنان سحته من شعرها وخذته للغرفه كالت خلي اشوف وحده ترفض وتشوف مني شي ماشايفته اله اخلي ابوج وحاتم يذبحونجن ويشمروجن بالشط ومحد يدري بيجن

خفت من تهديده وجنان هم سكتت ماحجت لان نعرف امي لوحجت حجايه تسويه رحت للغرفه فرشت فراشي ونمت وعيوني نكعن المخده