#مشوار_أمي
#واحد_وعشرون
#زهره_النرجس
زهراء ... صخام صخمني انه من الاول حاسه راح يصير شي
علي ... هو الشي صار وراح
يحجي ويغمز ويلعب بحواجبه
تره والله وصلت حده وياك ولك لو لزمني عمي شنو راح اكله يعني
لاتخافين هسه يمل بحده ويروح لبيت خالي حاتم
جاي يحجي وشفناه تقدم للاستقبال سحبني من خصري وشبكني من وره وره البرده خلاني بقى مخلي راسه بركبتي ويشم بيه ويبوس
دخل عمي للاستقبال توقعته راح ياخذ شغله ويطلع
اخذ التلفون وكعد بالكاع وخابر
هلو عسايل شلونج شخبارج
لاالبومه اليوم موهنا راحت تتسمم يم اخوها الشفيه
ههههههه لاتولي انعل ابوها لاابو العيشه الي عايشه وياها ههههههه
ول ول لاتخبلين بهذا حجيج مااتحمل ماادري شلون
راح اصبر لباجر واجيج ولج ردت اصعد وجلب وياي ابن عمتي اله يروح للولايه وياي عفته ورجعت
اخ يابه اي اريد تلبسيلي ابو الخيط الي ريش اي اي الاسود اجيبلج كلشي وياي
ولج لاتخبليني ماكل تمر برحي والحلاه صاعده عندي
وين انطي وجهي اليوم البوم ومالي خلكها كلش
انه اسمع شنو يحجي ومصدومه عمي هذا هجي يطلع من عنده
مااكدر ابعد علي من عندي لان اذا تحركت راح يحس بيه بقى هو يتلمس بجسمي ساعه اروح بغير عالم وساعه اصحى على حجي عمي فقار
يحجي باذني بهمس ولج انه انتهيت كلش مابقى بيه حيل جهالي راحو بالكاع
اش صوتك ولاتسوي بعد شي مواستغليت الفرصه والله عيب تستغلني
علي .... ههههههه بفلوسي ماكو شي بلاش بس لو كاعده بحضني احس رجليه تكسرن من الزكفه
زهراء ...فرخ الوز عوام
فقار ... يلا يابعد عشيرتي كله خلي اروح لهاي البومه تصبلي لكمه كون موت الكرفها واخلص منه ولج انه اتمنه اليوم كبل باجر اجيبج بمكانه بس خايف تموتج هاي تسويه
لالا ماراح ابقي زواجنه بالسر اعقد عليج واخلي بالعلن
هههههههه ولج مومااكدر على هذا الحجي اجي اكلج
ههههههههه وروح ابوي هسه جايج انتظريني لاتتغدين ساعه واوصل
طلع عمي بسرعه وسد الباب حسيت اريد انفجر على علي من وره سوالف ابوه وسوالف
ادفع بي واحجي شوف اذا مااخلي امي تمنعك حته من شوفتي واذا اجيت لو وصلت لبيتنه والله اسولف اله كلشي لازم اليوم اسبح واجلف روحي جلفه من وراك ومن وره سوالفك
أنت تقرأ
مشوار امي
ChickLitقصه منقوله للكاتبه زهره النرجس #مشوار_أمي امراه عراقيه يبدء مشوارها عندما يتوفى زوجها ويترك ٩ اطفال كل واحد من عائلته اله قصه وشلون راح تكدر تعيشهم
