مشوار امي

البارت الخامس عشر

#الخامس_عشر
#مشوار_أمي
#زهره_النرجس

هذا علي اجابه هنا بقيت اصرخ لان اثنينهم اعصاب واحد يضرب بالثاني التمت الناس والمدرسين وفرقوهم بس مستمرين واحد يغلط على الثاني

زهراء ... علي على كيفك شبيك تخبلت شنو صار افتهم السالفه بالاول

علي ... اليوم احرك الدنيا على راسج انتي وخواتج  وامج

اباوع وين فاطمه وعبير شفتهن واكفات ويبجن بس ردت اصير قويه واحجي

زهراء ... عمار هذا ابن عمي موغريب لحظه بس خلي نتفاهم

الحجي ماجاب نتيجه سويت روحي مغمي عليه حسيتهم كلهم فوك راسي صارو وخواتي يبجن حسيت واحد شالني ويركض وهو شايلني

فتحت عيوني شفت روحي بحضن علي يريد يدخلني للسياره

علي ... كليلي بشنو حاسه شنو صار شبيج

التفت شفت خواتي واكفات وجسمي كله يرتعش خايفه لااحجي ويرجعون يتعاركون

زهراء ... اريد ماي
ركض عمار للمحل يجيب ماي وعلي راح يفتح الباب البصفي  مال السياره شاورت فاطمه كتله مابيه شي بس ردتهم مايتعاركون بلغي عمار يروح هسه لاعلي يسوي مشكله فدوه انه احجي وياه

ثواني ورجع علي يمي مبين من وجه خايف عليه حته عمار نساه ماحجه شي وياه ولاشافه وين راح

الناس الي جانت واكفه راحت بقن بس خواتي يمي

علي ... صعدن وره خلي اخذه للمستشفه
زهراء ... لاماكو داعي بس وصلنه للبيت
علي ... رحت لبيتكم بالعطله  وكالو شايلين واريد اعرف منو هذا الي جنتي واكفه وياه وتضحكين
زهراء ... وصل خواتي للبيت وانه راح اسولفلك كلشي

دقايق وصفتله البيت فاطمه ماقبلت تنزل خافت عليه بس طمنته مايسويلي شي يخاف عليه بس لاتخوف ماما عليه دخلن للبيت وهو باقي نفس شكله المعصب ماتغير شي

علي .. شوكت تحجين منو هذا وشعدكم بهذا البيت الجبير

زهراء .. راح اسولفلك بس فدوه لاتعصب اسمعني للاخير

ماما تزوجت قبل فتره بس خوالي وعمو فقار مايدرون لان هم معارضين زواجه من الاول وخطيه الي شافته بحياته موقليل والي شفته واكفه وياه ابن اخو مراد زوج ماما انسان جدا خلوق وخوش ولد

علي ... لاتحجين هيج عليه يمي امج اخ امج ماعده عقل من سوت هيج شنو عباله خوالج راح يسكتون لو الكذبه ماتنكشف ومنو كلج راح اخليج ترجعين بعد لهذاك البيت والرجال غريب وعدهم شباب

زهراء ... بس اهدء لاتصيح عفيه شنو ماتخليني نرجع وكف السياره لحظه

علي ... حضري روحج السبوع الجاي عرسنه وامج راح اخلي اخوانه يتفاهمون وياها مكعده شابات ويا زلمه غريب