مشوار امي

البارت العشرين

#مشوار_أمي
#عشرين
🔞🔞🔞🔞
زهراء ..من رجعنه لبيت خالو احمد وامي وياي ارتاحيت لان اصير قريبه على علي صح ماصرنه ننجمع سوه مثل قبل ولو ردنه نروح للشط هناء ومحمد يجون ويانه

يوم عن يوم بدت الغيره مالته تعبني يعني على كلشي يحاسبني وغير للدوام مايقبل اروح صح الاوضاع تخوف بس يم بيتهم الاوضاع زينه جنت مداومه بصدريه كلش حلوه عمو مراد دزه الي من الاردن بيد عمار مالحكت اشوفها ل علي لبست ثاني
يوم جنت فرحانه بيه تصير مثل التنوره وبيه شيالات ضعاف جان توه نازل موديله لبست تشيىت بدون ردن جوه القميص حته ماتبين ملابسي الداخليه الصدريه بيه جاكه زغيره من الجهتين توصل قبل نهايه جواريبي

بالروحه رحت وياخواتي لان احمد عنده محاضرات ولازم يروح قبل لارتل الامريكان يكطع الطريق

بالرجعه شفته واكف على الشارع جا مبتسم شوي شوي تحولت نضراته غضب

علي .. شنو هذا اللبس اليوم اكسر راسج امشي كدامي
زهراء .. مااسمحلك تحجي وياي هجي وصدريتي مابيه شي ولاطالع من جسمي شي

علي .. باعي قميصج كله طالع وضهرج اكيد مبين
زهراء .. شنو شايفني زغيره لومااعرف وتكول هجي

صرت اعصاب وكمت اصيح شوف شنو مبين من عندي لوبس تريد تحجي انت من الاول ماتريدني اكمل ردت تمللني من المدرسه علمود ابطل بس خليه بعلمك اعوفك ومااعوف دراستي هذا حلم امي ولازم نحققه

علي ..باانفعال وليش تصيحين منو كلج بطلي
زهراء .. يااخي مرمرتني زهكتني بعيشتي هذا لاتسوينه هذا سوي لاتحجين ويا هاي لاتمشين ويا هذيج طكت روحي وكرهتني بحياتي ميخالف تغار عليه وتحبني بس موهيج صرت اعصاب واحجي
قدر جيتي وياك لهنا عفت كلشي

علي .. لزمت ايده حيل واريد بس تسكت بس هي بعده منفعله وماتقبل تسكت وتوخر باايدي اذا الزمه

زهراء .. لهنا وكافي مااريد اتزوج ولاانخطب نفسخ انه وياك وكلمن يروح لحال سبيله

علي .. اش انجبي وسكتي مااحب هذا الحجي امشي نرجع

زهراء .. وخر لاتجر ايدي شنو انه هايشه لوصخله من حلالكم

عفته وكمت امشي كدامه بسرعه بطريق البساتين رجعتي وهو عاف سيارته يم المدرسه ويمشي وراي لطريق البيت

وصلت يم بيت خالي ركضت بسرعه دخلت وركعت الباب حيل خفت لاتأذه بالباب بس خلي يستاهل

دخلت للغرفه وكلت لاامي اريد افسخ مااريده ومااطلع اله

علي .. صيحيله هسه لااحرك الدنيا على راسه شلون تجاهلتني وتركض للبيت وين كاعدين تريد الوادم تضحك عليه