مشوار امي

البارت الثامن

#مشوار_امي
#الثامن
#زهره_النرجس

وَيَلُفُّنِي وَجَعُ الحَنِينِ وَأدَّعِي
صَبْرًا، وَجَوْفِي بِالأَسَى يَتَقَطَّعُ
وَأَذُوبُ مِنْ شَوْقِي لَهُمْ لَكِنَّنِي
مِنْ فَرْطِ حُزْنِي أَعْيُنِي لَا تَدْمَعُ.

تهسترت من سمعت صوت زهراء خفت لااخسر بنتي حبيبتي مااتحمل خساره اثنين بوقت واحد

شفت زهراء شابكه علي ابن فقار وتبجي رحت اركض عليه لزمته

حنان .. شبيج يمه شنو صار بيج شي

علي .. خاله حنان مابيه شي بس خطيه شافت جريدي وخافت يمكن اول مره تشوفه

زهراء .. ماما جبير واسود طلع من المجاري عفيه ماما لاتعوفيني

جنان .. وشنو هاي الدلاعه والله وبنات حنان صارن مثقفات وماشايفات جريدي

علي .. ماما عيب هذا الحجي هاي اختج وبنته

جنان .. يمه يمه خبلتن الولد بسوالفجن بعده ماختلت بحضنك هيج كمت ادافعله

شفته كضت علي من تشيرته وسحبته للغرفه وتكله والله لو حاجيت بنات حنان اموتك

علي جان صف اول متوسط حلو ابيض مثل امه بس فقير وتصرفاته مثل رسول الله يرحمه

نامت زهراء بحضني والليل كله شابكتني وخايفه

خايفه من باجر وشنو ضاملي باجر شلون راح اعيش وين اعيش

زهراء ... رحت للتواليت اول مادخلت شفت شي اسود طلع من المجاري كمت اصيح واصرخ وطلعت من التواليت ركض شفت واحد واكف يباوع عليه رحت حضنته ودفنت راسي بصدره

عفيه ماادري شنو طلع من المجاري شي اسود

علي .. لاتخافين ماكو شي هذا جريدي مايخوف

زهراء .. فدوه صيح لاامي

طلعت امي مفزوعه شفت خالتي شلون حجت وشلون خذت ابنه للغرفه خلص الليل عليه كل شوي احلم بشي

كعدنه من الفجر النسوان تارسه البيت والبجي والصريخ وملايه تقره خواتي كلهن طالعات من الغرفه ومتريكات بس انه عايفيني نايمه

كعدت محصوره كلش واخاف ادخل للتواليت فتحت باب الغرفه شفت الحوش متروس شحاطات والنسوان بالدوانيه

والمطبخ متروس استكاين وكلاصات والنسوان كلهن بالدوانيه الجبيره يسمعن قرايه

طلعت من المطبخ صار بوجهي علي ابتسمت بوجه

علي .. بعدج خايفه

زهراء .. لامابيه شي بس اريد اروح للتواليت واخاف
يطلع الجريدي